إللي يبي يشري بيت يتفضّل

الموضوع في 'اعلانات العقار' بواسطة سوق واجف, بتاريخ ‏5 أغسطس 2010.

  1. سوق واجف

    سوق واجف عضو نشط

    التسجيل:
    ‏7 أغسطس 2005
    المشاركات:
    134
    عدد الإعجابات:
    0

    السلام عليكم ورحمة الله وبركاته

    هذا الموضوع يمس شريحه كبيره من المجتمع ذوو الدخل المحدود والمتوسط

    الكل يحلم ان يكون عنده بيت - منزل - قسيمة - دخل محدود - دخل متوسط

    أذا بتشتري بيت عندك خيارين

    تنطر طلب الأسكان أو أنك تشتري بيت أو أرض

    اللي ناطر طلب الأسكان ماعنده مشكله والموضوع مو مهم بالنسبه له

    لكن نتكلم عن اللي يبي يشتري

    *****
    طبعا هالحسبه تختلف بأختلاف الراتب لكن انا خذيت المتوسط للرواتب

    لو قلنا الزوج والزوجه بياخذون قرض علشان يشترون بيت ماعندهم التزامات ماليه

    راتب الزوج 1200 دينار راح يعطونه قرض بحدود 59 الف دينار

    راتب الزوجه 900 دينار راح يعطونها قرض بحدود 44 ألف

    لو جمعناهم 59 + 44 =103 ألف دينار + 70 ألف الحكومه = 173 ألف

    ياجماعة الخير 173 ألف راح أتييبله بيت في عموم القرين أو صباح السالم

    اللي أسعارها تبدي بحدود 120 وتوصل لي 200

    هذا أذا ماتبي الفردوس والظهر والرقه والمناطق اللي اسعارها بحدود من 90 لي 130 الف

    يعني بالعربي أنسى تاخذ قسيمة لأن القسايم فوق 200 ألف

    ******
    أذا بتشتري أرض الحين أرخص أرض في ابوفطيره قيمتها تبدي من 115 وأنت صاعد

    يعني لو تبي تشتري أرض .. قرض البنك اللي عندك اللي اهو 103 ماراح يكفي تشتري أرض هذا أذا فكرت تشتري أرض وتبنيها من ال70 التسليف

    *****
    المثال اللي قلته هذا بالنسبه حق الرواتب المتوسطه في ناس رواتبها اقل

    وفي ناس عندها قروض والبنوك الحين ماقامت اتسوي اعادة جدوله غير أذا الواحد عنده التزامات شركة التسهيلات بيت التمويل قسط سياره شي شيات لازم يسكرها علشان ياخذ من البنك قرض بالحد الأقصى

    *****

    خلاصة الموضوع ان حاليا اللي عايش على راتبه وماعنده مدخول ثاني بتكون هذي حسبته
    انشوف تعليقاتكم وآرائكم اللي نستفيد منها​
     
  2. haddaq8

    haddaq8 عضو نشط

    التسجيل:
    ‏17 أكتوبر 2009
    المشاركات:
    158
    عدد الإعجابات:
    2
    أولا معاش 1200 دينار للزوج و 900 دينار للزوجة أقل من المتوسط حاليا ، أنا ما عندي أحصائية حاليا و لكن من المعروف أن الطبقة الوسطى تعتبر للجامعيين و الضباط ، و معاش معظمهم فوق ال 1200 بالراحة ، والحسبة مالتك صحيحة للطبقة الأدنى ماديا و فعلا بيوت الحكومة القديمة بالقرين و غيرها لهذه الشريحة من السوق (أعانهم الله)

    ثانيا أعتقد ان اللي مقبل على شراء منزل راح يكون مجمع على الأقل 20 ألف كمقدم ، و اللي مو مجع شي و عايش حياته بالصرف و اللعب هذا يبي قسيمة حلوة بعد؟ أنا شخصيا امتنعت عن السيارات الكشخة لأني حطيت أولويات حق حياتي و لله الحمد و شريت بيت أثناء الغلاء

    اعتقد أن من الطبقة الوسطى من يقدر تمويل منزل سعره 180 ألف و هذا سعر قسيمة جديدة حاليا (العقيلة ، المنقف ، غرب الجليب ، سعد العبد الله) ، 60 الف من الزوج + 40 الف من الزوجة + و تحويشه 10 + 70 التسليف = 180 الف بأقل التقديرات

    تذكر ان الكويت فيها طلب عالي جدا جدا على العقار و ان متوسط دخل الفرد أيضا عالي جدا جدا ، فالشي الوحيد الذي يحد سعر العقار حاليا هو أعلى المقدرة المالية على المتوسط ، إذا نظرت في تاريخ الكويت راح تلقى ان أسعار البيوت تتناسب تناسب طردي مع مستوى دخل الفرد. و لا تنسى أن العقار هو الملجأ الوحيد للمواطن الكويتي و هو همه الأول و الأخير للأسباب التالية:

    -الخير موجود و المعاش راهي من غير تعب ، و هو مسبب قوي للانتماء لأرض الكويت و البقاء فيها
    -الديرة حر و غبار (الحاجة للسكن الفسيح) ، ولا تصلح لسكن العمارات و الشقق ، خصوصا مع الاعتماد على السيارات كسبيل للتنقل مما يجعل البناء العامودي غير فعال بسبب الزحم السكاني الناتج عن ذلك (شوف حولي)
    -وجود أكثر من 80 الف طلب اسكاني عالق (منذ تأسيس الاسكان تم توزيع 90 الف فقط)
    -تزايد عدد الطلبات بمعدل 7 آلاف طلب سنويا مما يدفع الحكومة للتوجه الى المناطق البعيدة كحل وحيد و لو أنه غير مرغوب لأسباب كثيرة ، ولا نعلم الجدية أو المصداقية في تنفيذ الخطط ، و في احسن الأحوال سيكون هناك استقرار في قيمة العقار الداخلي و ليس النزول


    صدقني قبل عشر سنين قالوا الناس عن بيوت ال 110 ألف نفس الكلام بالضبط اللي انت تقوله الحين عن بيوت ال 180 الف ، شنوا تغير؟ ولا شي ، قبل معاش المتوسط 700 دينار و اسعار البيوت يادوب يقدرون عليها و الحين المعاش المتوسط 1400 دينار و أسعار البيوت هم يادوب أحد قادر عليها ، يعني تعتقد ان الناس في سنة 2001 كانوا يشترون البيوت بالراحة و على المزاج؟؟

    اتمنى انك فهمت قصدي بشكل موضعي ، و اذا تبي تقارن شوف اسعار البيوت بالبحرين و جدة و المناطق الخليجية الغنية الأخرى و راح تلقى نفس الأسعار تقريبا و بدون دعم ال 70 الف!
     
  3. bo_hamod

    bo_hamod عضو جديد

    التسجيل:
    ‏21 نوفمبر 2009
    المشاركات:
    84
    عدد الإعجابات:
    0
    يعطيك العافيه اخوي حداد لانه شرحك جداً منطقي.. أنا الوالد عنده بيت بالعديليه شراه ب ٧٠٠٠. فقط ولكن معاشه كان ايامها٧٠ دينار .. يعني مثل ما قال اخوي حداد المعاش يتناسب تناسب طردي مع سعر البيوت