تكفون ياالنشامى ، انتم بس دلوني على السهم الذي سوف يندبل سعره

[قديم بن عتيج]

السلام عليكم ورحمه الله

والله ياجماعه انا ، سمعت كلام محمد الحبيب ، وليتني ماسمعته

كان عندي سهم الصناعات الوطنيه

وكان عندي سهم البنك الدولي

وكان عندي سهم اجيليتي

وكان عندي سهم هيس تلكوم

والحين عندي بس سهم ابيار ، وتقريبا ماسك راس المال فيه

بس موراضي يرتفع بط جبدي هذا السهم ..!!!!

ابي منكم الحين تدلوني على سهم مايخرش الميه

سهم له مستقبل يندبل سعرة ثلاث مرات اقل شي

ويــــــــنه هذا السهم وانا افرط علية اشهر ، او سنه ماعندي مشكله

ملاحظه /// لحد يغشني في شركتة ويقول تعال عندي ،، لاجل ارفع اسهمه

ابي واحد يخاف الله ويكون ناصح لي.........

ايش قلتم ياشباب​

 

[الفيلسوف المارد]

والله قوية ..... يندبل ثلاث مرات

قول يصعد 20% معقولة

عموما انصحك بسهم تنظيف - طبعا معظم الإخوان راح يعارضون ولكن السهم اللي بيندبل لازم معظم الناس يكونون كارهينه

 

[محمد الرشيدي 82]

شوف كل الاسهم خلال ثلاث الى ست سنوات الى عشر سنوات راح يندبل سعرها اكثر من مره يعني ممكن توصل الى عشر دبلات واكثر

بس السؤال اللي اهم من هذا كله من هي الشركه اللي راح تبقى بالسوق والشركه اللي راح تفلس وتطلع من السوق


خلال ثلاث شهور من سنه 2009 اثناء حل مجلس الامه ارتفعت الاسهم اغلبها ثلاث اضعاف سعرها

اذا فيك فيك سهم اشتر السهم اللي لو يخيرونك اي شركه ودك انت رئيس مجلس ادارتها الاجابه سهمك

 

[jozef2005]

السلام عليكم

والله يا اخوي لو اعرف السهم الي يبي يدوبل والله ما خشيتة عنك بس يمكن اشتري قبلك, بس عندي ملاحظة على كلامك اذا تسمحلي,

لما تقول سمعت كلام محمد الحبيب وياريتني ما سمعتة,والحين اتدور احد يدلك على سهم يدوبل, لو دليتك على سهم دوبل معاك بشهر بعد الشهر راح تدخل على سهم ياخذ ارباحك باسبوعين احتمال ولي متى.

ليش ما تتعلم تحليل فني وتحليل اساسي وفنون المضاربة. وبدال ما تسال تقوم الناس تسالك.

والله ياخوي انا احلل على قدي وادخل شبة يومي السوق واخذ تكة او 2 بس كافي ومرات اخسر 3او 4 تكات وهم عادي والحمد لله.

والله ياخوي ان اكبر خسارة بمحفظتي كانت من توصية واحد ثقة وقالي (تكفة لا تحلل ولا شي انا متاكد والريال كلمني بنفسة الاحد اخذ لو مو انت عزيز والله ماقلتلك وتكفة لا يطلع الحجي) وطشرلي يمكن ثلث المحفظة الي الى الحين وانا احاول ارقع فيها.

اخوي اسف عالاطالة بس مختصر الكلام ( العلم نور)

 

[بووليدالغانم]

مالك غير زيييييييييين يا اخوي لانه شكله انشاءالله تعالى راح يوصل الى 1.500 بس يبيله صبر شووووية خاصة اذا تمت صفقة الاتصالات الاماراتية

 

[قديم بن عتيج]

والله قوية ..... يندبل ثلاث مرات

قول يصعد 20% معقولة

عموما انصحك بسهم تنظيف - طبعا معظم الإخوان راح يعارضون ولكن السهم اللي بيندبل لازم معظم الناس يكونون كارهينه

هذا السهم كانت عندة خسارة 300 الف دك في 2009

والحين النصف الاول ربحان 800 الف تقريبا

يعني يمكن له مستقبل بس انا ابي سهم صنديد واقوى من هذا السهم​

 

[fajri]

حاضرين ما طلبت شئ
1- انجازات
1-جراند
3-جلوبل

 

[بنت المغربية]

شوف مجموعة البحر والله اعلم خويااا

 

[قديم بن عتيج]

يـــــــــــــوه

جيتك ياعبد المعين تعيني لقيتك ياعبدالمعين تنعان

وانا اقول ليش اغلب الشباب خسرانيين

خلاص اقعد على شغلي الاول

انت فاكر اني غشيم في الاسهم والشركات ، لا والله بس

قلت يمكن فيه شي انا موفاطن له بس ، وحبيت اسأل اخواني في المنتدى

والحين اي واحد يبيني اساعدة حاضر ومن عيوني​

 

[قديم بن عتيج]

حاضرين ما طلبت شئ
1- انجازات
1-جراند
3-جلوبل

حرام عليك يارجل​

 

[قديم بن عتيج]

شوف مجموعة البحر والله اعلم خويااا

شركات استثماريه...!!!!!!!!!

لايابنت الحلال ، انتم الظاهر لازم تاخذون دورات

وانا لكم ناصح امين باذن الله​

 

[قديم بن عتيج]

خلوني اروح بس اصلي العشاء

وشوي بالليل اقولكم شنو تسون​

 

[سهم الغرام]

إنزين



شنو تنصحني فيه ​

.

 

[بو فلاح]

السلام عليكم ورحمة الله وبركاته
يا اخي العزيز طلبك صعب جدا
لو في احد يدري عن سهم بيرتفع كان ما شفت احد خسران اتجه نحو الاسهم الخدماتيه واللي ما عليها مشاكل وان كان لك رزق راح تاخذه وفي السلام ختام

 

[السيل]

أخوي عربية عقارية اشتر اقل من 40 فلس ونام عليةالي الربع الاول 2011 أن شاءالله فية خير

 

[AL-mutairi]

لا تفكر بـ الدبل
راس المال فايده يـ الغالي


اترك عنك التوصيات و ركز ع الشركه التشغيليه

 

[nader100]

يـــــــــــــوه

جيتك ياعبد المعين تعيني لقيتك ياعبدالمعين تنعان

وانا اقول ليش اغلب الشباب خسرانيين

خلاص اقعد على شغلي الاول

انت فاكر اني غشيم في الاسهم والشركات ، لا والله بس

قلت يمكن فيه شي انا موفاطن له بس ، وحبيت اسأل اخواني في المنتدى

والحين اي واحد يبيني اساعدة حاضر ومن عيوني​

السلام عليكم ورحمة الله وبركاته

نحن نعلم بأنك لست بغشيم في الأسهم ولــكن نعرف بأنك إنتخيت بالنشاما

ومن يضرب الباب يأتيه الجواب فيجب تقبل الآراء
فمن المستحيل أن يعرف المتداول البسيط سهم أبو ثلاث تدبيلات

ولــــــــــــــــــــــــــــكن التوقع وارد

فـــــــــــــــــخــــــــــــــــــــــــــــــــــــــــــــــــــــــــــــــــــــــــــــــــــــذ
هذه الأسهم مني وأنا ولد شبابه

1- الشركة الوطنية الدولية (القابضة) ش.م.ك.م عدد الأسهم المصدرة ‏212,625,000 سهم

2- الشركة الأولي للتأمين التكافلي ش.م.ك.م عـدد الأســهــم الـمصــدرة ‏000 , 000 , 100 ســــــــهــــم


3-شركة دار الثريا العقارية ش.م.ك مقفلة عدد الاسهم المصدرة 146.500.000 سهم

هذا والله أعلم
فإن أخطأت فمن نفسي والشيطان

وإن أصبت فمن الله تعالى

ولكم خالص الود والتقدير

أخوكم الصغير