الرعاية السكنية لمن يعيد قرض بنك التسليف

[فرحان جداً]

يعين الله

 

[ساري22]

الاخ ابو عبدالعزيز

هذا الصح... الناس هم السبب! صارت السالفه تجاره واللي يطلعله بيت خل ياخذه و يقعد فيه أو يبيعه و يشتريله بيت ثاني... ليش يسويلنا زحمه وهو خذا رزقته وخلص!!!*

كلامك منطقي وهذا كلام اكثر اخوانا مثلك لكن اللي انت موفاهمه ان العقار ارتفع فجأه دون سابق انذار وهذا اللي خلانا مانشتري على سبيل المثال انا بعت بيتي وخلال التحويل من اسمي لاسم الشاري ارتفع الثلث حتى انا انصدمت ماخلص اجراءات البيع الا سعر بيتي تدوبل وهذا اللي خلانا مانشتري ولا نقدر نشتري وصرنا تحت رحمت الايجار اللي هم ارتفع الدبل واعتقد انت عارف هالشي اعتقد اخوي ابوعبدالعزيز اوضحت لك الصوره ، واذا على كلام الاسكان ترى في حلول ثانيه ولا ناخذ دور احد ولا انضايق احد ولا نجي صوب الاسكان وهو ان الحكومه تساعدنا بقرض ميسر بدون فائده مع مع افلوسنا ببنك التسليف نقدر نشتري ابيوت حق اعيالنا والحكومه ماخسرت شي بالحاله هاذي ، عطتنا قرض وبيرجع لها بالتقسيط

وللعلم بان شركات تعثرت حطولها محفظه ملياريه وقوفها على ارجولها من جديد 0 واسف على الاطاله

 

[$بومحمد$]

الشريحة يعدون بالآلاف ولا يمكن أن نزيد من تضخم الطلبات

سبحان الله منطق عجيب يعني يضحون بالالاف عشان مايصير تضخم
-----------------------------------------------------------------------------------

 

[wiiner]

حسبنا الله ونعم الوكيل (( وزنها عظيم عند خالق العباد))

عسي من سعي في خراب هالبلد يبتلا بصحته ....... معاد فيه فايده خلاص (((غسيل ))) على الناشف .

 

[بو عبد الر حمن]

الحل

السلام عليكم شلونكم يا جماعه ادري بحالكم ويعلم الله اني احس مثل ماتحسون بس شنقول غير قدر الله ماشاء فعل وخيره عسي تكرهو شيئا وهو خيرا لكم وعسي تحبون شئا وهو كره لكم المهم اخواني الوضع في البلد مومطمن اضرابات والكل يبي فلوس ومشاكل بوق رشاوي يعني كلش محد بصوبنا ولحد يدري علي مندوب مندوبنا كل الي كلمتهم سواء مسؤلين او اعضااء محد يمك بلعربي الفصيح كل واحد يدبر نفسه الله يعينا الي عنده جم بيزه الي بشمال يشتري بلحفر ولي بلجنوب الخفجي انا فكرت والله ببيوت الوفره وسئلت تدرون شنو قالولي مايصير او بس 40 الف من التسليف الله اكبر الشروط بلبنك يقول فوق 250 متر وبيوت الوفره 400 متر ومايصير ولؤلؤة خيران مالت التجار شوفو الاعلانات للبيع ارض مطابقة للتسليف ههههههه الله المستعان والله حتي شقة مايخلونا نشتري بلفلوس الي باجي لنا لازم 250 متر وسعرهم جم وصلت 90 الف وفوق تصدقون شنسوي ديرتنا تبي تبهدلنا التجار العب لعب واحمد طنطاوي لاعبها صح بوشباب هو ولي مثله من مكاتب العقار .. ماعليه قمت اهذر اطلع حرتي وحرتكم ولاتقاطعونا من سوالفكم صج ايام حلوة راحت من اتابع كتاباتكم لكم وحشه والله علي الاقل هذي دوانيتنا خلونا نشوف بعض بومبارك يشايب لاتحلطم ههههه الفارس حبيب .. محمد الرشيدي شدعوه وين الغيبه والباجي علي راسي كلكم خلونا نتابعكم والله صج مالنا نصيب في البيوت بس يكفي لنا نصيب انا نتعرف علي الوجيه الطيبه وفي امان الله اخوكم المناضل المجاهد الرفيق المكسور به. بوعبدالرحمن

 

[@ الفارس @]

السلام عليكم جميعا هلا بو عبدالرحمن هونها وتهون وصدقني ان شاء الله الامور راح تنحل بس تبيلها وقفة رجال وبعدين أنا اللي أعرفه بالنسبه للتسليف تأخذ فلوسك اللي رجعتها للتسليف كلها

 

[@ الفارس @]

وبعدين الحق تري لكم علي الاسكان لانه مافيه قانون يقول ما ترجع لطلبك وغير ذلك عند الشراء ما وضحولنا الثغرات هذي كلها يعني تقدر ترفع قضية علي الاسكان وتبهذلهم

 

[FNMQ]

نقلا عن حسين مزيد

سيتم التصويت على قانون الفهد اللي رفض بثالث او رابع جلسة للامة
مع تعديل " اضافة بدل الايجار - واعادة الطلب الى سنة التقديم الاولى "
ليس سنة الموافقة اللي كانت 2011

هذا ما وصل لي

واسال الله التيسير والتوفيق لي ولكم

 

[BO-MUBARAK]

الله يسمع منك اخوي fnmq بس السؤال متى يصوتون عليه ؟؟

 

[FNMQ]

الله يسمع منك اخوي fnmq بس السؤال متى يصوتون عليه ؟؟

الله العالم ثالث او رابع جلسة حسب ما وصل لي

 

[marine90]

كفو والله هذا خوش خبر ..... عسي الله يبارك حق الجميع يارب.

 

[@ الفارس @]

السلام عليكم باذن الله راح تتعدل الأمور كلها وتنحل ان شاء الله وأنا متفائل ولله الحمد خوش خبر وعسي الله يبارك للجميع ويوفقهمم لما يحب ويرضي

 

[كنز المعرفه]

يالربع اتركو عنكم الكسل و لا تردون على المتطفلين اللي يبون استفزازكم

خلوكم عمليين ترا قرار الفهد لم يأتي من فراغ واسئلوا اخوكم الفهلوي " بو مشعل "

ولما شاف تحرك ومطالبات
بدأ بصياغة القرار .

الحكومة بوزيرها ( الخايب ) رجعتنا للمربع رقم واحد

هل من تحرك جديد ؟​

 

[$بومحمد$]

نعم اخوي كنز المعرفه انا معاك الموضوع يبيله تحرك واجتماع بالهيئه
لان الوزير الجديد ماشاف اي تحرك منا وعشان جذي ياخواني خلونا نحدد موعد اجتماع بالهيئه لعرض موضوعنا علي الوزير .

 

[BO-MUBARAK]

شرايكم يوم الاحد نتجمع عند الهيئه بجنوب السره خير البر عاجلة انا يوم الاحد الساعة 9 الصبح راح اكون متواجد اهناك

على كل محتاج يرد للاسكان يتواجد الاحد التجمع لا احد ينسى الحاضر يبلغ الغايب التواجد رجاءا
خلونا نخلص مشكلتنا

والجو يساعد للنظر بمشكلتنا وتنحل خصوصا الضغوط على الحكومه من كل صوب ومشكلتنا سهله قرار وينتهي كل شي


اذا ماشفت رد على التجمع يوم الاحد القادم انتهى الامر يجب ان يكون العدد مؤثر

 

[بوهاشم2311]

السلام عليكم الشباب خاموش ماكو حس شسالفه خلو ايمانكم بالله قوي

 

[@ الفارس @]

السلام عليكم جميعا ياليت يا جماعة يكون لنا حضور وكل ماكان العدد كبير هذا يوضح انه فيه مشكله عامة علي الجميع وتكون مؤثره أما اذا كان العدد قليل راح يقولون مافيه أحد وتصير بنظرهم مشكله عابره سهلة فنرجو من الكل الحضور والحاضر يبلغ الغايب وارسال مسجات للجميع والله الموفق

 

[fawaz4006]

انشالله يوم الاحد لكن العدد مطلوب لو يجيبون ربعكم وياكم

كثروا العدد*

 

[BO-MUBARAK]

خلاص باذن الله الاحد التجمع عند الاسكان بجنوب السره

الحضور مطلوب واللي يعرف صحفي بالجرايد يبلغه يحضر

 

[$بومحمد$]

السلام عليكم ياخوان انا عندي اقتراح يكون الاجتماع في مجلس الامه عند اللجنه الاسكانيه الموضوع عندها والظاهر الوزير مابيده شي وعلي الاخوان ترتيب هذا الاجتماع والاتصال علي الشباب الي يعنيهم الموضوع .


66633305 بومحمد