سوينق برعاية الموسيقار

[waseem]

حبيب قلبي ابو محمد ولا يهون الجميع اعرفك من هواه التحليل المفصل وعشان تاخذ راحتك هذا موضوع لأسهم سوينق ياريت لو تتفضل عليا يااستاذي وتشوفها .

السهم الاول

 

[alattar]

هلا بوعمر

السهم طيب طالع عليك بس فيه شي يخوف وهوان السهم تبع ناسداك100

================
على العموم انا عارف انك مو محتاج تحليل ولا شي بس تبي تشعللها معاي الي مثلك يستحق ان يحاضر وتكون له دورات ياطويل العمر

===============
السهم هذا يابوعمر كان يستحق الشراء واعطى نقطة شراء للسوينق من عند كسر 8.75 تقريبا وكان هدفه 9.30 وقد اصابها



ولكن ان شاء الله الفرصه لازالت قائمه


نقاط الدعم والي نترقب ارتداد منها هي

8.95

8.85

8.75 وهي الوارده قد تزيد 3 سنت 8.78

8.70 وهي الحكم في حالة نزوله عنها نعرف ان حفلة السوينق انتهت


=========================

التفاصيل

اذا ثبتت نقطة الدعم جدارتها راح اسوي لك معادله لطيفه يابوعمر راح اتعجبك

الدعم ======= الهدف
8.95 ======= 9.70

==================

8.85 ======= 9.40

==================

8.75 ======= 9.20

==================

8.70 ======= 8.95

=================
يعني اي نقطة دعم راح تثبت جداراتها اتبع الهدف السوينق

خل نقول ان الحفله ممكن تنتهي في حالة نزوله عن 8.65

اذا السوق اليوم في نزول اتصور 8.85 و8.75 راح نشوف ارتدادت من عندهم والله اعلم

كسر 9.40 مهم جدا على الديلي

الدعم على الديلي المهم 8.70 كل الفريمات طلع معاي هذا الرقم ممكن ينقص 5 سنت او يزيد 5 سنت



وماتوفيقي الا على الله قد اصيب وقد اخطىء


تحياتي

 

[الكبتن]

ماأروع هذه التفاصيل, شئ رائع منكم جزاكم الله كل خير.

تحياتي اليكم جميعا.

 

[waseem]

استاذي ابو محمد وهذه الحقيقة اللي لك بعد الله كل الفضل وحقيقة ابي اعرف الطريقة الجديده هذه في الحساب لأنها عن جد لفت راسي عيت تركب معي .
والحين جاء دور اني انا الف راسك :d شوف يالغالي اشارة السوينق بدت امس وكان تأكيدها كسر 9.06 مع اختراق متوسط العشرة للخمسين وراح يكون الدعم المركزي 8.35 وهي الاستوب لوز للسوينق والتارقت للسوينق من 10.85 - 11.5 وان كنت اعتقد ان الأولى هي الاصدق لأن كسرها اضنه بريك اوت .

الله يعطيك العافيه ياموسيقار وخلنا نستفيد منك وبطل خوف :d

 

[waseem]

elnk وهذا بعد ياموسيقار راح اذبحك بالاسهم خلنا نتعلم

 

[waseem]

كسر 9.40 مهم جدا على الديلي

الدعم على الديلي المهم 8.70 كل الفريمات طلع معاي هذا الرقم ممكن ينقص 5 سنت او يزيد 5 سنت



وماتوفيقي الا على الله قد اصيب وقد اخطىء


تحياتي

9.5 ياموسيقار والسوق ضاغط عليه .

 

[waseem]

اذا ثبتت نقطة الدعم جدارتها راح اسوي لك معادله لطيفه يابوعمر راح اتعجبك

الدعم ======= الهدف
8.95 ======= 9.70

9.66 ويلوموني فيك ياموسيقار

 

[alattar]

دائما مبدع يابوعمر في اختياراتك الله يحفظك ويكفيك شر العين

ماشاء الله اصاب الهدف الأن ننتظر اهدافك وان شاء الله يصيبها

لابد من خروجه من 9.70 بشكل قوي ولا يعني النقاط لازالت قائمه كما هي

============

بالنسبه لسهمك الثاني يبيله تمخمخ عدل وراح اسوي المعادله مره ثانيه مع هذا السهم واعطيك اياها قبل افتتاح السوق يوم الاثنين


وماتوفيقي الا على الله

بالتوفيج يابوعمر

 

[waseem]

نام ياعطار متعود عليك وخذ هذا بعد

 

[alattar]

والله اني نسيت يابوعمر بس انطر علي اشوي

بس ترى كان تذبذ السهم يخوف مثل جليل الحيا rmbs

يبيلنا تمخم عدل على اسهمك يابوعمر بس انطر وذكرني اذا نسيت


تحياتي

 

[waseem]

rmbs 14.37 عسى بس ماتلقفت وطقيته من دعمك المهوي حبيب قلبي يابو محمد المهم اذا كسر 14.3 اقرا عليه السلام

وثاني شئ ترى مو كل ابرفع الموضوع بسهم عشان اذكرك ترى من جد مني فاضي لك وراي عرس

 

[alattar]

بوعمر حبيبي قلبي سهم قوقل

اصاب هدفه على الديلي 190 دولار

اذا تعدى 190 بشكل ملحوظ هدفه راح يكون 194 وكسور ممكن قرابة 194.80

اذا تعدى 194.90 راح تكون له اهداف ثانيه لانسبق الأحداث خل يعدي 190ولنا كلام ثاني

اذا تدحدر فنقطة الشراء للسوينق ممكن تكون من عند 183.20 تقريبا فرق شاسع عن الي اهو واصله بس اذا كسر 190 ان شاء الله واحنا مغمضين 194.80 ان شاء الله

تحياتي

 

[waseem]

وهذا بعد يابو محمد مع ملاحظة البريك اوت

 

[alattar]

rmbs 14.37 عسى بس ماتلقفت وطقيته من دعمك المهوي حبيب قلبي يابو محمد المهم اذا كسر 14.3 اقرا عليه السلام

وثاني شئ ترى مو كل ابرفع الموضوع بسهم عشان اذكرك ترى من جد مني فاضي لك وراي عرس

تليقفنا فيه بس الحمدلله شي هين ولله الحمد

متى عرسك بعد جم يوم نبي انبده بالخمس



الله يهنيك ويرزقك بالذريه الصالحه

 

[alattar]

سهم teva

هذا السهم ما احبه من جد لا اهو ولا الي مثله بس اذا كان ولابد كانت نقطة الشراء من كسر 31.30 تقريبا وكان هدفه 32 وكسور وهو وصلها

اذا تعدى 32.50 يعني 34 وما اظنه يسويها جليل الحيا

نقطتين اليوم ممكن يرتد منهم 32

31.70



تحياتي

 

[waseem]

طيب شوف هذا امكن تحبه وتكتب فيه قصايد :d

 

[alattar]

عزيزي بوعمر

خلك من السوينقات الحين مثل ما انت ذكرت في منتدى المتداول العربي السوق يبيله تأني وما اعطى اي اشارة للسوينق او اللونق

وراح اكتب موضوع مستقل عن اتجاه السوق اليوم قبل لا اطلع


بعد العرس وشهر العسل نفضى للسوينقات

في شيء ودي اسئلك عنه يابوعمر

انا عارف استراتيجياتك ماشاء الله وانك تعتمد على المؤشرات في السوينقات

كل الأسهم الي عطيتني اياها في اعلى شيء على شارت 60 يعني حققت اهداف السوينق هل تعتمد عزيزي على كسر هاي فريم 60 ؟

احنا دائما نشتري السوينق بناء على القاع في فريم 60 ويكون معطي نقطة شراء

تحياتي

 

[waseem]

goog - elnk -teva لحقوا sebl تظل نظرية سوينق ولو غبنا عنها شئ يستاهل نتفضاله بقوه لكن على قولتك بعد العرس وانا اليوم مسافر واشوفك على خير لما ارد فمان الله .

 

[alattar]

فمان الكريم تروح وترجع لنا سالم غانم يارب راح نفتقدك

ومن جد اختيارات جيده ماشاء الله وتستحق من يتعب لها بس انت مشغول الحين وانا بعد هذي الايام راح تكون عندي مشاغل فإن شاء الله بس ترجع نبلش فيها بقوه

وراح اتابع اهداف اسهم الي ذكرتها ورفع الموضوع اذا الله شاء


تحياتي

 

[waseem]

موسيقار يانايم affx - goog طاروا وانت مسوي مثلي شهر عسل لكن شهرك مع الجديده ولا القديمه

بإذن الله راح ارد بعد الاسبوع الجاي وياريت تتفضالنا شوي .

تحياتي