اخوي البستان المعذره على المداخلة
بالنسبة لمشاركة اخوي كيزر عن بيعه السهم :
الانسان اذا حب الناس اللي معاه يفتح لهم قلبه لانه يحب يشاركونه بأفكاره
من باب الراي والنصيحة واعادة النظر في نتيجة قراراته .
بيض الله وجهك بوخالد ويعلم الله اني احترمك واقدرك والله يعطيك الصحه والعافيه
اما بخصوص الاخ البستان
لم ارد عليه بوضوح لانه دخل بالنيات
وراح اقولك يا بوخالد ليش ذكرت اني دخلت على السهم
انا كاتب موضوع قبل فتره عن سبع اسهم واني ابي استثمر فيهم وكنت ابي
آخذ آراء الاخوة من امثالك ليتفضلو علي برأيهم ولم اذكر المدن من ضمنهم
لاني لم انتبه للسهم ولما انتبهت للسهم
وان السهم ميزانيته ممتازه وسعره في القاع شريته ومن باب الامانه يعلم الله
قلت انا اتكلم عن اسهم وامدح فيها واشتري غيرها فذكرت اني شريت السهم من هذا المبدأ
وكانت نيتي مستثمر ولكن خفت من وضع السوق وبعت بربح والحمدلله
ومن نفس المبدأ اني اتكلم عن استثمار
وانا بعت السهم فقلت يجب علي ان اذكر اني بعت السهم
ومثل ما قلت انت يا بوخالد لما الواحد
يذكر انه شرى او باع سهم فهو من باب الاخوه والتناصح فقط لا غير
ودائما نحسن الظن في اخوانه الاعضاء
اما بخصوص الاسهم اللي ذكرتها يا بوخالد فهي اسهم غير شرعيه
وجزاك الله خير على التوصيه
