شركة وربة كابيتال ( بوبيان د ق سابقاً )

[احمدحميد]

في اجتماعهم القادم .. ماحددوا التاريخ

تسلم يالغالي...

 

[ان شاء الله ربحان]

الاجتماع انعقد
توصية بتخفيض رأس المال

شكرًا على الخبر
مكتوب بعد أخذ موافقه الجهات المختصة .
كم يستغرق أخذ الموافقه ؟؟

 

[مجد 91]

ياجماعه معقوله تخفيض راس المال 50% هذا رااح يصير السهم ريشه لان عدد أسهمه حيل قليله راح تصير مثل شركة المدن صعود سريع

 

[مجد 91]

شكرًا على الخبر
مكتوب بعد أخذ موافقه الجهات المختصة .
كم يستغرق أخذ الموافقه ؟؟

تاخذ الموافقه من هيئة أسواق المال أسبوعين تقريبا

 

[متفائل على طول]

مظنتي بيخفضون

 

[S.E INVESTOR]

مظنتي بيخفضون

اتوقع التخفيض قرار ما فيه رجعه ، وبالعكس بيكون صحي للشركة ، تخيل الشركة تطفي خسايرها بالكامل ويكون راسمالها ١٥ مليون وممسوك منه ٣٠ ٪‏ معلن وممكن اكثر من ١٠ ٪‏ غير معلن ، وقلبي حاس والله اعلم انه عندهم شي ايجابي ناطرين يخفضون راس المال ويعلنونه ، وبالنسبة للموافقات ما اعتقد تاخذ اكثر من اسبوع

 

[متفائل على طول]

من الاسباب اللي قلت ماظن يخفضون:
١- خسارة خمسين بالمية حصلت في الربع الاخير واغلبها تقييم اصول
شنو هالاصول اللي تنزل لي النص في ثلاث اشهر
واذا كانت الاصول اسهم كويتيه الاسهم اغلبه دبل
٢-لو بالفعل بيخفضون المفروض يخلونه نازل او عالاقل مايكون اول الاسهم ارتفاعا في الفترة السابقة
ورأيي يحتمل الصواب والخطأ والله الموفق

 

[عجبي]

http://content.argaam.com.s3-eu-west-1.amazonaws.com/618a71a6-2bd2-421f-8537-80a71692edcb.pdf
لاحظوا بند رقم 3 من مدقق الحسابات
باعتقادي ما أظن فيه تخفيض لأن هذي الملاحظة في محلها

 

[debtor]

صبحكم الله بالخير

الى أين هذا السهم ؟

 

[خالد111]

شصار على اجتماعهم

 

[متفائل على طول]

ان شالله
ما بعد اليوم الا الصعود

 

[S.E INVESTOR]

ان شالله
ما بعد اليوم الا الصعود

الله يسمع منك ، وان شاء الله تتعدل أحواله بعد تخفيض راس المال ، وبيع عقار السعوديه اللي صار لهم سنين مو قادرين يبيعونه ! شنو السبب الله العالم

 

[متفائل على طول]

السهم ممسوك
واللعب واضح في الطلبات والعروض
المفروض اللي عنده
د ق ينساه
وان شاء الله راح يرتفع ارتفاعه تسر الناظرين

 

[بوناصر56]

اذا بيصعد مو لان ما يبي يخفضون اذا بيصعد بيتفاعل مع السوق

التبريد افضل لكم كأحتياط حتى لو خسران برد عالسهم و في حال خفظ ادخل بالكاش الي حصلته من التبريد و نفس الشي في خال عدم التخفيض


جذي اظمن لكم

 

[مجد 91]

صعود قريب باذن الله لتشكيل راس وكتفين

 

[متفائل على طول]

السهم هذا يافوووق ياتحت
وان شالله فوق

 

[bader-smh]

ال

صعود قريب باذن الله لتشكيل راس وكتفين

سلام اشلون طال عمرك راس وكتفين ممكن توضح لان مو شايف راس وكتفين ايجابي

 

[متفائل على طول]

الابتعاد عن هذا السهم افضل
لمن لا يتحمل الخسارة
السهم احتمال يدوبل فوق واحتمال يدوبل تحت كل شي وارد
الاسهم اللي صار عليها تخفيض سابقا
وصلت 15 فلس و١٢ بل حتى بعضها كسر العشر فلوس مثل صفاة طاقة
لكن حاليا مع موجة الصعوداستبعد يكسر العشرين
ولازلت اظن انه ماراح يخفض راس المال وسيفاجئ الكثير

 

[S.E INVESTOR]

الابتعاد عن هذا السهم افضل
لمن لا يتحمل الخسارة
السهم احتمال يدوبل فوق واحتمال يدوبل تحت كل شي وارد
الاسهم اللي صار عليها تخفيض سابقا
وصلت 15 فلس و١٢ بل حتى بعضها كسر العشر فلوس مثل صفاة طاقة
لكن حاليا مع موجة الصعوداستبعد يكسر العشرين
ولازلت اظن انه ماراح يخفض راس المال وسيفاجئ الكثير

بالنسبة للتخفيض فهم اعلنوا عنه من قبل ونزل السهم على هالاساس الى ١٨ فلس ، واعتقد بينفذون التخفيض ، مالم الا اذا صار عندهم صفقة تخارج كبيره توفر لهم سيولة وارباح والله اعلم ، بس السهم احشروه على هالاسعار ويعتبر من اقل الاسهم الصغيره استفاده من السوق ! لكن انا انضم الى احساسك انه بيصعد ، وان شاء الله يتحقق هالشي

 

[متداول 2002]

هل لهذا السهم علاقة بمجموعة الخرافي وصفقة امريكانا