طريقة يومية مضمونة للربح بإذن الله

الموضوع في 'السوق الكويتي للأوراق الماليه' بواسطة المقرود, بتاريخ ‏22 ابريل 2005.

  1. المقرود

    المقرود عضو نشط

    التسجيل:
    ‏8 نوفمبر 2004
    المشاركات:
    825
    عدد الإعجابات:
    4
    هذا إهداء حق الأخوان اللي وين مايطقونها عوية ، ومو قادرين يستفيدون من ارتفاع السوق ،
    عيب هالطريقة الوحيد إن ربحها قليل ، بس إن شاء الله مضمون ، فأرجوا اتباع الخطوات بالتفصيل

    1) ابحث عن سهم تعتقد إنه مظلوم بسعره ، وأرباحه التشغيلية عالية ، يعني مكرر أرباحه قليل ، صار له مدة ثابت بمكانه ، وأنت متوقع له صعود ، ومقتنع بشرعيته
    2) راجع أداء السهم في آخر 10 أيام تداول ، لازم يكون السعر ثابت تقريبا ، والسهم يتحرك في قناة ضيقة (هالنقطة مهمة جدا)
    3) احسب نقطة الدعم اللي السهم قاعد يتداول عندها ، ومو قاعد يكسرها
    4) توكل على الله وحط أمر شراء السهم على نقطة الدعم ، وبعد الشراء حط أمر بيع أعلى من سعر الشراء بتكة واحدة فقط يعني شريت السهم ب 510 فلس حط أمر بيع عند 520 فلس ، وإن شاء الله ينباع السهم بنفس اليوم أو اليوم اللي وراه ، وتطلع بربح 2% ، وهكذا كل يوم 2% لما تصير قنوع حدك
    يعني اللي عنده خمس وحدات من السهم راح يربح يوميا 250 دينار بإذن الله ،

    بس هناك بعض الأمور المهمة اللي لازم تراعيها
    1) لازم يكون على السهم تداول يومي معقول ، مو واحد يشتري سهم رعد ويقول توهقت شريته وماقدرت أبيع ،
    2) إذا شريت السهم واهو في بداية سعر الوحدة راح يكون ربحك أعظم مما لو شريته واهو بآخرها ، يعني لو فرضنا إن عندنا سهمين بالوحدة اللي بين 510 فلس إلى 1,000 د.ك
    لو تشتري السهم 510 وتبيع ب 520 تربح 1.96 % أما لو تشتريه ب 950 وتبيع ب 960 فلس راح تربح 1% ، يعني النص تقريبا
    3) ماراح أذكر أمثلة على شركات تنطبق عليها هالشروط ، لأن أخاف الكل يطبق عليها وتخترب السالفة ، وعقبها يصعد السهم ومايرجع ، بس والله الشركات اللي ينطبق عليها وايد ، وأنا حاليا عندي خمس شركات


    الله يوفقكم ، وكل واحد يربح يدعو لي
     
  2. دنانير

    دنانير عضو جديد

    التسجيل:
    ‏11 ابريل 2005
    المشاركات:
    387
    عدد الإعجابات:
    0
    والله خوش طريقة :) يا ليت تكمل جميلك وتذكر لنا كم شركة :confused:
    والا تدري انا راح اذكر كم شركة وعطني رايك فيهم :rolleyes:

    مجموعة الصناعات الوطنية
    مشاريع التخصيص
    الخليج المتحد
     
  3. المقرود

    المقرود عضو نشط

    التسجيل:
    ‏8 نوفمبر 2004
    المشاركات:
    825
    عدد الإعجابات:
    4
    أشكرك أخوي دنانير
    بس أرجو إنك تعذرني في ذكر أي شركة ، وكذلك باقي الأخوان اللي راسلوني على الخاص
    لأن والله إن ذكرنا شركة وحدة ماراح تصلح للمضاربة بعد ذكرها ، يعني لو فرضنا إن شركة وحدة طبق عليها 3 أعضاء هذه الطريقة ، كل واحد خمس وحدات صار المجموع 15 وحدة واختربت السالفة

    عموما مثل ما ذكر الأخوان الشركات واااااااااايد ، أكثر مما تتصور

    يعطيك العافية
     
  4. CHART TRADER

    CHART TRADER عضو جديد

    التسجيل:
    ‏22 يناير 2004
    المشاركات:
    1,043
    عدد الإعجابات:
    0
    مكان الإقامة:
    الكويت


    الاخ العزيز ... المقرود


    مع احترامي لك .... طريقتك تصلح عندما يكون السوق في نزول


    وهي معروفه باسم الارتداد من دعم

    لكن عندما يكون السوق في صعود الافضل الاخذ في

    طريقة الاسهم التي تكسر المقاومه القويه او الاعلى في السنه


    اتمنى وضحت الصوره


    تحياتي لك ...