نتائج زيارة وفد المنتدى لشركة الأوسط .

[STOCKER]

الاوسط ناس تخاف الله وتعرف شلون تشتغل صح وانا ياما قلت عنهم انهم ناس ماتعرف تشتغل بس بعد مارحت بنفسي وشفت تطورهم وكلهم على قلب واحد غيرت رايي


بصراحه ياجماعة الخير ترى الاوسط قاعد يتحسن ومافي احد احسن منه في الكويت

 

[بـو راشـــد]

اشكر ادارة المنتدي والاخوان الي قاموا بزيارة شركة الاوسط

يا جماعه بصراحه انا لم اجد ما يعرقل تداولي في الاوسط واخص بالذكر الاوسط بروو ولله الحمد انا حسيت بالفرق الكبير جدا بين الاوسط وبين شركات الوساطه داخل السوق وعلى فكره انا استخدم الاوسط من مدة تقريبا اربع شهور والمشاكل اللي حصلت معاي هي ما يحصل من توقف النظام في البورصه نفسها.

وصراحه انا وضعت امر شراء الساعه 8.15 صباح تداول يوم الاربعاء وكان حزتها معلق وتم تنشيط الامر الساعه 9:00:12 صباحا بمعنى ان امري دخل من اول الناس. فتفاجأة من اقاويل الشباب اللي يقولون لي ان الاوسط يعلق الامر ربع ونص ساعه بعد فتح التداول. مع ان كل الاوامر اللي ادخلها تكون للمضاربه يعني اراقب السهم واول ما يصير عليه تجميع ادخل معاه واطلع منه بتكه او تكتيين .

وانشالله ان الاوسط يتحسن مع اللي متضايق منه والتوفيق للجميــــع

 

[بوحسن]

مشكورين على الجهد يا شباب وهذي فلوسكم وفلوسنا ترى

وبعدين منو الي ما يقدر يستقبلكم بشكل طيب ...

لو اقولك في ناس هني اشكثر حاطه فلوس بالاوسط ! ما راح تتخيل علبالك محفظه داشه الاوسط

انتو ثقال باخلاقكم وبهمتك ومشاركاتكم والمنتدى هذا اشهر من علم على نار .. وبصراحه الي هني كلهم اخوان وجنهم عائله متماسكه الله لايفرق بينها

وانصح بعد فتره تخلون المنتدى بفلوس والي يكتب فيه هم تعطوونه فلوس اذا في مجال .. ونحولها الى شكره مساهمه ندرجها بالبورصه بعد جم سنه ولكم علي اني اشتري اول سهم ابدينارين بكمية الفين سهم

- بس عفيه بيني وبينكم بعد الاقفال ردولي فلوسي تالي -

 

[صايل]

الكويتي على طول
الأمريكي ما اذكر مرة تعطل معاي لا ولا مرة تعطل معاي يتعطل الكويتي الصبح الأمريكي بالفترة المسائية احسن منة مافية ..
؟؟؟؟؟؟؟؟؟؟؟؟؟؟؟؟؟؟؟؟؟؟

اكيد ما يتعطل الامريكي
شوف كم متداول عن طريق الاوسط في السوق الكويتي وكم عدد المتداولين في السوق الامريكي.