الشركة العالمية للمدن العقارية ش.م.ك.م ( المدن )

[AL-3raab_ku]

الحمدلله أمس خذينا ب 41 واليوم طيح قلبنا ببطنا لما نزل 39.5 وفرحنا بال 43 نهايته لكنه باذن الله فيه خير كثير

مباركين يالغالي
اليوم دخول قوي عليه تبارك الرحمن 10‎%‎ من اسهم الشركة
وشمعة خضراء كبيرة فاقعة بعد العديد من الشموع الحمراء المبالغ فيها
ناطرين بوعبدالله المستفسر يعطينا خارطة طريق السهم
بس انا توقعي اذا كمل صعود السوق راح يكسر قمته السابقة ان شاء الله

 

[AlAndalosi]

مباركين يالغالي
اليوم دخول قوي عليه تبارك الرحمن 10‎%‎ من اسهم الشركة
وشمعة خضراء كبيرة فاقعة بعد العديد من الشموع الحمراء المبالغ فيها
ناطرين بوعبدالله المستفسر يعطينا خارطة طريق السهم
بس انا توقعي اذا كمل صعود السوق راح يكسر قمته السابقة ان شاء الله

هلا بالعراب

انا اشتريته أمس على اجتهادات بسيطة / وهى لما قارنته بايفا وأبيار كانوا مجموع عرضهم تقريبا 5.% من رأس المال / بينما كان المدن أمس مجموع عرضه 3 مليون يعنى 3% من راس ماله.. المعنى اللى يفزعك أكثر (هو اللى يبى العكس)
الثانية هم شادين حيلهم من 2010 لما رقوها من الموازى للرسمى / الثالثة محافظين على راس المال و ما فى مطلوبات وما وزعوا منحة / القيمة الدفترية أبيار و ايفا على 80 فلس تقريبا لكن مدن 130 / عندهم عقارات تحت التطوير لبيعها كشقق / الأحتياطيات جيدة عندهم يقدرون ياخذون بس 500,000 دينار ويعطون 5 توزيعه (مجرد توقع) لأن راس ماله أقل مما تصور 100 مليون سهم فقط
الأخيرة الأسماء بمجلس الأدارة جينيا فيه خير / أما الباقين عزكم الله حتى مخلفاتهم بدورة المياه ما يتنازلون عنها.

المدن أكثر من جيد

 

[حمـش]

السلام عليكم ورحمة الله وبركاته
طلب مني أخ رأيي بالسهم
للأمانة نسيت معرفه من كثر التبريكات برفع الإيقاف عني

فاليعذرني وليسامحني

وليسمح لي أخوي بوراشد مستر شارت بنقل تحليله للسهم هنا في صفحته
لأنني أتفق معاه جملة وتفصيلاً

وعليكم السلام ورحمة الله وبركاته

السهم وضعه جدا سلبى

والمشكله بالسوق ماهو زين كل ما ينزل السوق ينزل معاه السهم

وانت لازم يكون عندك ستوب لوز قبل شراء اى سهم

اتوقع يرتد من 35 فلس ممكن اذا مانزل السوق نزول كبير بعد كسر 6534

والله تعالى أعلم​

 

[adell1973]

وجهك ابيض يالحمش .. الف شكر

 

[حمـش]

وجهك ابيض يالحمش .. الف شكر

ووجهك إن شاء الله
والعفو أخوي عادل
أعتذر منك والله نسيت معرفك
المهم طلبك كان في بالي
​

 

[حمـش]

عاش المدن
​

 

[تكنكل]

هذا وضعه سلبي !!! من اول الصبح وقبل لاحد يفتح عينه عليه ،،، ععععللللققق ،، هذا السهم لاقالوا سهم

 

[العقيله]

هذا وضعه سلبي !!! من اول الصبح وقبل لاحد يفتح عينه عليه ،،، ععععللللققق ،، هذا السهم لاقالوا سهم

اخوي ترا مو ثقه
اذ حمر السوق تشوفه كاسر تحت

 

[AL-3raab_ku]

اخوي ترا مو ثقه
اذ حمر السوق تشوفه كاسر تحت

مو على كل حال يكسر تحت ممكن يحمر السوق ويصعد بقوة هذا راس ماله قليل وسهم يتحكم فيه صانع السوق يطيره متى ما بغى وكل شي توقع منه عادي يتعدى 100 والله اعلم

 

[qw80]

مبروووووووووووووووووووووووك ياشباب

 

[العقيله]

مو على كل حال يكسر تحت ممكن يحمر السوق ويصعد بقوة هذا راس ماله قليل وسهم يتحكم فيه صانع السوق يطيره متى ما بغى وكل شي توقع منه عادي يتعدى 100 والله اعلم

وعادي ينزل بالعشرينيات نفس قبل
وشنو يخليه يعدي 100 وما عند اي ربح
العمليه مضاربيه ومع السوق
نراقبه هاليومين

 

[AL-3raab_ku]

وعادي ينزل بالعشرينيات نفس قبل
وشنو يخليه يعدي 100 وما عند اي ربح
العمليه مضاربيه ومع السوق
نراقبه هاليومين

انا اقصد يالغالي الأسهم اللي راس مالها قليل ومضاربية ممكن تروح لاسعار ولا بالاحلام

 

[AL-3raab_ku]

وعادي ينزل بالعشرينيات نفس قبل
وشنو يخليه يعدي 100 وما عند اي ربح
العمليه مضاربيه ومع السوق
نراقبه هاليومين

ثاني شي المدن عنده مشروع في بورت غالب قيمة 11 مليون وعند استثمار محاصة في فندق في لندن بقيمة 7 مليون
وعنده ارباح مرحلة 11 فلس
وخالي من الديون
وعنده احتياطيات 2.5 مليون
السهم بحسب ميزانيته يستحق فوق 100 والله اعلم

 

[العقيله]

ثاني شي المدن عنده مشروع في بورت غالب قيمة 11 مليون وعند استثمار محاصة في فندق في لندن بقيمة 7 مليون
وعنده ارباح مرحلة 11 فلس
وخالي من الديون
وعنده احتياطيات 2.5 مليون
السهم بحسب ميزانيته يستحق فوق 100 والله اعلم

اخوي العزيز انا بالسوق من 1993 وعندي خبره بسيطه بميزانيات الشركات وإذ الحسبه چذي وتروح فوق 100 ليش مغرزه من سنتين تحت الخمسين
الا ايام قليله من شهر واحد
بعدين اخوي شنو الأفضل مدن او الاولي للاستثمار
اذ الحسبه چذي مفروض سعرها 150
حاليا تتداول 50 فلس
عموما كنت املك في المدن لي اليوم
والله يرزق اللي عنده السهم
انا اشتري الربح وما اطالع السهم نهائيا
يعني يمكن أبيع سهم وأشتريه باليوم 5 مرات
بالتوفيق للجميع في عموم الأسهم

 

[adell1973]

ماشاءالله .. انا دخلت الخميس وطلعت اليوم مع ان السهم رهيب ...

كل الاسهم تقدر تاخذ منها تكه الا سهم البيت ياخذ منك تكه

 

[جبل سنام]

بصراحة اللي طلع من السهم وهو ربحان هذا معلم احتمال بكرة مع نزول السوق تصيده تحت .

 

[جبل سنام]

اخوي ترا مو ثقه
اذ حمر السوق تشوفه كاسر تحت

تري كلام اخوي العقيلة 100/100

 

[AL-3raab_ku]

اخوي العزيز انا بالسوق من 1993 وعندي خبره بسيطه بميزانيات الشركات وإذ الحسبه چذي وتروح فوق 100 ليش مغرزه من سنتين تحت الخمسين
الا ايام قليله من شهر واحد
بعدين اخوي شنو الأفضل مدن او الاولي للاستثمار
اذ الحسبه چذي مفروض سعرها 150
حاليا تتداول 50 فلس
عموما كنت املك في المدن لي اليوم
والله يرزق اللي عنده السهم
انا اشتري الربح وما اطالع السهم نهائيا
يعني يمكن أبيع سهم وأشتريه باليوم 5 مرات
بالتوفيق للجميع في عموم الأسهم

الله يرزقك ويباركلك
سهم الاولى عندي من 118 فلس بأسعار مختلفة الى
54
استثمار طويل وراح يجي اليوم ان شاء الله اللي تشوفه بأسعار عالية
اما المدن للمضاربة عندي افضل من الاولى باضعاف
لان السهم سريع الحركة بالصعود وبالنزول
يعني دش وياهم واطلع وياهم
وكون حذّر معاهم
اما كلامك المدن من سنتين تحت 100 كذلك الاولى من سنتين تحت 100 على الرغم من الأصول الكبيرة
والجواب ان السوق اخر سنتين كان سوق ميت
الحين في حركة والله يرزق الجميع
طبعاً انا ما أوصي على السهم
لان هذا من الأسهم اللي يا فوق يا تحت ممكن 100 ممكن 20
وكلن عقله براسه

 

[AL-3raab_ku]

بصراحة اللي طلع من السهم وهو ربحان هذا معلم احتمال بكرة مع نزول السوق تصيده تحت .

بالعكس السهم انا أتوقع رايح فوق والله اعلم

 

[AL-3raab_ku]

‏⁦‪cis.boursakuwait.com.kw/Portal/NewsPDF…‬⁩
‏اجتماع المدن
ان شاء الله خير