حبوب لمدة 30 يوم ... والمقاس أقل 100 %

الموضوع في 'إعلانات المواد الغذائيه' بواسطة خبير تغذية, بتاريخ ‏10 أغسطس 2010.

حالة الموضوع:
مغلق
  1. خبير تغذية

    خبير تغذية عضو جديد

    التسجيل:
    ‏22 مارس 2010
    المشاركات:
    125
    عدد الإعجابات:
    2
    بسم الله الرحمن الرحيم

    السلام عليكم ورحمة الله وبركاته

    أول شي أحب أتقدم بأحر التبريكات بمناسبة قدوم شهر رمضان الفضيل أعاده الله علينا باليمن والبركات ..

    [​IMG]

    وقلت بالمناسبة هذي ... راح أقولكم عن حبوب معتمدة لمدة 30 يوم ... ومافيها أي أعراض جانبية وتأثيرها يبين من أول اسبوع .. وان شاء الله تعالى اللي يمشي عليها ... راح يقل مقاس على أقل تقدير ...

    [​IMG]



    الحبه الوحده عبارة عن برنامج يومي خلال شهر رمضان الكريم ...

    وان شاء الله الحين راح نبدأ بتفصيل الحبة ومكوناتها ...



    راح أفترض انه دوامك راح يكون لمدة 6 ساعات وانه يخلص الساعه 3 مثلا



    بسمه تعالى نبدأ

    1. جدولنا يبدأ الساعه 5 العصر ... تشغل سيارتك وتروح الممشى أو النادي ... (وانته صايم طبعا) ... راح تبدأ بالمشي وتحط الهدف مالك من 45 دقيقة الى 60 دقيقة من المشي السريع ... وطبيعي ليش انك صايم وما عندك طاقة ... احتمال كبير راح تحس بتعب أول يومين ... فماكو أي مشكلة أنك تمشي لمدة نص ساعه أول يومين ... بس أول يومين!! ...

    [​IMG]

    2. بعد ما تخلص مشي وترد البيت ... يكون باجي شويه على الافطار ... وطريقة الإفطار راح تكون كالتالي .. تسمي بالرحمن وتقرأ سورة القدر

    [​IMG]

    وبعدين تبدأ بجم تمرة ... يعني أكل بس لا تاخذ راحتك وايد .. يعني أكل 5 تمرات مثلا .. أكثر شويه أقل شويه مو مشكلة ... وبعدها اشرب كوب لبن ... وتأكد انه خالي الدسم ... تأكد تأكد تأكد انه خالي الدسم ... واذا حبيت تزيد شويه كوبين ولا كوب ونص مو مشكلة ...
    وبعدين تروح طال عمرك وتصلي ... وانا قاعد اكلمك من ناحية التغذية مو من ناحية الدين ... أبيك تحط فترة بين اللبن والأكل اللي بعده ... والوقت هذا أكيد ماكو شي تسويه أحسن من أنك تصلي فيه ...

    [​IMG]

    3. اذا رديت حق الأكل ... حاول ترتب أكلك بالطريقة هذي ... ابدأ بشوية فواكه .. يعني شوية برتقال على شوية خوخ وأناناس مثلا ... شويه ولا تاخذ راحتك وايد ... بعدين أكل الوجبة الرئيسية ... وطبعا ليش احنا برمضان وايد صعب تتحكم بالأكل ... بس في شغلات رئيسية لازم ما تسويها لو شنو يصير ..
    دائما دائما أكل الخبر الأسمر بدل الأبيض ... وحاول قدر الامكان انك تاكل العيش الأسمر بدل الأبيض ...


    واعلمك على طريقة جدا مفيدة ... روح الجمعية واشتر جم بطل زيت زيتون بكر اكسترا Extra Virgin Olive Oil ... وخل اللي يسوي الأكل يستخدمه مكان الزيت العادي اللي اهوا زيت الذرة او عباد الشمس ... مستحيل راح تلاحظ اي فرق بالطعم ... بس في وايد فرق بالقيمة الغذائية ...

    [​IMG]


    وشغلة زيادة ... روح الجمعية او مركز سلطان .. واشتر سكر أسمر أو سكر الفواكه (فركتوز) وخلهم يستخدمونه مكان السكر العادي ... الطعم نفسه 100 % ... بس مفعوله بالجسم غير 100% ...

    [​IMG]


    ابتعد عن المقالي كثر ما تقدر .. سواء سمبوسه ولا غيره ... مع العلم انك تقدر تحط السمبوسه بالفرن بدل لا تقليها ... وكذلك معظم المقالي
    ولا تشرب أي أنواع العصائر حتى لو كانت طبيعية ... وأكيد وخر عن المشروبات الغازية ... واشرب ماي كثر ما تبي ... وحاول يكون شربك بعد ما تخلص الأكل مو قبل الأكل ...
    تذكر شغلة ضرورية ... لا تاكل وايد لانه عندك وجبة ثانية راح تاكلها على الساعه 9 ونص تقريبا ...

    4. بعد ما خلصت الافطار ... حاول كثر ما تقدر انك تمنع روحك من شيين ... أكل الحلو والنوم ... علشان جذي ... يفضل اول ما ترد من الدوام الساعه 3 مثلا تاخذلك غفوة لمدة ساعه أو 45 دقيقة علشان تصحصح وما تنام بعد الفطور ...

    [​IMG]

    5. الساعه 9 ونص ... لازم تاكلك شي ... عندك باليوم الواحد بحد أقصى 5 حبات حلويات .. يعني لقيمات أو بسبوسه أو غيره ... 5 قطع بحجم حبة وحدة من اللقيمات ...

    [​IMG]


    وتذكر شغلة كل ما منعت روحك من هالحلويات كل ما كان من صالحك والنتيجة كانت أعظم ..
    واذا حسيت انك فعلا ما تبي تاكل حلوبات ... تذكر انك لازم تاكل بالوقت هذا وجبتك الثانية ... تبي تاكل سلطة ولا تمر ولا خبز وجبن مثلا ولا اي شي خفيف وصحي

    [​IMG]

    6. باجيلك حق اليوم وجبة وحدة ... وعندك الحين 3 اختيارات ...
    إما
    ترضى بالمجهود اللي انته قاعد تسوي وتاكل وجبتك الاخيره الساعه 1
    أو
    تبي تزيد النتيجة ... فتزيد المجهود شويه ... وتمشي لمدة ربع ساعه أو 20 دقيقة لا أكثر ... بعدين تاكل وجبتك الأخيره الساعه وحده
    أو
    تبي تزيد النتيجة وايد ... فتزيد المجهود وايد ... وتاكل وجبتك الأخيره الساعه 1 وبعدين تمشي لمدة ربع ساعه أو 20 دقيقة ...

    والاختيار راجعلك ...

    المهم بعد ما تقرر اللي تبيه ... لازم تاكل وجبتك الأخيره ... حاول تاكل وجبة صحية وتعطي طاقة في الوجبة الأخيره لانها اهيا اللي لازم تساعدك حق اليوم اليديد ... أنا انصحك انه الموز يكون أحد المكونات ... ويمكن سلطة قيصر مع دجاج ... أو تاكل شويه من الافطار اللي كليته اليوم ... أو جم تمرة وكوبين لبن ... والاختيارات في الأكلات الصحية وااااايد ... وانته اللي عليك انك تختار اللي يناسبك

    [​IMG]

    7. لو تبي تنام الساعه 1 ونص مثلا ... أتوقع راح تشبع نوم وتريح جسمك بكفاية ... وتذكر انك تشرب ماي قبل لا تنام ...

    [​IMG]

    8. ما انصح انك تنام وبعدين تقعد علشان السحور نهائيا ... خل سحورك اهوا الوجبة الأخيرة باليوم اللي تكون الساعه 1 تقريبا ... ونام ولا تقعد الا على الصلاة ..




    أتمنى قدرت أفيد البعض ولو بالشي بالبسيط ...

    والسلام مسك الختام






     
  2. turbo911

    turbo911 عضو جديد

    التسجيل:
    ‏14 ابريل 2008
    المشاركات:
    229
    عدد الإعجابات:
    0
    جزاك الله خير على الفائده
     
  3. خبير تغذية

    خبير تغذية عضو جديد

    التسجيل:
    ‏22 مارس 2010
    المشاركات:
    125
    عدد الإعجابات:
    2
    حياك الله اخوي تيربو ... وان شاء الله استفدت ولو شي بسيط
     
  4. وليد السعيدي

    وليد السعيدي عضو جديد

    التسجيل:
    ‏24 سبتمبر 2006
    المشاركات:
    1,090
    عدد الإعجابات:
    0
    مكان الإقامة:
    الكويت
    الله يعطيك العافيه على النصااايح ..


    والله كلامك عدل 100 % بس وين اللي يطبق هذا @@
     
  5. ابوخالد لمتد

    ابوخالد لمتد عضو جديد

    التسجيل:
    ‏2 أغسطس 2009
    المشاركات:
    224
    عدد الإعجابات:
    0
    مكان الإقامة:
    الكـويـــت
    الله يعطيك العافيه
     
حالة الموضوع:
مغلق