حافظو على فلوسكم00 واخرجوا من السوق خلال هذه الفتره؟

[مضارب1]

لاتسمعوا الاشاعات السوق فى نزول وتذبذب حتى نهاية شهر 8 فالافضل الحفاظ على راس المال حتى تنجلى الحقيقه تبدأ الاعلان الرسمى عن العقود ان وجدت

 

[masxmas]

مشكور على نصيحتك بس محد راح يسمع فيها لانه السوق ادمان خسران ربحان لازم تتداول وان سافرت او كنت قاعد بالشاليه او ان كنت قاعد بالقطب الشمالي او بجزيره لازم تشوف السوق من الكمبيوتر وتهفك نفسك على سهم وتتصل على المكتب وتشتري السهم ادمان ادمان ادمان

 

[ميثاق]

يعني ماينفع نضارب في حالة التذبذب

 

[فانيليا]

اى والله صح كلامك ادمان


ادماااااااااااااااان ادمااااااااااااااااااااان ما اقدر اسفه لازم اخسر لازم اربح عشان ارتاح ادماااااااان ما ارتاح بيوم ومايكون عندى سهم ادماااااااان شلون اقدر اصبر لى شهر 8 ادمااااااااان خسرانه ربحانه ادماااااااااااان



وسلامتكم

الشاعره نيكول

 

[الفنطـــــــاس]

ياجماعه ترى في عيادة للمتداولين المدمنين اللي يبي عنوانها ترى حاضرين

 

[الكندري بورصه]

السالفة بس مو سالفة إدمان
السالفة إن الواحد ما يقدر يطلع بخسارة

 

[As You Like]

بالنسبة لي أنا السالفه مو إدمان بس لأسف :
الوقوع في الوحل
فبالتالي أبشرك ناطر لشهر 8 ناطر غصب عني
والله كريم

 

[المهذب جداً]

ياجماعه ترى في عيادة للمتداولين المدمنين اللي يبي عنوانها ترى حاضرين​

يا معود : ويييييييييييييييييين​

 

[anaconda]

لاتسمعوا الاشاعات السوق فى نزول وتذبذب حتى نهاية شهر 8 فالافضل الحفاظ على راس المال حتى تنجلى الحقيقه تبدأ الاعلان الرسمى عن العقود ان وجدت

قوية تقول السوق نزول الي شهر 8
مالك امل
ومستحيل

يبة الشيخ صباح الاحمد قال ان الشيخ صباح الاحمد قال لاتخافون السوق راح يصعد نفس الاول واحسن
يعني بالله انت تعرف احسن من صباح الاحمد؟
السوق الي قاعد يصير فيه شي عادي
تاسيس قبل الانطلاق
اعلانات الربع الثاني بعد شهر من الان
و عقود المخازن قربت تطلع
بس عاد تفائلوا بالخير تجدوا
واذا انت عن نفسك مو متفائل فخلاص كيش وارتاح الي شهر 8 بس اعتقد راح تشوف المؤشر فوق ال 10000 نقطة وحزتها راح تظطر تشتري بالعالي

 

[متداولجي]

انشالله السوق زين من الاسبوع الجاي ودخول شهر 6 متاملين خير انشالله

 

[قانوني]

عندي فكره

دام السالفه فيها ادمان عندي خوش مشروع
كشك لبيع البندول فقط داخل البورصه .. يم ستار بوكس

 

[careful_invest]

لاتسمعوا الاشاعات السوق فى نزول وتذبذب حتى نهاية شهر 8 فالافضل الحفاظ على راس المال حتى تنجلى الحقيقه تبدأ الاعلان الرسمى عن العقود ان وجدت

بسك تضارب باعصابنا يا الحبيب..
عاد انت تقول لا تسمعون اشاعات..عيل شنو تسمي رسالتك هذه اخوي!!!..
حقائق مضارب1..أشك والله

 

[بوحسن]

من قال شهر 8 ؟؟؟


مع احترامي لك ترى نتائج الربع الثاني على الابواب كلها شهر واشوي يعني في سبعه بتطلع وبتغير الوضع كله


اثنين يغير وضع السوق المناقصات الي لازم يتم ترسيتها في هذا الوقت ..هذا وقت المناقصات لاغلب الدول نص السنه المالية وبتتغير الاوضاع بالسوق وممكن بشهر 6 بعد بتشوف السوق غير

واخيرا ..اسهم المجموعه الماسيه بس تقول فوق ...بتشوف السوق فوق غصب طيب السوق بينسحب وراهم

انشالله كل الخير بالسوق الكويتي والله يتممها على الف خير ...وهذي سنة الطفره يا اخوان لا تنسون ..هالسنه احسن من سنة التثمينات الي في زمن المغفور له عبدالله السالم الله يررحمه

 

[jreea]

اللي مايعرف حق السوق خل يطلع احسن
الشاطر يربح بالسوق وهو نازل ، يربح واهو صاعد ، ويربح وهو مذبذب
ويربح حتى بالتصحيح ( قويه هاذي عاد )
المهم قوي قلبك وركز وانشاء الله بتربح
شاك في اخلاق السوق اضرب واهرب
تفائلوا بالخير تجدوه ، بس مو تاخذ النخيل وتتفائل
وسلامتكم
​

 

[anaconda]

يا شباب لا تخافون والله سوقنا زين
شوفوا اسواق المناطق المجاورة منها ( السعودية - الامارات - البحرين - عمان )
كلهم فوق وكل سوق من الي ذكرتهم مر في مرحلة تصحيح بعد صعود قوي وبعدها مر في مرحلة تاسيس
سوقنا ولله الحمد خلص من مرحلة التصحيح والحين هو يمر في مرحلة التاسيس

فلاتخافون وتفائلوا بالخير

الخير باذن الله يايكم لاتستعجلون علي رزقكم
كلها جم يوم وبتشوفون شي حلو
بس اهم شي خل المجموعة الماسية ترفع راسها وتقود السوق من جديد

 

[مضارب1]

اخوانى المتداولين لقد نصحنى احد الكبار (بان ادخل السوق بعد اعلانات الربع الثالث واخرج بعد اعلانات الربع الاول من السنه الجديده0000)
ولكننى لم اسمع النصيحه واستمريت فى السوق بعد اعلانات الربع الاول وتحولت ارباحى الى خسارة جزء كبير من راس المال (
ارجو من الاخوان عدم ضياع فلوسهم هباءً فى هذه الفتره0
ورأى لكم اولاً واخيراً

 

[مضارب1]

اسحب فلوس وانتظر وراقب ترى راس المال عزيز والسوق يسيطر عليه الكبار وهم حالياً مشغلون اين يقضون اشهر الصيف وليس لديهم وقت لبورصه

 

[anaconda]

اسحب فلوس وانتظر وراقب ترى راس المال عزيز والسوق يسيطر عليه الكبار وهم حالياً مشغلون اين يقضون اشهر الصيف وليس لديهم وقت لبورصه

الحين البورصة مو نفس باقي السنوات
فأغلب الناس قامت تتابع البورصة عن طريق الانترنت ومثل مانت عارف الانترنت موجود في كل مكان بالعالم
لذلك لاتوجد مشكله في متابعة البورصة والتداول اينما كنت
والدليل شوف الصيف الماضي شنو صار عام 2004
السوق ارتفع وكان في احسن حالاتة في عز الاجازة الصيفية شهر (5 و 6 و 7 و 8 و 9 و 10)
حيث شهد السوق ارتفاعات قياسية في تلك الشهور من 5 الي 10
حيث كان السوق في تاريخ 4/5/2004 (4800) نقطة تقريبا
وفي تاريخ 4/10/2004 اصبح المؤشر( 6150 ) نقطة تقريبا
يعني السوق صعد في عز فترة الاجازة الصيفية 1350 + نقطة تقريبا

وخالف جميع التوقعات حيث كان الكل متوقع ان السوق راح ينزل بسبب الاجازات الصيفية

فهل تعتقد ان بالعام الماضي كان التجار والكبار مو مسافرين وهلسنة بيسافرون؟

كل الظروف نفسها ولم يتغير اي شي بالعكس هذا العام الظروف افضل من العام الي ماضي بسبب ارتفاع اسعار النفط القياسي وتحقيق الدولة لفائض كبير

 

[المعوشرجي79]

عقب شنو اخوي مضارب الناس خسرت وقاعدة تبخر فلوسها كل هذا على شان توجههم بس لاسهم المخازن وتوابعها عقب ماربحتهم


المجموعه الدولية فوق انشالله

 

[مضارب1]

اخسر جزء من راس المال ولامعظمه000 ثم الانتظار الى شهر8 وشراء بالنزول حتى يترفع واعوض خسارتى (
وجهة نظر