خبر حلو ولو ان متاخر اشوي لملاك اعيان

[النوط الأخضر]

جائني من احد الاخوة الافاضل هذاالخبر الذي اسعد قلوب ملاك اعيان والخبر هو ان المخازن واعيان توصلا الى حل نهائي للمشكلة القائمة بينهما بخصوص عقد المليار ونصف والحل هو تناصف الشركتين في هذا العقد واقول اخيرا مبروك يا ملاك اعيان ان الله مع الصابرين

 

[Bo Tasneem]

احم احم ..

جنها سالفة (إشاعه) اطلعت بديوانية أمس بين الـ 7 و الـ 9 بالليل .. وصدّقوها الجماعه اليوم !!

لا يا أخي غلط جذيه .. العقد مكتوب وموقع ومختوم من الأمريكان لا يمكن تغييره بأنهم يدخلون أعيان أو شركة ثانية بالعقد !! السالفة مو لعب ولاّ كتاب مألفينه من السهل تغييره لا يبه !! يا إنهم يفصخون العقد ومن حق الأمريكان إنهم يطالبون بتعويض ليمن يصير هالشي (وماراح يصير أصلاً) .. أو إنهم يستعينون بشركة بالباطن بحيث تمشي معاهم في عقود داخلية بين المخازن والشركة المستعان بها !! وهذا أيضا يمكن يصير بس اشوي صعبة

عموماً ماقصرت أخوي وتسلم

 

[بوحسن]

صاج اللعبه ممكن عقد بالباطن من المناقصه الاخيره .....او اتفاق على الي ياي ... بس بصراحه الي صار اليوم شي ماله شغل بالحكم الاخير موليه .. له شغل باعيان والمخازن بس

 

[النوط الأخضر]

انا يا اخوان هذا الي وصلني من مصدر ثقة اما الاتفاق بينهم اكيد بالباطن ولكنهم اتفقوا على فيفتي فيفتي

 

[Q833]

احتمال كبير

 

[alamer70]

الاخ السهم الاخضر
مبروك ارتداد الاعيانتين الى الحد الاعلى

وانشاء الله دوم سهمك اخضر وتدوم ها الابتسامه

المهم بدات رحلة السهم للصعود سواء كان فى اتفاق او ما فى

وموفقين

 

[النوط الأخضر]

الاخ السهم الاخضر
مبروك ارتداد الاعيانتين الى الحد الاعلى

وانشاء الله دوم سهمك اخضر وتدوم ها الابتسامه

المهم بدات رحلة السهم للصعود سواء كان فى اتفاق او ما فى

وموفقين

على راسي والله ياالعامر