شركة الساحل للإستثمار ( الساحل ) .

[fahad2000]

‏صندوق الساحل الاستثماري أكبر خمس شركات مستثمر بها في شهر 11 ⬅️ الوطني + بيتك + امريكانا + اسمنت الكويت + مشاريع الكويت

 

[العوووود]

الله اكبر
الساحل
صار في الخانه رقم 5
عيزت على ما وصلت له الله
يالدنيا عجيبه هلدنيا

 

[العوووود]

هذا سهم الساحل العجيب
بعنا السهم بخساره 50%
الله يعوضنا ان شاء الله
والله يعين الي ماسك السهم
ماندري لوين رايح الزفر
الله لايوفقهم زقوم في ابطونهم دنيا واخره الهي امين

 

[العوووود]

الساحل صار سعره سعر السوريه والمغاربيه عجيبه ومهزله ومسخره

 

[بو فلاح]

هذا سهم الساحل العجيب
بعنا السهم بخساره 50%
الله يعوضنا ان شاء الله
والله يعين الي ماسك السهم
ماندري لوين رايح الزفر
الله لايوفقهم زقوم في ابطونهم دنيا واخره الهي امين

السلام عليكم اخيي الله المستعان عليهم احنا دشينا القرقور على ٨٦ فلس وكميه كبيره وما نبيع الا على هل سعر ان شاء الله ادارة الشركه تحس سهم مملوك بنسبة ٦٠ ٪‏ يعني الملاك اهم وراء النزول الله يعين جميع المتداولين

 

[العوووود]

امسمر الخسيس
مافي احد قاضبه

 

[العوووود]

الله اكبر صار هذا مستواه ٢٦ فلس نفس السوريه والمغاربيه والله هزولت

 

[العوووود]

ارتفاع امس فلسين تهويشه حق نزول اليوم

 

[العوووود]

قتلكم سهم زفر حده شوفوا اشحاط الطلبات الزفر

 

[أبو فلسين]

العود اذا الكميه المعروضه بسيطه ابشرك تركها على ابو فلسين وباخذها لو اعلقها
اما اذا كانت الكميه كبيره بستريح ابرك

 

[العوووود]

هذا السهم الردي اصبح من الردايه وضميناه الى الردايه . قايل لكم الفلسين بأرتفاعها يوم امس حق اليوم وزياده حبه . حد ادنى . زفر

 

[اعلامي]

مساء الخير
هذا السهم راح يضم لاسهم تحت المراقبه
اتوقع وهذا راي شخصي
ان معظم الاسهم اصبحت في مناطق ارتداد
ومع قرب اعلانات البيانات الماليه السنويه للشركات
اتوقع بعض الاسهم راح تشهد قفزات

 

[أبو فلسين]

أتوقع السهلي ماراح يخليه ينزل أكثر طبعا هذا توقع

 

[ملك الصيد]

أتوقع السهلي ماراح يخليه ينزل أكثر طبعا هذا توقع

اخوي بوفلسين انت من صجك !!
لو تقلب نكك بو دينار السهلي يحطك بمخباته..
تحجي خرس انت

 

[أبو فلسين]

اخوي بوفلسين انت من صجك !!
لو تقلب نكك بو دينار السهلي يحطك بمخباته..
تحجي خرس انت

ياخوك اذا مازاد ملكيته بهذي الاسعار متي بيزيدها 26 فلس سعرها مغري لادارتها
وثق تماما مافي تاجر يشوف ملكيته 26 بالاميه تتبخر امام عينه لازم ينقذها والا راح يخسر هو برأسه بعد

 

[ملك الصيد]

ياخوك اذا مازاد ملكيته بهذي الاسعار متي بيزيدها 26 فلس سعرها مغري لادارتها
وثق تماما مافي تاجر يشوف ملكيته 26 بالاميه تتبخر امام عينه لازم ينقذها والا راح يخسر هو برأسه بعد

كلامك 100%
ولكن مو بكيفه يشتري !! الا بموافقة الهيئة
ولازم تنطبق عليه شروط للشراء ..
لو بهالسهالة جان القائمين على هالشركات كلهم شروا بهالفترة الأخيرة
ولكن جميعهم متفقين على هالنزول المتعمد بس ينطرون الحجة..

 

[أبو فلسين]

كلامك 100%
ولكن مو بكيفه يشتري !! الا بموافقة الهيئة
ولازم تنطبق عليه شروط للشراء ..
لو بهالسهالة جان القائمين على هالشركات كلهم شروا بهالفترة الأخيرة
ولكن جميعهم متفقين على هالنزول المتعمد بس ينطرون الحجة..

في قانون الحين عادي يشتري بمحفظته الخاصه او محفظه عياله

 

[أبو فلسين]

عبـداللــطيـف خـالــد السـهـلــي وحصته 21 بالاميه نسبة الرهن 6 بالأميه
شركة الخير الوطنية للأسهم والعقارات (وآخرين) 37 بالأميه يملكون ونسبة الرهن 32 بالأميه
يعني الاسهم المرهونه 38 بالاميه فلازم وضروري يدعمون السهم والا راح يروح عليهم الاسهم المرهونه
ركزو علي تداول يوم الاحد اذا شفتو كميه كبيره مطلوبه لشراء بسعر معين يعني تحت هالسعر ينتهي الرهن وتروح عليهم كمياتهم
ماندري يمكن رهن ملكيتهم تكون لنا طوق النجاه والا لو الامر بيدهم كان عادي وصلو السهم 10 فلس

 

[ملك الصيد]

السااااحل 24 فلس ؟!؟!؟

الله واكبر ...
والله كلام بوفلسين ذكرني بالماضي..
ولكن صبرا جميل

 

[العوووود]

السااااحل 24 فلس ؟!؟!؟

الله واكبر ...
والله كلام بوفلسين ذكرني بالماضي..
ولكن صبرا جميل

لا واليوم الاتحاد قوه
الساحل
والمال
والسوريه
والمغاربيه
كلهم على سعر واحد ٢٢ فلس
صج اتحاد قوه
ههههههههههه