عاجل عاجل ..... مخازن ..... 800 مليون دولار

[fullmoon]

المخازن تفوز بعقد تبلغ قيمته 800 مليون دولار و الرابطة تفوز بعقد 280 مليون دولار

 

[سهم كويتي]

مصدرك يا خوي ملينا من الاشاعات ؟

 

[ابن الوهاج]

اشاعات اشاعات اشاعات بيقلو فيه عصابات بتخطف في الستات
على قولة شاديه
14 مليار مانفع مع سوقك قمنا اللحين نطبل حق 800مليون

 

[بوحسن]

عاد هالمره ان صدقت الاشاعه !

راح تشوف المخازن فوق كل المحافظ غصب طيب ..هذي الي راح تقصم ظهر البعير انشالله ( البعير = المحافظ )

وشوفو كلامي ان ما صار كل شي فوق هالمره ما راح اكتب موليه ولكن خل تصدق هالاشاعه وخصوصا العقود الملياريه ماهي غريبه عن المخازن نهائيا

بس دخول الرابطه تخليني اشك بموضوع الاشاعه مره ثانيه

 

[بوخمسين]

والله لو مليون عقد بو عشرات المليارات

ماكو فايدة السهم تلقاة تحت ... دام المحافظ موجودين

صايرين مثل اليرايير يحومون حول سهم المخازن

والهجوم علية متي ماصعد ... ولكم التعليق

 

[النوط الأخضر]

الحسد الله يكفينا شره

يا جماعة الخير السوق الكويتي ابخير والعقود هم ممتازة , لكن المشكلة اهيا الحسد من التجار اشلون الفقير اصير مثلهم , وترى ياجماعة الخير هذا الي طيح السوق ايام المناخ ان التجار اشتكوا حق الحكومة ان وايد ناس صارو تجار من المناخ فراحت الحكومة وطيحت البورصة وخسرو الناس الي اربحوا , يعني ابذمتكم ياجماعة ان شركة توقع عقود بالمليرات وما ترتفع هذا كلش مو تنزيل متعمد من التجار والحكومة ولا شرايكم في كلامي وشكرا

 

[المستثمر الراكد]

المخازن تفوز بعقد تبلغ قيمته 800 مليون دولار و الرابطة تفوز بعقد 280 مليون دولار

يعطيك العافيه fullmoon و إنشاء الله يطلع الخبر صحيح و إذا كان إشاعه هم مشكور

ملاحظه : شفيكم يا جماعه صايرين حساسين على أى واحد يحط خبر و مباشرة تتهمونه بترويج إشاعات . يعنى خلاص الواحد إذا سمع خبر ما يتكلم عنه . و لا واحد قال للأخ مشكور

 

[السلام عليكم]

المخازن تفوز بعقد تبلغ قيمته 800 مليون دولار و الرابطة تفوز بعقد 280 مليون دولار

السلام عليكم اول شي يشكر اخونا fullmoon على المعلومة والخبرهذا بصراحه وصلني بخصوص المخازن 800 مليون وماألوم اللي يشكك بصحتها ولكن جاكم العلم . اما بخصوص الرابطة لاأعلم عنها شيء وانشاءالله يكون الخبر صحيح للمخازن والرابطة .

 

[سوق المناخ]

ارجع اقول

اذا السهم انطلب بالاعلى بنقول مبروك
غير جذي ماتفيد العقود

 

[s man]

مطلوب جرعة كاش جديدة للسوق الكويتى لتحركه لأعلى

حتى لو كل يوم نسمع عن عقد وراء عقد بالمليارات ماينفع أى سوق بالعالم طالما ان الكاش محدود فيه , لازم تدش السوق مليارات على شكل مستثمرين ومحافظ علشان يحركونه لى فوق , مايكفى ان نسمع عن عقود ضخمة ولانسمع عن "سيولة" أكبر تدش السوق

 

[mishlay]

المشكله في الصناديق والمحافظ .

أخواني الأعضاء المشكله مو في الشركات ولكن المشكله في الصناديق والمحافظ إلي مومستوعبه جم قيمة العقود إلي تم توقيعها مع الشركات الكويتيه ! مومستوعبه أرقام المليارات حدهم الله العالم الملايين .
يعني حدهم ثلاثة أصفار/ أرقام قبل الرقم أكثر من جذيه مايستوعبونها . يعني شفنا شركة الأتصالات أشترت شركة ( سل تل ) بقروض وديون 2.5 مليار دولار وسهمها طار فوق شلون ماتدري مع أنها ديون !!! وشركة المخازن تفوز بعقد قيمته تبدأ من 5 مليار وتصل ألى 14 مليار ومع هذا ينزل سعر السهم وقيمته أقل من قيمة شركة الأتصالات المتنقله . ما أتوقع أن العقد بو 800 مليون يسوي شئ حق السوق في الفترة القادمه مثل ماسوى عقد الـ 5 مليار ! ( 5،000،000،000 دولار ) .
مانقول في آخر كلامنا إلا. لاحول ولاقوة إلا بالله . ولله في خلقه شؤون .