ماهو افضل مكان لفحص السيارات ؟ ارجو المشاركه والتصويت من اصحاب الخبرة

الموضوع في 'اعلانات المركبات' بواسطة الاحمـد, بتاريخ ‏6 أغسطس 2010.

?

افضل محل لفحص السيارات بالكويت ؟

الإستطلاع مغلق ‏4 نوفمبر 2010
  1. 1- الرمال الذهبية بشويخ.

    53 صوت
    66.3%
  2. 2- النجم الثلاثي بشويخ او حولي.

    12 صوت
    15.0%
  3. 3- كونكورد بجانب محل لقطع غيار الهوندا بشويخ.

    3 صوت
    3.8%
  4. 4- كراج الشريعان ملاصق للرمال الذهبيه.

    2 صوت
    2.5%
  5. 5- انوار كاظمة خلف لاندمارك الري.

    1 صوت
    1.3%
  6. 6- كراج الشريعان ملاصق للرمال الذهبيه.

    0 صوت
    0.0%
  7. 7- كراج البشر.

    4 صوت
    5.0%
  8. 8- غيــر ذلـك...صناعية شويخ او الجهراء او الفحيحيل (الرجاء ذكر اسم المكان)

    5 صوت
    6.3%
  1. الاحمـد

    الاحمـد عضو نشط

    التسجيل:
    ‏16 يونيو 2008
    المشاركات:
    1,425
    عدد الإعجابات:
    2
    السلام عليكم

    مساكم الله بالخير

    بغيت اسال عن افضل محل لفحص السيارات بالكويت ؟

    في وايد محلات ، لكن شنو الافضل ؟

    ارجو التصويت من اصحاب الخبرة والمجربين فقط فقط فقط
    من غير تحييز لاي طرف






    1- الرمال الذهبية بشويخ.

    2- النجم الثلاثي بشويخ عند ابو مبارك مقابل شركة ابيات
    او بحولي بجانب كلية البنات (دبلوم).


    3- كونكورد بجانب محل لقطع غيار الهوندا بشويخ.

    4- كراج الشريعان ملاصق للرمال الذهبيه.

    5- انوار كاظمة خلف لاندمارك الري.

    6- كراج البشر.

    7- غيــر ذلـك...صناعية شويخ او الجهراء او الفحيحيل (الرجاء ذكر اسم المكان)





    وجزاكم الله الف خيـر​
     
  2. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    يعطيك العافية طال عمرك
    الرمال الذهبية عدو لدود لاصحاب المكاتب -- وهذا ممتاز لانة ما فية لعب عكس الأخرين ولكن عنده بعض الاخطاء وخاصة اذا كان عندة زحمة
    الفحيحيل الشبح ممتاز جدا
    ؟؟؟؟؟؟؟؟؟؟؟؟؟؟؟؟؟؟؟؟؟؟؟
    ملاحظة مهمه عند الشراء
    شغل السيارة واسمع صوت الماكينة ( اذا فيها صوت طقطقة او تقطيع او الضغط يرتفع وينزل ) مشكلة
    شوف الفواصل ما بين المداقر والابواب اذا فية فاصل معناته حادث او ضربت شاصى
    تحسس الصبغ عند اطراف السيارة اذا خشن فية صبغ
    موفقين اجمعين ان شاء الله
     
  3. BO NASER

    BO NASER عضو جديد

    التسجيل:
    ‏2 سبتمبر 2006
    المشاركات:
    4,028
    عدد الإعجابات:
    0
    مكان الإقامة:
    KUWAIT

    الرمال الذهبية


     
  4. راعي تايلندي

    راعي تايلندي عضو جديد

    التسجيل:
    ‏12 مايو 2010
    المشاركات:
    148
    عدد الإعجابات:
    0
    الرمال الذهبيه بدون منازع
    واذا عنده ازدحام روح قولد صن
    والله انه ممتاز وقديم بالفحص بس مشكلته دعايته ضعيفه
     
  5. مصعب التميمي

    مصعب التميمي عضو جديد

    التسجيل:
    ‏24 سبتمبر 2008
    المشاركات:
    197
    عدد الإعجابات:
    0
    وعليكم السلام ،،
    اخوي نصيحه ابعد عن الرمال الذهبيه الي مطيرينه بالسما الشريطيه النصابيين

    عندي في محل في ابو حليفه صاير بين العماير ما يحضرني اسمه وعندك بالفحيحيل النجم الثلاثي انا مجربهم اثنينهم ومجرب الرمال النصابه

    للعلم فحصت سياره كان فيها مشكله بالقير الرمال الذهبيه قالي القير سليم ما فيه شي وفحصت عند النجم الثلاثي الي بالفحيحيل والي بابو حليفه وقالو نفس المشكله ..
     
  6. بـ راشد ـو

    بـ راشد ـو عضو جديد

    التسجيل:
    ‏1 ابريل 2009
    المشاركات:
    79
    عدد الإعجابات:
    0
    مرحبا شباب أنا أحب أفيدك من الأخر

    شريت سيارة قبل أربع سنوات فحصتها بالرمال الذهبية قالو لي صبغ الوكاله

    بعتها قبل فترة طلعت مصبوغ من اليمين البيبان الأثنين تدري ليش قالوا لي صبغ الوكاله يوم شريتها لاني شريتها من مكتب بالري جنب الرمال الذهبية طبعا متفقين مع الرمال المكاتب أذا السيارة من عندهم الرمال يتلعب فيها

    هذا اللي صار معاي
     
  7. بـ راشد ـو

    بـ راشد ـو عضو جديد

    التسجيل:
    ‏1 ابريل 2009
    المشاركات:
    79
    عدد الإعجابات:
    0
    علي فكرة مكاتب اللي بالري كلهم مالت شريطيه والباقي ماقدر أقوله أنت أفهم
     
  8. الاحمـد

    الاحمـد عضو نشط

    التسجيل:
    ‏16 يونيو 2008
    المشاركات:
    1,425
    عدد الإعجابات:
    2
    تسلمون عالمشاركه والتصويت يا اخوان

    تذكير:- الرجاء التصويت من غير تحيز وبحياديه
     
  9. B-A-1983-A-B

    B-A-1983-A-B عضو نشط

    التسجيل:
    ‏9 فبراير 2010
    المشاركات:
    5,077
    عدد الإعجابات:
    169
    مكان الإقامة:
    حيث لا احد !
    انا اشوف البشر افضل واحد اذا فحصت اييك ويفهمك شنو العيوب الموجودة وهل هي استهلاك ولا شي جايد عشان مايضلمك لا البايع والمشتري وغالبن الكل يطلع راضي من عدة ،،، لكن بشكل عام انا افضل افحص عند واحد اعرفة ويكون خبرة بنوع هذي السيارة عشان مايطلع السيارة من عيني بكثرة الخرابات ويفهمني هذا الخراب عادي بالسيارة او مصنعي او شي جايد ،، مع تحياتي
     
  10. خالد32

    خالد32 عضو نشط

    التسجيل:
    ‏15 أكتوبر 2009
    المشاركات:
    358
    عدد الإعجابات:
    0
    الرمال احسن الاسوء ومصيبتهم يعني شادين حيلهم يكتبون شغلات بحيث ان الشاري يايهون اويقولك نزلي والله اشياء غريبه اول مره اسمع فيها اصطنب المعاوني الشمال يبي تبديل كربون قد يؤثر على البنكرياس والسوالف هذي اما الشبح اللي بالفحيحيل انحاشو منه قالي شخص عنه شرا سياره وقالوله السياره ميتين بالميه وبعد سنه باعها وعند الفحص طل البدي مقصص من كل صوب وملحم والشاصي متعور ومافيها شئ صاحي وباعها سكراب توهق فيها
     
  11. ali q8

    ali q8 عضو جديد

    التسجيل:
    ‏8 مارس 2010
    المشاركات:
    52
    عدد الإعجابات:
    0
    النجم الثلاثي واقطع

    ما فيه احسن منه
     
  12. al-dbel

    al-dbel عضو جديد

    التسجيل:
    ‏9 يونيو 2009
    المشاركات:
    152
    عدد الإعجابات:
    0
    كلامك 100% وعدو الشريطية اللي مايعرفون الحلال بعضهم وبعضهم اتمنى من الله ان يوسع رزقهم اهل ذمة مو طقة ابو انور وربعة
     
  13. mmf

    mmf عضو جديد

    التسجيل:
    ‏7 سبتمبر 2009
    المشاركات:
    82
    عدد الإعجابات:
    0
    السلام عليكم ورحمة الله وبركاته


    اخواني مداخله بسيطه

    مافيه فحص يتميز بشيئ مغري لانهم كلهم مرتزقه واهم شي الدينار قبل الفحص... وماشاءالله عليهم كلهم بتاع كله يفحصون الشفر+والفورد+والبورش+والجاكور+الرنج روفر+وجميع الياباني؟؟؟ مادري من وين ماخذين شهاداتهم او خبرتهم ؟؟ اللي يخليهم يفهمون بكل انواع السيارات
    وعمومآ اللحين مافيه فحص يعطيك كفاله وراح تشوفون اي فحص كاتب بآخر ورقة الفحص لا توجد كفاله على السيارات المستعمله ..... يعني بفحص عندك سياره من الوكاله ولا شنو ؟؟؟؟عمومآ آنا شريت وحش قبل فتره وقالو لي الرمال الذهبيه انه مصبوغ مثل ماقال صاحبها بس المشكله اني سألتهم هل فيها دعمات ولا اي شي يعيبها قالو مافيها شي بعد ماشريتها وقعدت عندي تقريبآ فوق الشهر قاعد اجيك على لسبير( التاير بدبه )ولا فيه شي شد انتباهي بعدها سحبت الربل اللي على جنب الدبه والفرش من الداخل ولا طلعت لي البلاووي ولا كان لونه كحلي ومقلوب ابيض؟؟؟
    بعدها بفتره رحت اصبغ الدعاميه الأماميه ولا فيه اثر دعمه قويه من الجهه اليسار ومو معدلينها لأن الدعاميه فوقه ومو مبين والله على ما اقول شهيد

    وتقبلوو مروري الــع طــــر
     
  14. Se7T

    Se7T عضو جديد

    التسجيل:
    ‏25 يونيو 2009
    المشاركات:
    1,082
    عدد الإعجابات:
    0
    الرمال الذهبية عدو لكثير من الشريطية واهل المكاتب اللي مايخافون الله ... يكفي الرمال يعطيك ضمان ويعوضك لو طلع بالسيارة غير اللي بالفحص اما بعض هالأشكال ... ولك وماولك وشرط الفحص ولما وقت الصجيه ... بشرفي مادري لا ويقولك ادفع الفحص ... الرمال رحمة من الله للفقارة والا صارت علوم ويكفي ان راعية رجل خايف الله وحاطه بين عيونة
     
  15. SnaFy

    SnaFy عضو نشط

    التسجيل:
    ‏9 يناير 2009
    المشاركات:
    110
    عدد الإعجابات:
    0
    للأسف ما فيه فحص يقدر يطلع لك صبغة السيارة الأصلية لان الأجهرة تختلف جهاز لاخر وبعض الاجهزة بس تفحص الكبوت ماله شغل بالباب او المدقر وهكذا يمكن الوكالة تقدر تطلع عيوب السيارة لكن السعر الغالي هالشكل نتعرض إلى النصب من الصوبين وبالاخير النصيحة انك تعتمد على روحك وتفحص السيارة بروحك
     
  16. swa7 q8

    swa7 q8 عضو جديد

    التسجيل:
    ‏3 يوليو 2008
    المشاركات:
    195
    عدد الإعجابات:
    0
    الرمال

    مايبله كلام الرمال قاهر الشريطيه بف باف:rolleyes:
     
  17. w_e_e_b

    w_e_e_b عضو نشط

    التسجيل:
    ‏18 يونيو 2008
    المشاركات:
    247
    عدد الإعجابات:
    0
    5- انوار كاظمة خلف لاندمارك الري ------------ غيره لاتفكر
    انا جربت البشر وجربت تكرم الرمال الذهبيه ( ابعد عنهم )
     
  18. الاماكن

    الاماكن عضو جديد

    التسجيل:
    ‏29 سبتمبر 2009
    المشاركات:
    105
    عدد الإعجابات:
    2
    بالفحيحيل الشبح فيه تايلندي صج صج فاهم اما الرمال الذهبيه قصو علي من زمان سنة 1997 بفحص سياره حسبنا الله ونعم الوكيل بس الحين مادري جان غيرو شي الله اعلم
     
  19. al-dbel

    al-dbel عضو جديد

    التسجيل:
    ‏9 يونيو 2009
    المشاركات:
    152
    عدد الإعجابات:
    0
    ياجماعة عينك ميزانك رووووح لجميع محلات الفحص وشوف من اكثر علية الطلب ابصم بالعشر انة الرمال الذهبية والمشكلة هل كل اللي يروحون يفحصوووون بالرمال واللي ماتلقالك مجال فاضي عندهم علشان تفحص مجانين او مالهم عقوووووول؟؟؟؟
     
  20. bioeng_2003

    bioeng_2003 عضو نشط

    التسجيل:
    ‏21 يوليو 2007
    المشاركات:
    346
    عدد الإعجابات:
    0
    مكان الإقامة:
    Q8
    ويااااااااك اخوووووووي مافيهم اللي يفهم هههههههههههههه شريت سياره من رفيجي وقالي ترى مدعومه ومصبوغه وبعد ين قررت ابيعها واللي اشترى فحصها في الرمال ماعرفوا انها مدعومه ومصبوووغه بعد......صراحه ضحكت عليهم حيل وعرفت انهم اي كلام..بعدين شغله ثانية اللي يفحص عندهم ياخذ التقرير اللي بالانجليزي المطبوع مباشرة من جهاز الفحص مو اللي بالعربي يكتبون ويألفون من عندهم.....لأن التقرير الانجليزي لمن يكشف عطل يعطيك عدة احتمالات بالانجليزي تكون المشكله وحده فيهم .الرمال الذهبية يترجم الاحتمالات كلها ويحطها لك في التقرير العربي على اساس خرابات
    هههههههههههههه يضحكون على الفقارى والمساكين