توقع انتهاء التصحيح

الموضوع في 'السوق الكويتي للأوراق الماليه' بواسطة Navigator, بتاريخ ‏17 أغسطس 2010.

?

هل تتوقع انتهاء التصحيح في سنة 2011

  1. نعم

    33 صوت
    63.5%
  2. لا

    19 صوت
    36.5%
  1. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,212
    عدد الإعجابات:
    5,970
    مكان الإقامة:
    الكويت
    السلام عليكم ورحمة الله وبركاته

    مشاركه قبل سنتين توقعنا فيها مدة التصحيح ستكون طويله ولن تقل عن 3 سنوات

    لو حسبنا ان التصحيح بدايته كانت بشهر 7 \ 2008 للمؤشر السعري

    وزدنا عليها فترة التوقع راح نوصل لسنة 2011 اذا الله كتب لنا عمر وياكم



    راقب الارباح المعلنه اغلبها انعدام النمو وخسائر

    عند نزول اسعار الاسهم لارقام متدنية لم الاحظ بناء مراكز عليها

    السيولة المتداوله اقل من مستوى 200 شركه

    مكرر ربحية السوق كل يوم يزيد بسبب خسائر الشركات المعلنه

    صعود المؤشر من 12000 الى 15500 من غير تأسيس يذكر واغلبه وهمي

    المشاريع الحكومية حبيسة الادراج

    القوانين المعرقله للنمو كل يوم تزيد

    زيادة الاعباء المعيشية للمواطنين والمقيمين

    قلة الاستحواذات هذه السنه

    عدم وجود صفقات مدوية تغذي وتشعل السوق

    سوء الادارة في البورصة وكثر الاخطاء

    هذا غيض من فيض واخذ من وقتي 3 شهور وللحين احاول اقنع نفسي ان سوقنا بخير

    عمي فكر فيهم واحد واحد وشوف راح يكون تصحيح طويل توصل مدته 3 سنوات :mad:

    واتمنى اكون غلطان

    لكن ما يمنع نحط اسوأ الاحتمالات امامنا


    والله ياخوي كل ماذكرته صحيح 200 % وما عليه خلاف

    اخوك من طبعه متشائم شوي :)

    الا بهاذي بكون شوي متفائل

    ننتظر ونشوف هل يرتد او يكسر

    ان كسر عظ دشداشتك وافركلها

    لان بيكون تصحيح يتخلله تذبذب لفتره طويله شوي




    طبعا شطبنا اسم العميل السري :D


    والحين نرد ونسألكم هل تتوقعون انتهاء التصحيح في سنة 2011 ؟


    وخلال الربع الثالث تحديداً

    لأني لاحظت هالايام اقتراب تحسن القيمة الرأسمالية للشركات مع القروض
    والارباح :)
     
  2. 3lgm

    3lgm عضو مميز

    التسجيل:
    ‏29 سبتمبر 2008
    المشاركات:
    6,410
    عدد الإعجابات:
    1
    تصريح خطير يا بوسلمان , الدورة الإقتصادية 7 سنين , ومن الـ2008 لي الـ2015 تنتهي الدورة التصحيحية اللي احنا فيها الحين , نقول قبلها بسنة أو سنتين يبدأ التجميع , يعني محاري الـ2013 , لكن تبي الصج توقع بركتر بداية تصحيح الذهب له دلالات , والوطني صعوده بدون إشاعات ولا بيعات له دلالات , لكن باجي السوق متدهور ومشاكله وايد , بوسلمان أي شركات تقصد اللي تشوف تحسن في أداءها وقيمتها الرأسمالية , وكم نسبتها إلى الشركات المتعثرة بسوقنا (منهم الموقوفات) .
     
  3. المهذب جداً

    المهذب جداً عضو مميز

    التسجيل:
    ‏28 مارس 2004
    المشاركات:
    3,017
    عدد الإعجابات:
    48
    مكان الإقامة:
    مانشستر يونايتد
    .

    البورصة تتبع الإقتصاد

    الإقتصاد يعاني من بطالة قوية و شح سيولة

    الإقتصاد بإنتظار ظهور محفز جديد و قوي للإقتصاد

    المحفزات الإقتصادية في السابق كانت مثل : إكتشاف الكهرباء و إختراع المحرك المكانيكي وآخرها ظهور الإنترنت

    .
     
  4. الميغ1

    الميغ1 عضو جديد

    التسجيل:
    ‏28 مايو 2010
    المشاركات:
    86
    عدد الإعجابات:
    0
    ما شاء الله متجمعين عند النبي ( صلى الله عليه و سلم )
     
  5. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    خلينا نرجع شوي لورا

    سقوط صدام لم يكن متوقعا .. وشوف بعد سقوطه شنو صار
    لو قرأت الشارتات قبل السقوط - لم يكن هناك ما يشير الى حدوث كل الانتعاش اللي حصل

    الان - لو حدث تغيير في المنطقة
    واقربها موضوع ايران

    اتفاق مع امريكا
    تغيير النظام

    او غيرها من الاحداث التي تنعكس ايجابا على الاقتصاديات الغربية بالذات .. يكون هناك انتعاش
    حتى قبل نهاية 2011

    اما اذا استمرت الاوضاع مثل ما هي ولا يوجد احداث كبيرة جديده

    اتوقع تحسن معقول الى نهاية 2011 ... الا اذا سردتها الحكومة بالمشاريع فعليا .... بنشوف خير

    والله اعلم
     
  6. LEEDS MAN

    LEEDS MAN عضو جديد

    التسجيل:
    ‏4 ديسمبر 2009
    المشاركات:
    72
    عدد الإعجابات:
    0
    مكان الإقامة:
    LONDON
    طـــار طير و وقـــــــــــع

    إلا كما طـــــار وأرتفـــــــــــــع

    أنا عكست المثل
    وهذا شكله إللي بيصير بإذن الله
     
  7. kuwaiti_zoom

    kuwaiti_zoom عضو مميز

    التسجيل:
    ‏16 ابريل 2007
    المشاركات:
    933
    عدد الإعجابات:
    0
    أول ما قرأ هالموضوع أقول بخاطري أنا قاريه بس وين ..!!!!!

    :)

    كانت نظره بالصميم منك

    عسى الله يوفقك ويوفقنا أن شاءالله
     
  8. مليونير بعد سنه

    مليونير بعد سنه عضو نشط

    التسجيل:
    ‏31 مارس 2006
    المشاركات:
    2,298
    عدد الإعجابات:
    31
    مكان الإقامة:
    الكويت الشقيقه
    وجهة نظري المتواضعه

    سبب الازمة هذي كلها اليهود واغلبهم في الكونغرس الامريكي

    بعد ماسقط حلفائهم الجمهوريين


    ونجاح صار لديمقراطي اوباماا جذور افريقيه وميول اسلامي

    والانتعاش سوف يرجع بقوة بس بشرط

    الزج في الديمقراطي في حرب قادمه الله يكفينا شرهاا

    والحروب سياسة الجمهوريين

    وبالكويتي اهم موهقين اوباماا بكل شي عشان يوصلون رساله الديمقراطيين ماتجحون خلاص
     
  9. الهامرز

    الهامرز عضو نشط

    التسجيل:
    ‏17 فبراير 2009
    المشاركات:
    1,722
    عدد الإعجابات:
    297
    مكان الإقامة:
    الكويت
    ليش مستعجل اخوي بوسلمان خله تتطول خلني نجمع علي كيفنا الاسهم الرخيصه خلوها تطول من صالحن جميعا طول الازمه والذهاب الي الانتعاش بحموله طيبه من الاسهم التشغيليه هنا نستفيد خلوها تتطول الفهيم يفهم طول الازمه فايده لنا لتجميع الاسهم وبالتوفيق والراي شخصي لنا
     
  10. بو ضاري 2005

    بو ضاري 2005 عضو جديد

    التسجيل:
    ‏30 يوليو 2008
    المشاركات:
    2,465
    عدد الإعجابات:
    0
    سيوله ماكو اسهمناااااااااااااااااااااااا فى القاع من 670 الى 60 ايفا من 350 الى 90 صنعاة متحده من 104 الى 20 ميادين وغير عقود لاجل تبخرة الله كريم
     
  11. مليونير بعد سنه

    مليونير بعد سنه عضو نشط

    التسجيل:
    ‏31 مارس 2006
    المشاركات:
    2,298
    عدد الإعجابات:
    31
    مكان الإقامة:
    الكويت الشقيقه
    كل ماتجمع من اسهم يدرون التجار ويرفضون وجودك معاهم


    يقررون يخفظون راس المال عشان يطلعونك واذا طلعوك يرتفع اسهم

    يعني كل شي وله حل بنسبه لهم
     
  12. الهامرز

    الهامرز عضو نشط

    التسجيل:
    ‏17 فبراير 2009
    المشاركات:
    1,722
    عدد الإعجابات:
    297
    مكان الإقامة:
    الكويت
    خل بالك وسيع ونق علي كيفك وخلهم يشوفون بس بشرط ان تكون عندك فلوس منت محتاجهم وصاحب مدخول شهري وبالتوفيق للتجار وملاك الاسهم ونذهب للانتعاش محملين بالاسهم الحلوه ونصير تجار انشاء الله مع اخوانا المحترمين ملاك الاسهم المدرجه