بكره راح أدش السوق شنو السهم اللي فنيا يشجـــــــــــــــــع؟؟؟

[OO7]

نصيحتكم تهمني ؟؟؟

 

[عارف الحال]

نصيحتكم تهمني ؟؟؟

اخوى لا تجى كلك طق بريك شوى :d

 

[roh-alrehan]

السلام عليكم
تبي نصيحتي اسال رب العالمين عالم الغيب هو وحده عالم
يعني صل صلاة الاستخاره في دخول السوق هالوقت
بعدين اسال شخص له خبره عن سهم ينصحك فيه
وشوف اذا تسهلت امورك وشريت فهذي خيره ولو ما تسهلت ولا قدرت تشتري لاي سبب فهذا امر مافيه خير واللله بيصرفك عنه بيعوضك في امر ثاني
هذي نصيحتي وانت تدري ان الله ما يخيب من استخاره

 

[حكيم الراي]

راي شخصي

اخي العزيز حسب متابعتي لسوق اقول السوق فية خير انشاء الله .
الاسهم طويلة الاستثمار فوق 6 شهور :
بيتك 1400
--------------------------------------------
مستثمر د 248
الاولى للاستثمار 395
اصول 226
د للايجارة 300
--------------------------------------------
عقارات ك 230
لؤلؤة 186
ع عقارية 146
الانماء 206
بورتلاند 1100
ورقية 360
البناء 250
الصخور 1160
-----------------------------------------
اسواق 300
حاسبات 190
تنظيف 980
اتصالات 1700
الاسماك 300
---------------------------------------------------------
والله يوفق الجميع

 

[saja]

اقولك طريقه اسويها و غالبا تنجح

اروح السوق الصبح اول ما ادش اقول لا حول و لا قوة الا بالله العلي العظيم توكلت على الحي الذي لا يموت الحمد لله الذي لم يتخذ صاحبة ولا ولدا و لم يكن له شريك في الملك و لم يكن له ولي من الذل و كبره تكبيرا الله اكبر الله اكبر الله اكبر

بعدين دور براسك على كل اسهم البورصه راح تلقي سهم يلفت نظرك بمعنى انه اسمه تلقاه يلق او يلمع روح اخذه انشالله الله يكتبلك فيه رزق

 

[غازى]

مو بس طق بريك 00اسحب السايد وياه 000ولا تفكر تشتري الحين
واذا شفت السوق ارتفع لعدة ايام تقدر تدخل السوق 000لا تخاف يمديك0000 ولا تجازف ما دام كل يوم نزول

 

[بوحسن]

حبيبي يالي بتدش الحين ؟؟ الي نصحك بالدشه هذا عدو مو حبيب

وهذي فرصه تعرف عدوك من صديقك


اتغشمر

جرب اعيان والدار والاوراق والاهليه والعقارات المتحده وخش فلوس حق مجموعة المخازن

هذي نصيحتي لك

 

[درب العصامى]

حبيبي يالي بتدش الحين ؟؟ الي نصحك بالدشه هذا عدو مو حبيب

وهذي فرصه تعرف عدوك من صديقك


اتغشمر

...هههههههه
فقط تابع الاهلية .. والعقارى ...long Run

 

[خير الكلام]

السلام عليكم

نصيحتي لك ان لاتسمع اي نصيحه من احد .هذا ان كنت تعلم ان الرزق من الله .

سنه 1997 كل الاهل والاصدقاء ينصحوني بالمشاريع ولكن لو فيه خير معافه الطير .

واتذكر اني دخلت بيوم الى السوق واشتريت البحريه وكان سعرها ب285 فلاس عرض و280 فلس طلب .
وخمطت كل المعروض فقط لان الله سبحانه اراد لي الرزق .

واقسم بالله مع اول بدايه السوق وبشكل مفاجئ (يعني ماانتظرت الى الغد بل بنفس اليوم صعد ؟؟؟).
اقول وبشكل مفاجئ كان زلزال حل بالسهم ومن بعد ماكان تداول السهم لايتجاوز ال200000 باليوم اصبح بالملايين .

ومع هذا ماسلمت من النصائح التي تقول بيع بيع بيع بيع ولاتطمع حتى اني فكرت ابيع بسعر 340 فلس .

فقررت اني اهجر السوق وبعد مده بعته تقريبا ب500 فلس .

وكذلك ايفا اشتريتها بمايقارب 80 فلس وبعتها جميعها بسعر 198 فلس .

والتبريد كذلك 320 وبيع 1120 مع ان الكميه المشتراة فليله وايضا 950 فلس تقريبا .

والمعادن كذلك بسعر مضاعف مرتين .

كل هذه الاسهم من غير نصيحه بل بتوفيق من الله .

وغدا انشالله سوف اشتري البحريه وعسى ان تتكرر العمليه

اخيرا عسى ان المعلومه وصلت .

فان كان الله يريد الخير والرزق سوف تجده انشالله .

وموفق

 

[بوحسن]

نصيحتي لك ان لاتسمع اي نصيحه من احد .هذا ان كنت تعلم ان الرزق من الله .

سنه 1997 كل الاهل والاصدقاء ينصحوني بالمشاريع ولكن لو فيه خير معافه الطير .

واتذكر اني دخلت بيوم الى السوق واشتريت البحريه وكان سعرها ب285 فلاس عرض و280 فلس طلب .
وخمطت كل المعروض فقط لان الله سبحانه اراد لي الرزق .

واقسم بالله مع اول بدايه السوق وبشكل مفاجئ (يعني ماانتظرت الى الغد بل بنفس اليوم صعد ؟؟؟).
اقول وبشكل مفاجئ كان زلزال حل بالسهم ومن بعد ماكان تداول السهم لايتجاوز ال200000 باليوم اصبح بالملايين .

ومع هذا ماسلمت من النصائح التي تقول بيع بيع بيع بيع ولاتطمع حتى اني فكرت ابيع بسعر 340 فلس .

فقررت اني اهجر السوق وبعد مده بعته تقريبا ب500 فلس .

وكذلك ايفا اشتريتها بمايقارب 80 فلس وبعتها جميعها بسعر 198 فلس .

والتبريد كذلك 320 وبيع 1120 مع ان الكميه المشتراة فليله وايضا 950 فلس تقريبا .

والمعادن كذلك بسعر مضاعف مرتين .

كل هذه الاسهم من غير نصيحه بل بتوفيق من الله .

وغدا انشالله سوف اشتري البحريه وعسى ان تتكرر العمليه

اخيرا عسى ان المعلومه وصلت .

فان كان الله يريد الخير والرزق سوف تجده انشالله .

وموفق

يعني المفروض على كلامك انه هم ما يسمع نصيحتك

 

[خير الكلام]

السلام عليكم

طبعا المفروض مايسمع نصيحتي .

ولو اتبع نصيحتي راح يحكم على نفسه بالجهل مع احترامي الشديد .

 

[السلام عليكم]

انا نصيحتي انك لاتسمع نصيحة اللي ينصحك بنصيحة
ياجماعة مافيها شي النصيحة شفيكم على الرجال اللي عندة نصيحة يقول له لاتعقدون السالفة والقرار النهائي اكيد له
مع الاسف انا ماعندي معلومة انصحك فيها كان ودي اخدم .
تحياتي للجميع

 

[jreea]

الريال مارد على اي واحد فيكم
شكله شفط وقب ، شكل هون يدش السوق ، اصلا شكل هون يدش مجال التجاره بكبرها

 

[خير الكلام]

السلام عليكم

الريال مارد على اي واحد فيكم
شكله شفط وقب ، شكل هون يدش السوق ، اصلا شكل هون يدش مجال التجاره بكبرها

على كل حال شوف كلام الاخوان عن الاسهم وادرسها جيدا واتبع احساسك .

اكرر واكرر فقط اتبع احساسك .

 

[OO7]

أول مشكورين وحبكم للمساعده دليل على معدنكم الأصيل

آرئكم فوق العين والراس .

تمنيت من الأخ jreea مايعبر هالتعبير لأني ماكتبت ألا ابي نصايحكم

والحمدلله شفت نصايح ثمينه ومهمه .

بس عندي إستفسار محدد شنو تنصحوني فيه الأن من مجموعة الجناعات

لأن شكلي ناوي عليها بعد هذا النزول الغير مبرر ؟؟؟

لكم التقدير

والسلام

 

[دابس]

انصحك اخوي دش بسهم النخيل في السوق الموازي شحلاته ثابت لا يرتفع ولا ينزل وما يوزع ارباح بس يمكن يعطونك جم من نخله محمله مو بالارباح بالبرحي الطيب :d

 

[jreea]

تمنيت من الأخ jreea مايعبر هالتعبير لأني ماكتبت ألا ابي نصايحكم
والحمدلله شفت نصايح ثمينه ومهمه .

افأ يا خوي ولاتزعل يبه حقك علينا
تبي نصيحتي وراح تدعيلي والله ..؟!!
عندك فلوس لاتدش البورصه ،، دورلك على مشروع يدر عليك ارباح شهريه ثابته احسلك ، اذا راس مالك صغير وماتعرف بالتجاره ، اخذلك محل صغير في مكان زين وظبطه وسنعه وضمنه تضمين ويدر عليك شهريا ربح ثابت ،،، 300 أو 500 دينار شهريا فوق المعاش حلوين نعمه ، بلا عوار راس وضغط وحرق اعصاب وشهر تربح وشهر تخسر اللي ربحته وفوقهم شيئ من راس المال ، اما اذا كان عندك خبره قويه بالبورصه هذا طبعا شيئ ثاني .
وسلامتك والله يوفقك .

 

[OO7]

دابس شكلك تاجر تمر والظاهر سهمك التمري مشبعك بأحوال السوق هاذي
عموما تمرا وفصما هنيأ بدون دبس يادابس .

بالعكس يأخ jreea لازعلت ولاشي ولاتحط ببالك نصيحتك تنشرى ومشكور على النصيحه وانا صارلي بالسوق الامريكي فتره بس اولاد العم سام موجهم
مايساعد .

انتظركم
والسلام

 

[OO7]

الظاهر إني ناوي بكره على المخازن ومركز سلطان وبصف دور مع اللي ينتظرون.
المثل المصري يقول ( لاتكون مكسي بين العريانين)
وانا للحين فلوسي عندي وكاسيتني بس بكره راح أتعرى .

 

[OO7]

لاوالله ماتعريت الظاهر كلنا إنكسينا
مبروك لملاك هالاسهم والى الامام
والحمدلله من قبل ومن بعد