يا أهل الرخص التجاريه فيدوني جزاكم الله خير

[أبو الذود]

السلام عليكم ورحمة الله وبركاته

انا بطلت مؤسسه وطلعت بس الرخصه التجاريه

وابي اعرف بالتدريج المعاملات الباقيه لاستخراج اعتماد توقيع واخذ عليه دعم عماله

ومشكورين وارجوا اني القى منكم الفايده

 

[Balloons Shop]

بالمبارك ، والله يعينك ، بيجيك يوم بتقول لو قاعد على الذود أبرك لي
في إجراءات كثيرة مثل ما قلت اعتماد توقيع واشتراكك في غرفة التجارة
ورقم المؤسسة المدني وآخر في شهادة التأمينات
يعني امور كثيرة وعديدة ومصاري رسوم
في موقع للحكومة مول أدخل عليه ويعطيك بالتفاصيل

بالتوفيق ، يعطيك من خيرها ويكفيك شرها.

 

[wolfole]

1- الميكنة.
2- الشئون اللي المحل تابع لها .
3- غرفة التجارة في برج التحرير ( اعتماد التوقيع ) بس للحين ماكمل الاعتماد.
4- ترجع الشئون مرة ثانية..ياخذون منك اعتماد التوقيع ويحطون له رقم ، ويطبعون عليه من الخلف وهكذا يكون اكتمل اعتماد التوقيع.
5- إدارة تقدير الاحتياج في الشئون نفسها ويعطونك موعد للكشف .
6- تجي على الموعد الساعة 8 الصبح ولا تتأخر ترى يفوت عليك الموعد .. وتعطي حق المفتش العنوان واتروح تنطره في المحل .
7- ترجع لهم بعد يومين عمل تقريباً ..

والله يوفقك إن شاء الله

ودمتم ،،،

 

[أبو الذود]

الله يبارك فيكم وجزاكم الله خير

الموقع اخ بالونز ماعطاني شي

وانشاءالله بمشي بمثل ما تفضل اخوي وولف والله يسهلها لنا

ومشكورين على مشاركاتكم

واتمنى اذا احد مشا فيها يدلني ومشكورين*

 

[أبو الذود]

فيه كتاب لمن يهمه الامر الي يعطونياه التجاره لمنو ؟ والمدنيه متى اروحلهم عشان يضيفون المحل واخذ جهه مدني ؟ والتأمينات عشان اضيف المحل

 

[العنزي1]

اتوقع الكتاب الي خذيته من التجاره هو السجل التجاري ..مايحتاج توديه لاحد احتفظ فيه جداً مع الرخصه



بعد ماتصدر الرخصه

تاخذ الرخصه + صوره عنها
بطاقة المدنيه لصاحب الرخصه
عقد ايجار ووصل إيجار أصلي وصوره عنه

تروح للبطاقه المدنيه
اسبوع وتتسجل
عقبها تروح للتأمينات .. تطبع كتاب عند الطباعين في اي مكان تقولهم ابي كتاب تأمينات شهاده لمن يهمه الأمر بإن المؤسسه ليست مسجله لديكم .. < اقصد بالتأمينات

بعدها تروح البطاقه المدنيه تطلع جهه مدني وتروح فيه للشؤون .. ونصيحتي لك طلع اكثر من جهه لانك راح تحتاجه

تحياتي

 

[أبو الذود]

تسلم يا ولد العم وماقصرت هذا الكلام الصحيح

وماقصروا الشباب الي شاركوا