الفزعه ياجماعه ( الكيربي ابلشني )

[الحريه وطن]

عندي حوش غطيته بكيربي وعازل اول شتاء ماخر الحين كل مطره يخر علي شلون اغطيه من فوق ولا احط سميت مثلا

اللي عنده حل او يعرف حداد يعرف للكيربيات يساعدني

تكفون

 

[مؤسسة]

اهم شي اخوي لايكون فوقه وسخ او يكون جنبه اشجار وتساقط عليه الاوراق ويصير عليه حمل ويقوس ويجمع المطر بالنص هذا اكثر اسباب الخرير

 

[life-enginer]

اخوي يا انك تركب فوق وتترسه فوم وخصوصآ اماكن البراقي او الاطراف والزوايه

او انك تخلي واحد شاطر يمسحلك مسحة قار بحيث ما تثقل عالسيلينق ويطيح لا سمح الله

والله يوفقك

 

[ابوجاسر 33]

الحل عندي انا نفسك

دق علي وانا اقولك ت 55545456

 

[الحريه وطن]

جاسر راح اتصل فيك
والكيربي ماحوله شجر
وهل الفوم ينفع مع الكيربي او القار

 

[بو خـالـد]

عليك في الفووووم لتسكير الفتحات البراغي وغيرها

 

[المطبه]

لاترش الفوم في الصيف راح يذوب

 

[almofareg]

الكيربي اذا فيه ميول جيد ما يخر شكلك مسويه سيده بدون ميول

يا تحط على الفتحات سليكون او تعيد تركيبه بميول

 

[الدينار الخليجي]

حبيبي اكيد احد صعد عليه والحل


فكه وتعديل الكيربي وتعديل الميول واستبدال التالف

ولا تحط فوم اسمنتي لانه ثقيل وراح تطيح المضله اذا مو مدعمه


وفي فوم مخصص للكيربي بس مكلف والحل الاوفر الاول

 

[الحريه وطن]

الكيربي مايل يعني من سويته وهو مايل عشان الامطار

والظاهر ماكو الا فوم ولا افكه وابدل التالف
واللي يعرف حداد مضبوط يعطيني رقمه

 

[الحريه وطن]

يرفع للتفاعل

 

[الحريه وطن]

طيب شباب الفوم وين احصله
عند محلات الاصباغ؟
ولا عند المحلات العاديه؟

 

[max11]

رشة

براغي الكيربي يجي فيها ربل مع الوقت ييبس من الشمس ويكون هو سبب الخرير .....

افتح صفحات جريدة الوسيط ولا الصفاة وشوف اي شركة عزل
وقولهم ابي رشة بولي ايثيلين ( غير مكلفه ودائمة )

وبالتوفيق

 

[lets sales]

السلام عليكم
اخوي انا الحوش نفس الطريقه والحمدلله ما حصل خرير ومثل ما قالو الشباب جزاهم الله خير لازم يكون الميلان كافي يعني تقريبا 5 الى 6سم عن كل متر يعني اذا عند 5 امتار مثلا لازم يكون الميلان من 25 الى 30 سم وتسكر كل الفراغات بالفوم وينباع بلوازم العايله

 

[الحريه وطن]

مشكوووووووووووورين شباب
شكرا ماكس