اتركوا لنا شيئا جميلا في حياتنا!!

الموضوع في 'السوق الكويتي للأوراق الماليه' بواسطة careful_invest, بتاريخ ‏12 يونيو 2005.

  1. careful_invest

    careful_invest عضو نشط

    التسجيل:
    ‏27 يوليو 2004
    المشاركات:
    866
    عدد الإعجابات:
    312

    بورصتنا صارت مسخرة امام العالم..ليش صرنا شاطرين بتخريب كل شي حلو وجميل..يا زين اقتصادنا ويا حلو الفرص التعاقدية التي نحصل عليها..فرص مليارية جميلة ما تعوض..لكن ماكو فايدة فينا رجلة..الطمع والجشع يسوقنا عميان..ما نشوف الخير اللي جدامنا..لكن نطالع بس تحت ريولنا علشان ندوس ونفرك خلق الله بالقاع قبل ما نوصل الى الهدف..لا يردعنا وازع ديني او قيم انسانية او مبادء أخلاقية..

    يا محافط خافوا الله..انتو ربحانين..ربحانين بحجم هذه العقود..ليش التخريب والتدليس..

    تخريب البورصة والاقتصاد..نزول حد أدنى بدون مبرر..ايقاف تداول..اشاعات وغموض في العقود..تخبط من كل صوب..محافظ..ادارة بورصة..شركات تنعدم فيها الشفافية..

    ملينا زهقنا طفشنا...

    والحين ما بقى غير الاقتصاد الكويتي نرفع به معنوياتنا..ويعطي أمل للشباب الكويتي..
    كفاية تلاعب بالأسعار وافتعال جني أرباح واصطناع تصحيح..وكل المؤشرات الاقتصادية تناقض ذلك..
    بعد اعلان هذا العقد..نقول لكم يا محافظ وهوامير الكويت تركوا لنا شي جميل نستمتع به في حياتنا..تركوا لنا البورصة تاخذ زخمها واندفاعها وفقا للعقود الضخمة..والاقتصاد الكويتي المتين..دعونا نسعد الآخرين..ونفرح صغار المستثمرين..ونعزز دوران المال بيننا كلنا..
    وفي النهاية نعلم بان هذه الاموال ستعود لكم في شراء عقار منكم..وربما سيارة من أحد شركاتكم..أو وجبة طعام من مطاعمكم الفخمة..وبعدها سفرة سياحية مدفوعة لصالح مكاتبكم السياحية..
    لكن في النهاية الكل مستفيد والكل سعيد وأولهم الكويت..

    فهل من مجيب!!
     
  2. moe

    moe عضو جديد

    التسجيل:
    ‏6 يونيو 2005
    المشاركات:
    77
    عدد الإعجابات:
    0
    صح لسانك


    والله ياخوي careful_invest انت بهذه المشاركة عبرت عن واقع حالنا المرير والله المعين
     
  3. ميثاق

    ميثاق موقوف

    التسجيل:
    ‏1 فبراير 2003
    المشاركات:
    595
    عدد الإعجابات:
    1
    للاسف والله وضع البلد من سيء لاسوء ولاحد مهتم لاحكومة ولامجلس امة..
     
  4. MUTDAWEL

    MUTDAWEL عضو جديد

    التسجيل:
    ‏3 ديسمبر 2004
    المشاركات:
    154
    عدد الإعجابات:
    0
    صبرا جميل والله المستعان
     
  5. درب العصامى

    درب العصامى عضو نشط

    التسجيل:
    ‏14 يوليو 2004
    المشاركات:
    927
    عدد الإعجابات:
    247
    نطالب بسوق حر فقط ... - سوق حر دون تدخلات لتصعيد او تنزيل السهم ؟؟
    حالة السهم هو الذى يجب ان يحكم السوق
    ولا نريد تعاطف المحافظ او الحكومة ..

    اوقفوا تلاعب المحافظ ...
     
  6. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    والله الي شفته مكتوب جنه نعي ... :)

    يبي شي جميل ..والله جني اسمع المحافظ تقولك

    بس لك يومين وبنزل السهم غصب طيب ..تونس فيهم
     
  7. careful_invest

    careful_invest عضو نشط

    التسجيل:
    ‏27 يوليو 2004
    المشاركات:
    866
    عدد الإعجابات:
    312
    الشيئ الجميل الذي نسعى له سوف يتحطم على صخور الضغط الوهمي والتنزيل المفتعل من قبل المحافظ. اعتقد الاسبوع القادم يا اخوان سوف يكون قاسي على المستثمرين حيث يستمر مسلسل الضغط على مجموعة الاسهم الماسية باستثناء المخازن. وقرار ايقاف اسهم المجموعة عفس واربك المحافظ وحرمهم من التجميع بالحد الأدنى.
    لكن بالمقابل يوجد محاولات مستميتة من قبل ملاك مجموعة المخازن بتكسير عظام المحافظ وحرمانهم من فرص مضاربية على اسهمهم..والحقيقة السبب بالنسبة لي معلوم من مصدر ثقة ان شاء الله..ولكن لن اعلنه الآن حتى تتضح الصورة أكثر..
    لكن تأكدوا بان اللعبة لم ولن تنتهي خلال الأيام القادمة..

    والله يكون بعونا
     
  8. albederi

    albederi عضو نشط

    التسجيل:
    ‏11 نوفمبر 2004
    المشاركات:
    660
    عدد الإعجابات:
    15
    مكان الإقامة:
    فوق الارض مؤقتا
    عيني عليك باردة !! كلام مية مية صحيح!!!!
     
  9. البواردي

    البواردي عضو جديد

    التسجيل:
    ‏28 فبراير 2005
    المشاركات:
    1,686
    عدد الإعجابات:
    0
    مكان الإقامة:
    المخ التجاري
    الكويت ما زالت جميله تفاؤلوا

    السلام عليكم
    يا جماعه ما يصير تقولون ان الدوله مو عاجبتكم بالمنتديات لان غيركم قاعد يتشمت فيكم وبديرتنا عسى الله يحفظها يا رب
    شفيكم اصحوووووووووووووووووووو

    هذي الكويت تاج راس الكل واللي مو عاجبه وضع البلد يطلع احنا ما نبي واحنا اقولها عن الكويتيين كلهم
    ما يصير ما تعجبكم الديره اللي ربتكم
    ما يصير ما تعجبكم الديره اللي متكفله فيكم من المهد الى اللحد
    ما يصير ما تعجبكم الديره اللي قاعده تمشيلكم رواتب ولا احد برا يحلم بهالراتب ( الحمد لله على هالنعمه )
    ما يصير ما تعجبكم الديره اللي كلنا نقول كلامنا من غيراي حاجز ولا اي خوف ( مثل ثلاث ارباع دول العالم )
    ما يصير ما تعجبكم الديره اللي تحميكم من كل شي
    ما يصير ما تعجبكم الديره اللي يحكمها جابر الاحمد الجابر الصباح عسى الله يرده لنا بالسلامه

    امور الخساره في البورصه احنا اللي نجيبها لانفسنا لان القرار قرارنا والفلوس فلوسنا يعني اللي عندو كحل يتكحل



    الكويت ما زالت جميله تفااااااااااااؤلوا ​
     
  10. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    :)

    اخوي البوادري بس لو تسمحلي ويسمحولي اخواني بالمنتدى حبيت اقولك انا مادري منو اللي مو عاجبه الديره بس انا اقول يمكن الشباب لمن يتذمرون فهالتذمر مليون بالميه ماله علاقة بالديره انما تذمرهم من هوامير البورصه اللي ما تنترس عيونهم لو بتراب الديره
    بالتالي ما يختلف عليه اثنين على اننا عايشين بنعمة اللي يحسدنا عليها القريب والبعيد وصدقني لو بتمسك كل واحد بينه وبين نفسه صدقني بيكون رده فلوسي وروحي فدا هالارض صدقني يا خوي احنا بنعمة المفروض نحمد ربنا طول ما احنا قاعدين انتنفس
    وهل الارض لو نعطيها بكل مانملك من الصبح لحد الليل ما بنوفيها لو جزء بسيط جدا من اللي عطتنا ومازالت تعطينا


    الله يحفظها لنا ويحفظ كل من يعيش على ارضها

    اللهم لك الحمد على هالنعمة
     
  11. متقاعد

    متقاعد عضو جديد

    التسجيل:
    ‏4 نوفمبر 2004
    المشاركات:
    35
    عدد الإعجابات:
    0
    اللة يديم عزها ويرجع اميرنا وابونا سالم قولوا أمين وماراح ننسا فضلها لو خسرنا كل فلوسنا تستاهل الديرة
     
  12. Bo Tasneem

    Bo Tasneem عضو جديد

    التسجيل:
    ‏14 مايو 2005
    المشاركات:
    2,780
    عدد الإعجابات:
    0
    مكان الإقامة:
    فـ(زوجتي)ـي أحضـ(تسنيم)ـــان أسـ(مريم)ـرتــي

    يالبواردي .. صدقني تراني أكن لك كل احترام وأشوف كلامك في كثير من المواضيع .. ولكن أختلف معاك اهني .. والجماعة مثل ما قريت فوق ما يقصدون اللي تقصده ومحّد فيهم نكر فضل الكويت وهالديرة اللي عشنا فيها وتربينا وترعرعنا والحمدلله .. ولكن التشاؤم في بعض الأمور مطلوب حتى الغيرة اللي في الواحد منا تطلع على حرقتنا لهذي الديرة الحبيبة .

    وأزيدكم من الشعر بيت .. غير الواسطات والتشاؤم اللي انكتب فوق !! لاحظت هالديرة صاروا أهل الديرة أهم الغرب والأجانب والوافدين أهم أهل الديرة .. أكلوا حلال هالديرة أكال واحنا قاعدين نتفرّج وموهامنا غير آخر الشهر وين معاشي يبه نزل ولاّ لأ ؟؟!! واحسرتاه :(

    لاحظوا السوريين (موقاعد أغلط عليهم) وين اوصلوا من تجارة .. شوفوا محلات بو100 فلس .. والله انهم لاعبينها صح انت تقول يالله كلها 100 فلس لكن والله تطلع من المحل مو أقل من دينارين !! ومحلات الملابس النسائية اللي على نص دينار ودينار !! .. بينما احنا ماعلينا إلا نعطي حريمنا واعيالنا هالفلوس ويروحون يخرون السوق خر وموهامنا غير كشختنا .. ولو تشوف هاللي يبيع لو اهو بنفسه يستعمل هالملابس ولا يستخدم هالشغلات الرخيصة !! أحلق شواربي جدامكم

    وثاني شي .. جدام عيني وما يبط جبدي إلا هالحركتين وانت بالسيارة !! الأولى: هالأيام شوفوا الوصاخه بالشوارع .. وجدام عيني مثل ما قلت لكم واحد يقط باكيت الزجاير بالشارع ولا يفكّر منو اللي بيشيله من وراه !! ولا أم وإهي أم والمفروض تصير قدوه جدام اعيالها اللي معاها بالسيارة تقط جيس (هارديز) متروس وصخ وقراطيس على الرصيف وتمشي !!

    والثانية: توقف حالك حال الناس المحترمة بالاشارة عادي .. إييلك هالثور (وسامحوني) من جنبك ويخطرك ومايعطيك لا إشارة ولا عماة عين !! ولا يتأسف حتى وموبس أهو .. يتسطّرون وراه (هالهمج) وجنه الشارع باسم أبوهم وموهامهم أحد خير شر .

    هذي بعض الأمور اللي فعلا تبط الجبد يالبواردي أرجو إنك تضيف عليها لأنها شيء من ولا شي بالنسبة للخراب اللي بهالديرة اللي أسأل الله إن يحفظها ويحفظكم ويحفظ كافة الشعب ويرجع أميرها وولي عهدها بالسلامة يارب العالمين
     
  13. careful_invest

    careful_invest عضو نشط

    التسجيل:
    ‏27 يوليو 2004
    المشاركات:
    866
    عدد الإعجابات:
    312

    صج خلطت الأوراق أخوي ودخلت الحابل بالنابل..وشنو علاقة حبي بالديرة بتشخيص الأوضاع السيئة في البلد..اذا تحب شخص وتحرص عليه توضح له أخطاءه وتقومه وتوجهه..الرسول عليه الصلاة والسلام من محبته فينا ترك لنا العديد من النصائح والارشادات والتوجيهات وحتى الجزاءات اذا ما اخلينا بأحد المبادئ والقيم..الوالد يحرص على تربية ابنه وقد يقسي عليه احيانا من زود محبته فيه..
    أخوي..لا تزايد على أحد في محبتنا لديرتنا..لكن ولله الحمد العين بصيرة والقلب ينبض بعشق هذه الأرض..ومن كثر خوفنا عليها نتكلم بصوت عالي ايمانا بالديمقراطية وحرية الرأي..لذلك ننبه على أوجه القصور..ونكشف النواقص..ونفضح المدعين والمساومين والمزايدين والانتهازيين والمنافقين على حب هذه البلد..ومن الذين قرصتهم (لسبب ما) بعض من الكلام الذي ذكرته..
    ومن يحبها لا يقدم على الأفعال التي ذكرتها أعلاه..

    تحياتي..
     
  14. المراقب4

    المراقب4 إلغاء نهائي