شركة تمكين القابضه ش.م.ك مقفله (( صفاة عالمي سابقاً))

[zar]

كل شى صح

الا ان ينزل لل 35.5 .

اسعد الله صباحكم

 

[الاريش]

السلام عليكم

احد يعرف اذا اجتمع يا اخوان

 

[بو راشد القرش]

السهم يقولك حط رجلك يا ولد لازم يكون عند وقف خساره حاليا

رايح 32 فلس

وان شاء الله اكون غلطان ويرتد للاعلى

اعتقد السهم ماقصر بالصعود

صاعد من 25 فلس الى 47 فلس

والقناعه بالربح شى جميل

 

[الاريش]

كملت

شنو السوق الموازي بعد

 

[سفير الود]

كملت

شنو السوق الموازي بعد

السوق الموازي اللي تحت مع أجوان و ايفكت والخصوصيه

 

[alshammery]

11 شركة تم تحويلهم الى السوق الموازى من يوم الغد ((صفاة عالمى -النخيل-استهلاكية-البحرينية للصيرفة-المعادن-الكيبل التلفزيونى-الفنادق الكويتية-حياة للاتصالات-البحرينية الكويتية للتامين-الكويتية لصناعة الجبس-الامتيازات الخليجية القابضة)) السبب انهم لم يرفعوا راس مالهم من 3الى اكثر من 10 مليون

 

[احمدوووووووووو]

ماتوقع انه يفرق سواء كانو بالسوق العادي او الموازي،كلهم نفس الشي ونفس التداول
بس انشالله يلعنون عن الربع الاول ومايوقف السهم باجر

 

[essamsala]

يعنى نزول السهم حد ادنى علشان السوق الموازى ولا علشان عدم اعلان الربع الاول ؟

 

[الاريش]

يعنى نزول السهم حد ادنى علشان السوق الموازى ولا علشان عدم اعلان الربع الاول ؟

أتوقع علشان إعلان الربع الأول لأنه مايفرق سوق موازي ولا رسمي مثل ما قالو الإخوان

 

[سفير الود]

أتوقع عشان اعلان الربع الاول لاحظ كل الأسهم اللي ماعلنت اليوم نازله يمكن يكون ضغط

 

[الاريش]

يعنى نزول السهم حد ادنى علشان السوق الموازى ولا علشان عدم اعلان الربع الاول ؟

أهم شي لا تتحول ل سوق المقاصيص

 

[احمدوووووووووو]

يعنى نزول السهم حد ادنى علشان السوق الموازى ولا علشان عدم اعلان الربع الاول ؟

اكيد لانه الشركه راح توقف بتنزل ،بس مو بهالطريقه الوصخه الي يحدونك او انك تبيع بخساره كبيره او تخاف توقف الشركه
بس دقيت على الشركة اليوم وقالو انهم سلمو الهئية النتايج والباجي بيد الهئيه على حسب كلامهم وانشالله يكون صحيح

 

[جبل سنام]

السهم صار طرشي .

 

[Jareer]

اكيد لانه الشركه راح توقف بتنزل ،بس مو بهالطريقه الوصخه الي يحدونك او انك تبيع بخساره كبيره او تخاف توقف الشركه
بس دقيت على الشركة اليوم وقالو انهم سلمو الهئية النتايج والباجي بيد الهئيه على حسب كلامهم وانشالله يكون صحيح

يقولون انهم مسلمين البيانات ، والناس ما عندهم خبر فنزل بالحد الأدنى خوفا من الإيقاف.

أقترح أن يتم الإعلان رسميا لأى شركة تسلم بياناتها للهيئة أو المركزى بنفس تاريخ التسليم حتى يطمئن المساهمين ولا ينتظرون لآخر يوم يوم من الفترة المحددة لتسليم البيانات مثلما حصل اليوم للصفاة عالمى ويلعبون عليهم المضاربين الكبار

 

[احمدوووووووووو]

قبل شوي كلمت البورصه يقولون ماوصلنا شي من الشركة
ولم كلمتةالشركه يقولون دزينا البينات من قبل شهر
ماندري منو الصح ومن الجذاب فيهم
ماقول الى حسبي الله ونعم الوكيل

 

[الاريش]

قبل شوي كلمت البورصه يقولون ماوصلنا شي من الشركة
ولم كلمتةالشركه يقولون دزينا البينات من قبل شهر
ماندري منو الصح ومن الجذاب فيهم
ماقول الى حسبي الله ونعم الوكيل

صارلي ساعتين أدق عليهم ما يردون
مو هذا الرقم اخوي احمد 22255467

 

[احمدوووووووووو]

صارلي ساعتين أدق عليهم ما يردون
مو هذا الرقم اخوي احمد 22255467

هذا رقم مسئول الاتصال دق عليها 97808887
انا بعد قاعد ادق عليهم كل شوي
مشكله هالشركات اذا اوقفت خوفتك تعلقك فتره طويله وتنوم فلوسك

 

[سفير الود]

توني كلمت المدير المالي مال الشركه اسمه احمد ويقول للحين مادزينه البيانات يقول شغالين فيها يمكن الخميس أو الأحد نرسلهم للبورصه

 

[الاريش]

توني كلمت المدير المالي مال الشركه اسمه احمد ويقول للحين مادزينه البيانات يقول شغالين فيها يمكن الخميس أو الأحد نرسلهم للبورصه

يعني اخوي اذا دزوها للبورصة الخميس او الأحد يرجع فورا للتداول ما يحتاج تدقيق الهيئة

 

[سفير الود]

يعني اخوي اذا دزوها للبورصة الخميس او الأحد يرجع فورا للتداول ما يحتاج تدقيق الهيئة

والله مادري يالغالي