صج بينزلون الرواتب مبجر

الموضوع في 'إستراحة المنتدى' بواسطة Sales-eng, بتاريخ ‏6 أغسطس 2010.

  1. Sales-eng

    Sales-eng عضو جديد

    التسجيل:
    ‏14 يوليو 2010
    المشاركات:
    25
    عدد الإعجابات:
    0
    السلام عليكم،
    يا جماعة الخير صج بينزلون الرواتب حق رمضان مبجر ولا بس حجي ياليت من عنده خبر يفيدنه
     
  2. My LoVe

    My LoVe عضو جديد

    التسجيل:
    ‏12 يوليو 2010
    المشاركات:
    175
    عدد الإعجابات:
    0
    مكان الإقامة:
    K.U.W.A.I.T
    الي قريته بجريدة الراي قبل رمضان نازل يعني اسبوع الياي انشالله
     
  3. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    والله غلط غلط غلط

    لو مأخر راتب شهر سبعه شويـــــه أفضل بدال 25 الشهر ينزله 30
    ومبجر راتب شهر ثمانيه شويه أفضل بدال 25 ينزله 20

    وراتب شهر تسعه نفس حالته مايتغير يكون الحل الأمثل

    أقسم بالله كنت اشتغل في بنك وشفت اللي صار بالعالم يوم جدموا الرواتب المرات الي طافوا

    الشهر اللي عقبه طقوا إصبع وتوهقوا

    يبا عقليه الغالبيه من المواطنين مو إقتصاديه
    ماتعودوا على الإقتصاد بالراتب


    وأغلب الناس عايشه على الراتب ما عندها دخل ثاني

    قرار فاشل فاشل فاشل بكل المقاييس


    لو طبق القرار تتوقعون شراح يسوون من هم معتدمين على الله ثم الراتب بنهاية شهر تسعه وشهر عشره؟

    لو بنزلون راتب ثمانيه قبل رمضان وراتب تسعه قبل العيد؟

    من بعد العيد الى راتب شهر عشره راح تشوفون التشكي والإنزعاج واكثر من راح يحس بهالشعور هم موظفين البنوك
    لأنهم مطلعين على جزء كبير من عملائهم


    يا جماعه لو طبقوا القرار نصيحتي لكم لوجه الله
    وفروا وفروا وفروا من الرتب


    وعلى قول الشاعر:
    احفظ حلالك اللي عن الناس يغنيك ،،، اللي ليا بان الخلل فيك يرفاك

    والقرار لكم

    في أمان الله
     
  4. Sales-eng

    Sales-eng عضو جديد

    التسجيل:
    ‏14 يوليو 2010
    المشاركات:
    25
    عدد الإعجابات:
    0
    انا ادري انه غلط لكن سؤالي هل فعلا بينزلونه
     
  5. My LoVe

    My LoVe عضو جديد

    التسجيل:
    ‏12 يوليو 2010
    المشاركات:
    175
    عدد الإعجابات:
    0
    مكان الإقامة:
    K.U.W.A.I.T
    شكو القرار غلط ؟ الراتب راح ينزل ينزل سواء اول 8 او نص ثمانيه

    عن نفسي اذا نزل راتب شهر 8 امبجر طبعا ماراح اجيسه الا بعد 20 الشهر وبس
     
  6. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    لغز

    شنو الشهر اللي الناس تصوم فيه وما تاكل ولا تشرب

    وهو اكثر شهر تشتري فيه اكل ومشاريب​
     
  7. car9977

    car9977 عضو جديد

    التسجيل:
    ‏28 يونيو 2009
    المشاركات:
    206
    عدد الإعجابات:
    0
    ما فيه اختيارات؟
    بجازف وبجاوبك
    ديسمبر:d
     
  8. away1979

    away1979 عضو مميز

    التسجيل:
    ‏4 يوليو 2008
    المشاركات:
    10,917
    عدد الإعجابات:
    1,584
    مكان الإقامة:
    Kuwait
    الله يستر علينا إذا نزل بدري :(
     
  9. Sales-eng

    Sales-eng عضو جديد

    التسجيل:
    ‏14 يوليو 2010
    المشاركات:
    25
    عدد الإعجابات:
    0
    Ya3ni bynzl mbacher ?!?!?
     
  10. مساهم11

    مساهم11 عضو نشط

    التسجيل:
    ‏29 سبتمبر 2008
    المشاركات:
    2,234
    عدد الإعجابات:
    0
    مكان الإقامة:
    الكويت
    ههههههه
    تفائلوا خير
    الي مو محتاج لا ينزعج
    بس والله فيه ناس من بعد الراتب بايام جيبه خالي


    قلم حر
    لغزك محير وصعب ننطر محمد لويس يحطه بالفوازير
     
  11. AL-AMIR

    AL-AMIR عضو جديد

    التسجيل:
    ‏19 فبراير 2008
    المشاركات:
    413
    عدد الإعجابات:
    1
    عليكم بالتوفير ان نزل المعاااش لان شهر 10 راح يطوووول :)

    وكل واحد يتسلف من الثاني ان كااان عنده فلووس
     
  12. kuw4all

    kuw4all عضو جديد

    التسجيل:
    ‏10 يناير 2009
    المشاركات:
    194
    عدد الإعجابات:
    0
    هههههه اخوي الشهر اللي تقول عنه من ظمن الشهور السنه ههههههه
     
  13. Faris

    Faris عضو نشط

    التسجيل:
    ‏10 نوفمبر 2004
    المشاركات:
    477
    عدد الإعجابات:
    0
    مكان الإقامة:
    Kuwait
    لا فعلا الشيء المضحك لما تقرأ بالجريده " الحكومة تتلمس هموم المواطنين وشؤونهم " والشي الثانى لما تقرأ بعد " ان الحكومة تشارك المواطنين فرحتهم بعيد الفطر ويتم صرف راتب سبتمبر !"

    انا ودى اعرف وين الفضل فى الموضوع ! ما فعلتموه هو صرف رواتب قبل موعده وكذالك قبل موعده فى العيد ! طيب وبعد صرف الرواتب ماذا سيكون؟ سوف ننتظر اكثر من 40 يوم لكي يُصرف الراتب والازمه هنا ..
    الذى اعرفه هذه الكلمات نقرأها عندما يكون صرف منحه !! وليس صرف راتب قبل موعده !!
    الله يكون فى العون الجميع , اربطوا الحزاام والله يكون فى عونا فى المطاليب

    الجريده هي الراي تاريخ 6-8-2010
     
  14. car9977

    car9977 عضو جديد

    التسجيل:
    ‏28 يونيو 2009
    المشاركات:
    206
    عدد الإعجابات:
    0
  15. Cccom

    Cccom عضو جديد

    التسجيل:
    ‏6 يوليو 2010
    المشاركات:
    437
    عدد الإعجابات:
    1
    ممكن اعرف من الشاعر اللى قال البيت هذا
    انا سامع بالقصيده هذي من قبل ولاكن ما اعرف منو قايلها

    تحيااتى لك
     
  16. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    هي قصيده للشاعر : بركات الشريف
    وهو ينصح ولده ( مالك )
    قصيده لها معاني وعبر كثيره



    يالله ياللـي كـل الأمـات ترجيـك = يا واحدٍ مـا خـاب حـيٍ ترجـاك

    يا مرقبٍ بالصبـح ظلّيـت اباديـك = مـا واحـدٍ قبلـي خبرتـه تعـلاك

    وليت يا ذا الدهر ما اكثـر بلاويـك = الله يزودنـا السلامـة مـن أتـلاك

    ياللي على العربان عمـت شكاويـك = وليت يا دهـر الخطـا ول مقـواك

    واليـوم هالكانـون غـادٍ شبابيـك = تلعب به الأرياح مـن كـل شبـاك

    يا مالك اسمع جابتي يـوم أوصيـك = واعرف ترى يا بوك بامرك وانهاك

    وصيـةٍ مـن والـدٍ طامـعٍ فيـك = تسبق على الساقـه لسانـه لعليـاك

    أوصيك بالتقوى عسـى الله يهديـك = لهـا وتدركهـا بتوفيـق مــولاك

    الله بحـق أجـدادك الغـر يعطيـك = رضاه مع كل ما تمنى مـن امنـاك

    احفظ دبشك اللي عن الناس مغنيـك = اللي إلى بان الخلـل فيـك يرفـاك

    واعرف ترى مكة ولاها ابن اخيـك = لو تطلبه خمسـة دواويـن معطـاك

    اجعل دروب المرجلة مـن معاليـك = وادراج سيّسها على العـز مرقـاك

    لا تنسدح عنهـا وتبغينـي أعطيـك = جميع ما يكفيـك مـا حاصـل ذاك

    احذر امـر ليعـات أبيهـا لتاليـك = ايضا ويرخص عندها قـدر مـأواك

    أدّب ولدك إن كـان تبغيـه يشفيـك = واستسعفه من بعـد مربـاه بـالآك

    أما سمج واستسمجك عنـد شانيـك = ويفر من فعله صديقـك وشـرواك

    وإلاّ بعد جهله تـرى هـو بياذيـك = لو زعلـت أمـه لا تخليـه يـالاك

    واحذر تضيع كل من هو ذخر فيـك = معروفه لا تنساه واوفـه العرفـاك

    ترى الصنايع بين الاجواد تشريـك = إلـى طمعـت بركزهـا لا تعـداك

    واحذر سرور بغبة البحـر يرميـك = ولا عنده افلس من تجزعك وابكـاك

    واوف الرجال حقوقها قبـل تعنيـك = لا تعتمـد بالعفـو فالحـق يقفـاك

    وهرج النميمة و القفا لا يجي فيـك = واياك وعرض الغافل اياي وايـاك

    تبدي حديـث للنـاس فيـه تشكيـك = وتهيم عند الناس بالكـذب واشـراك

    واذا نويـت احـذر تعلـم بطاريـك = كم واحد تبغي به العـرف واغـواك

    واحذر شماتة صاحب لك مصافيـك = والى جرا لك جـاريٍ قـال لـولاك

    ولا تحسـب إن الله قطـوعٍ يخليـك = ولا تفرح إن الله على الخلـق بـداك

    إن اشتهى حط الطمـع فـي تواليـك = لو ما لقيته يا فتـى الجـود يلقـاك

    والضيـف قـوم لـه حيـن يلفيـك = مما تنوشه يا فتـى الجـود يمنـاك

    اكرم قبالـه فانهـا مـن شواديـك = وابذل له المجهـود مـا دام يعنـاك

    واحذر تلاقي الضيف مقرن علابيك = خله محـب لـك صديـق إذا جـاك

    وأوصيك زلات الصديق إن عثا فيك = ما زال يغطاها الشعر فاحتمـل ذاك

    راعه ولو ما شفـت انـه يراعيـك = عساك تكسـر نيّتـه عـن معـاداك

    واحذر عدوك لو بقا بـي يصافيـك = عود الجنـا واطعنـه حينمـا جـاك

    لا تامنه فاطلـب مـن الله ينجيـك = ويكفيـك ربـك شـر ذولا وذولاك

    شفني أنا يابـوك بآمـرك وانهيـك = عن التعرض بين الاثنيـن حـذراك

    وإذا حضرت طلايبٍ مـع شرابيـك = اسع لهم بالصلـح والـلاش يفـداك

    ابذل لهـم بالطيـب ربـك ينجيـك = لا تجضع الميـزان مـع ذا ولا ذاك

    أما الشهـادة أدّهـا إن دعـوا فيـك = بيّن عمود الدين لا عميـت اريـاك

    بالك تماشـي واحـد لـك يرديـك = طالع بني جنسـك وفكـر بممشـاك

    رابع أصيل فـي زمانـك يشاكيـك = وإلى شاف خملاتك عن الناس غطاك

    واحذر عن طرد المجفـي حذاريـك = عليك بالمقبـل وخـل مـن تعـداك

    ثـم العـن الشيطـان ليـاه يغويـك = تـرى إن تبعتـه للشّرابـيـك وداك

    واوصيك لا تشكي علينـا بلاويـك = أنت السبب اخذك عيونـك بيمنـاك

    واعرف ترى اللي وطا الفهر واطيك = ولا أنت أعز من الجماعة هـذولاك

    المسك يا راسي عن الذل واخطيـك = واحذر تكلـم يـا لسانـي حـذاراك

    والطف بجارك ثم قـم دون عانيـك = وافطن إلْما يعنيك عن ربعة أخـواك

    يا ذيب وان جتك الغنم فـي مفاليـك = فاكمن إلى حيـن الرعايـا اتّعـداك

    من أولٍ يـا ذيـب تفـرس بياديـك = واليوم جا ذيبٍ عن الفـرس عـداك

    يا ذيب عاهدني وأعاهدك ما رميـك = مرميك أنا يا ذيب لو زان مرمـاك

    والنفس خالف رايهـا قبـل ترميـك = ترى لها الشيطان يرمـي بـالادراك

    ومن بعد ذا لا تصحب النذل يعديـك = وعن صحبة الأنذال حاشاك حاشـاك

    ترى العشير النذل يخلف طواريـك = وأنا أرجي إنك ما تجي دون آبـاك

    والهقوة انك ما تجـي دون أهاليـك = ولا ذكر عود الورد يثمـر بتنبـاك

    والحر مثلك يستحي يصحب الديـك = وان صاحبه عاعا معاعات الاديـاك

    لا تستمع قول الطرف يـوم يلفيـك = بالكذب يقضي حاجته كل مـا جـاك

    من نم لك نم بك ولا فيـه تشكيـك = والاَّه قــد أزرا رفيـقـك وأزراك

    عندك حكا فينا وعندي حكـا فيـك = وأصبحت كارهنا وحنـا كرهنـاك

    ما اخطاك ما اصابك ولو كان راميك = واللي يصيبك لو تتقيت ما اخطـاك

    مير استمع مني عسـى الله يهديـك = النصح يا مالـك لـك الله مـولاك

    عنـدي مظنـة مـا تمثلتهـا فيـك = واطلب لك التوفيق من عند مـولاك*
     
  17. q1888

    q1888 عضو نشط

    التسجيل:
    ‏23 ابريل 2008
    المشاركات:
    1,030
    عدد الإعجابات:
    36
    الله أكبر على هالقصيده والله يرحم قايلها