اخواني الاعزاء

[المحبوب2]

شلون احسب القيمه الدفتريه لاي من الشركه وهل هي مهمه
وجزاكم الله خير

 

[بوحسن]

ليش تبي تعرف القيمه الدفتريه لاي شركه

شنو الهدف منه ؟ بتدش مثلا شريك او لتصفيه الشركه اوللمتجاره بالاسهم ؟
هذا شغل محاسبي بحت ..

اذا قصدك عشان تحلل قوة الشركه الفعليه

انا ما انصحك تضيع الوقت بمعرفة القيم الدفتريه

ماراح تستفيد شي اذا قصدك الهدف من ورى الموضوع التجاره بالاسهم
لان حتى القيمة الدفتريه ممكن في وقت من الاوقات تكون اقل من السوق وممكن تكون اكثر
يعتمد على نوع الاصل ونوع المبدأ المحاسبي الي معتمدته الشركه

 

[المحبوب2]

هلا بالحبيب بس انا اخالفك الراي طال عمرك القيمه الدفتريه انا اعتقد لها شان خاص بالشركه بس ياليت احد من الاخوه الي عنده المام يقولنا

 

[فؤاد]

شلون احسب القيمه الدفتريه لاي من الشركه وهل هي مهمه
وجزاكم الله خير

القيمة مهمة جدا جدا...لأنها هي هامش الامان....

وهي عبارة عن طرح المطلوبات على الشركة او صافي الموجودات على عدد الاسهم...

ولا داع لحسابها لأنها منشورة في البورصة لكل شركة وكذلك في ميزانية كل شركة ...مثال:
سهم الدار
القيمـة الدفتـريــة للســهــم 190.43 224.36
المرجع :http://www.kuwaitse.com/Companies/StkYearlyFinancialDataA.aspx?stk=217

وأهمية القيمة الدفترية أنها هي المبلغ المتبقي للمساهمين في حالة افتراض افلاس الشركة وكلما كان السعر الدفتري قريب من سعر السوق كلما اعطى هذا نسبة أمان أعلى للمساهم المستثمر ...

ويلاحظ ان الشركات كلما كان نسبة نموها عالية كلما قلت القيمة الدفترية لأن p/e مالها يكون عال....

القصد انه في حال تشابه شركتين في الجودة فالتفضيل يكون للشركة التي يكون قيمتها الدفترية اعلى...

اخوك فواد ك

 

[بوحسن]

ما ادري اذا ما اعرف اعبر بالشكل الصحيح
بو احمد انا فاهم انك تبي تشتغل بالاسهم والي يبي يشتغل بالاسهم

الاسهم مالها قيمة دفتريه فما تحتاج تعترف اي قيمة دفتريه للشركه

فشركات الاستثمار كما اظن اغلبها تستثمر بالاسهم فتجد القيم الدفتريه لديها نازله لانها لا تملك اصول مثل اراضي ..مباني استثماريه ..الخ بشكل كبير لان اغلب مضارباتها بالاسهم


وعليه الاسهم ليس لها قيمة دفتريه ! بل لها قيمه اسمية فقط

بس حساب ارباح هذي الاسهم تالي تختص بامور محاسبيه
انشالله هالاختصار يكون واضح

 

[sadsa]

حقوق المساهمين/عدد الاسهم=القيمه الدفتريه

 

[المحبوب2]

اشكركم اخواني علي الرد وشكرا لك يااخ فؤاد علي الايضاح بالسبه للصبر ياخوي القيمه الدفتريه مهمه يعني اذا السعر نزل عن القيمه هذا نؤشر سلبي علي السهم وتحياتي لكم

 

[بوحسن]

الي تشوفه طال عمرك مهم ..لازم يصير مهم

بس طال عمرك اذا نزل سعر السوق عن القيمه الدفتريه
لشركه شاريه شي من فتره عن سعر السوق الحالي

طال عمرك هذي مو يعني الشركه بخطر

لا ..يعني الاقتصاد الكويتي كله بخطر

الظاهر ما قدرت افهمك عزيزي

واسف على الاطاله وحيا الله الجميع

 

[المقرود]

القيمة الدفترية للشركة مفيدة جدا في حالة الاستثمار أو في حالة هبوط الشركة (كما هو الحال حاليا في جيزان)

وهي كما ذكر الأخوان تمثل حاجز الأمان بالنسبة لك ، لكن عموما لا تجعلها مقياسا لتقييم السهم ، فالأرباح والنمو أهم بكثير ، خصوصا أن القيمة الدفترية تتأثر بالقطاع فمثلا الشركات الصناعية تملك قيمة دفترية أكبر من شركات الاستثمار أو الخدمات وهكذا ...

ومن باب الإفادة:
أكبر سهم قيمة دفترية بالكويت هو سهم الكايبلات ، ثم السكب ثم سهم الأغذية (أمريكانا) لعام 2004

ومن أقل الشركات هي الخليج المتحدة ثم الفنادق ثم المجموعة الدولية

بس طبعا لازم تقارن هالقيمة الدفترية بسعر السهم السوقي ، وهنا سيتبين لك أن أعلى شركة هي المخازن (الحين يعصبون ملاك السهم ) ثم شعاع ثم المعادن ثم سلطان ، حسب عام 2004

 

[rahaly]

ياخوي توي عرفت ان القيمة الدفترية لجيزان 310

وتكلفتنا 700

والسهم اليوم 490

وعليك الحساب