مساعدة ضروري لا استطيع التسجيل بالأيتونز

[بث مباشر]

السلام عليكم

مساعدة يا أخوان كل ما حاولت اسجل في الأيتونز يقولي الباسوورد غلط واحط اكثر من واحد نفس الشي ماني عارف ليش وشنو السبب ؟

وشكرا مقدماً

 

[MrAbdul]

السلام عليكم.

1- تأكد من انك تتذكر الباسوورد او نسيت اختارReset your password.
2- اختار انك نسيت الباسوورد وراح يندز على الايميل (لازم تكون عارف الايميل).
3- تأكد انك كاتبه انجليزي مرات انا شخصيا اكتبه بالعربي وانسى ويطلع غلط.
4- تذكر السؤال الشخصي والجواب من اول مره سويت الاكاونت.

او

http://support.apple.com/kb/ht1911

او https://iforgot.apple.com/cgi-bin/WebObjects/DSiForgot.woa/wa

انشالله فدك

 

[بث مباشر]

مشكور على كل شي بس انا ابي اسجل أول مرة بس ما ضبط معاي وحطيت كل شي في الخانات وهم ما ضبط معاي

 

[MrAbdul]

التسجيل اول مره؟

على ما اتذكر

1- لازم تكتب رقم الفيزه (تكون شغاله) وبياناتها كلها
2- مهم : لازم اقل شي بالفيزا 1دك عشان تنقبل انه فيها مبلغ.
3- بياناتك الكامله واختار الاستور الكويتي (اذا من الكويت)
4- تأكد من الفيزا انها للانترنت فقط وتنقبل من الاستور.
شنو الي طلعلك غلط ومكتوب بالاحمر؟

 

[بث مباشر]

انا ابي اسجل مجاني بس ما ضبط

 

[MrAbdul]

والله ما ادري اخوي شنو المشكله شيكت على الاربع اشياء الي كتبتها لك؟

حط صوره المشكله هني وانشاله اساعدك.

 

[nokia*nokia]

الله بالخير يا أخوان

كلام الأخ : بث مباشر صحيح 100%

والشيئ هذا يعانونه كل 10 أشخاص تسجيل جديد اللذي يتمكن منهم التسجيل اثنان او ثلاثه فقط

ولا أعلم ماهي سبب مشكلة خانة (( الباسوورد ))

عالعموم أنا أنصحك أن تكرر التسجيل لغاية ما تضبط معاك ان شاء الله

ملاحظه : حاول ان تعمل حساب أمريكي وطبعا هو الأفضل لتعدد البرامج .

موفق بإذن الله

 

[بث مباشر]

مو راضي في كل الاحوال اني اسجل فيه وما خليت كلمة باسوورد وماحطيتها جنني وكلام فوق بالحمر يطلعلي ( passwords must contain at least one lowercase letter )
وترجمتها هي ( يجب أن تحتوي على كلمات السر رسالة واحدة على الأقل صغيرة )

وتطلعلي بعد جم خانة الباسوورد بالأحمر كلام يبين آنه في خطأ
( password must be at least 8 caracters )
وترجمتها هي ( يجب أن تكون كلمة السر لا يقل عن 8 caracters )

مع العلم قبل ما كان في هذي المشكله اظن الحين كلامي واضح وعلموني شنو المشكله بالضبط وابي اسجل ضروري الأيتونز مجاني

 

[My LoVe]

سهل دش ببرنامج الايتونز وغير العلم الي تحت خله علم بريطانيا
بعدين روح حق app store واختار برنامج مجاني

بعدين سو create account

وحط عند صور الفيزا والماستر none وسجل عنوانك وبيانتك
وتسجل ابلاش بس

 

[Bo-SaNaD]

اخوي انا بعد كنت ابي اسوي اكاونت جديد حق واحد من الربع وطلعلي نفس الكلام اللي طلعلك بالضبط حاولت يمين يسار مو راضي مع ان البيانات اللي حاطينها كلها صحيحه الف بالميه دقينا على واحد من الربع خبره بهالسوالف قال ان السيستم يعلق وعندهم مشاكل بالريجيستري الجديد قال حاولوا تسوونه على الاستور الامريكي هم ماضبط ويانا نفس المشكله ردينا على الكويتي جان يضبط وسجل صاحبنا على طول انت جرب كذا مره وان شاء الله تضبط وياك

 

[MrAbdul]

مو راضي في كل الاحوال اني اسجل فيه وما خليت كلمة باسوورد وماحطيتها جنني وكلام فوق بالحمر يطلعلي ( passwords must contain at least one lowercase letter )
وترجمتها هي ( يجب أن تحتوي على كلمات السر رسالة واحدة على الأقل صغيرة )

وتطلعلي بعد جم خانة الباسوورد بالأحمر كلام يبين آنه في خطأ
( password must be at least 8 caracters )
وترجمتها هي ( يجب أن تكون كلمة السر لا يقل عن 8 caracters )

مع العلم قبل ما كان في هذي المشكله اظن الحين كلامي واضح وعلموني شنو المشكله بالضبط وابي اسجل ضروري الأيتونز مجاني

عرفت المشكله يقولك حط على الاقل حرف مو كلهم ارقام . يعني مثال 4565456464hala

 

[بث مباشر]

جنني ما خليت علم ما حطيته عشان اسجل هم ما ضبط علم ( امريكا + بريطانيا + مصر + الكويت )

وهم ما ظبط معاي

 

[nokia*nokia]

أخوي بث مباشر

انا وضحتلك بالسابق حاول التكرار لأن إحتمال في خلل من الموقع اثناء التسجيل

والشيئ هذا أغلب اللى حاولوا يسجلون بالفتره الأخيره يعانون من هالمشكله

طريقتك صحيحه لكن العيب من الموقع

 

[بث مباشر]

شكرا وبارك الله فيكم جميعا الظاهر المشكله من الموقع

 

[nokia*nokia]

السلام عليكم ورحمة الله وبركاته

أخوي : بث مباشر

حل تسجيل برنامج الآيتونز ومشكلة إدخال الباسوورد الحل هو :

تكتب الباسوورد من أحرف أو أحرف وأرقم ويجب إدخال حرف واحد (( كابيتل لاتر )) مثال :

faisaL987 لاحظ حرف (( L )) بأسم فيصل كابيتل وبهذه الطريقة يكون تسجيلك متوافق مع

إدخال البيانات .

موفق بإذن الله وتحياتي لك ​

 

[prince777]

السلام عليكم ورحمة الله وبركاته

أخوي : بث مباشر

حل تسجيل برنامج الآيتونز ومشكلة إدخال الباسوورد الحل هو :

تكتب الباسوورد من أحرف أو أحرف وأرقم ويجب إدخال حرف واحد (( كابيتل لاتر )) مثال :

Faisal987 لاحظ حرف (( l )) بأسم فيصل كابيتل وبهذه الطريقة يكون تسجيلك متوافق مع

إدخال البيانات .

موفق بإذن الله وتحياتي لك ​

----------------------------

جزاك الله الف خير وعساك عالقوه