فكر تربح 15% .. لا تفكر تربح 50% !!!

[متابع قديم]

مو قصدي انت يا رحالي موضوعك ممتاز في وقته

وادري من رفع الموضوع انا اتلكم عن الناس واحوالها وانا منكم

حاليا البورصه في نمو ارتفاعات عاليه

والى الان اقولك اشتر سهم بنك وبتربح 20 % اخرى لنهاية السنه

 

[khalid592]

والله الفكره جميله بس لازم المبلغ يكون كبير شوي عشان تقدر تطلع منه فايده .. وترتاح من المتابعه والتفكير ...

بس اذا انت مثلا بتحط عشره الاف يطلعلك بالسنه 1500 يعني بالشهر 125 الا تعتقد انها قليله نوعا ما (يعني لو افتحلي بقاله واضمنها على ايراني يعطيني بالشهر 200 دينار واانا نايم في بيتنه )

في حين انه في اسهم تحقق على اقل تقدير 200 بالميه خاصتن مع الربع الرابع الذي عاده ما يكون السوق منتعش ..

عموما كل واحد له وجهت نظر والله يوفق الجميع وترى سوقنا بخير وزين وانا من شهر سته تقريبا متابع السوق ووايد اسهم دوبلت على الاقل 300 بالميه والله الموفق

 

[أسد الجزيرة]

تحسفت ما شريت بزاجل

انا عندما عطو المنحه

اخذت مالوت اليهال وحطيت عليهم اشوي

وقلت لازم اكتتب بصندوق و كان جدامي زاجل
ترددت بين مقولة عطت الخباز خبزه وبين مقولة ما يخاف عل الحلال مثل صاحبه

وشنو كانت النتيجه

شريت في بيان كسر و ربحت 50%

وشريت معدات وربحت 1 %

وبعدها اخذت بيان وخسرت وبردت عليه وهم خسؤت كل اللي ربحته و طلعت بأقل من راس مالي ( مال اليهال المنحه)

و زاجل ربحان منذ التأسيس 40%

الهم صل على محمد سيد المرسلين و آله الالمعصومين الطاهرين

 

[rahaly]

يا جماعة .. سؤال جواب على سؤال

الكل داخل الاسهم عشان يربح مو عشان يسولف عن الاسهم .. صح؟؟

طبعا تبي فلوس(الربح) .. عشان ترتاح .. مو عشان تتعب .. صح؟؟

يا خوي ادخل بصندوق وارتاااااح .. وبدل ما تتابع البورصة .. تابع مسئول الصندوق وكل يوم دوخ مخه اسال عن عن اسهمك في الصندوق ..

صار عندك شغل وربح وراحة..


شرايكم

@@@ اخاف واحد يتسائل ليش ما انا اسويها؟؟

سبق اني قلت اني مدمن بورصة(الله يجيركم) .. ابدا ببورصة دبي .. بعدها بورصة الكويت .. والعصر بورصة امريكا ..

وافكر ببورصة بنغلادش


النتيجة؟؟؟؟؟؟؟؟؟؟؟؟؟؟
لو حاط بصندوق التحوط(اقل الصناديق ارباح) .. كنت ربحان ثلاث اضعاف الربح اللي اجمعة في ست اشهر واخسرة في ثلاث ايام


تحياتي


رحالي

 

[لحق ما تلحق]

شنو احسن واضمن صندوق واعلى نسبه؟؟؟

 

[lovedoor]

المخازن

يا خوي رحالي تعطيك 120%

وانا حاسبها ..........


4 دنانير قريبا 5 رمضان 6 العيد عيدين 7 عيد الاضحى 8 قبل اعلان الارباح 9 قبل التوزيع 10 بعد ما يغيرون سستم البورصه علشان يستوعبها

ممكن تحليل او اي شي يدعم كلامك الحلو

 

[بيرم]

صندوق الدرة الاسلامي ( تابع جلوبال ) حقق منذ تأسيسه في مايو 2004 الى الآن 95% يعني خلال سنة و نصف عطاك الضعف تقريبا
و في صندوق ثاني تابع جلوبال ايضا و هو الخليجي و عبارة عن افضل 60 شركة في الخليج و متنوع يعني 10 شركات من كل دولة و مضى عليه اقل 8 شهور و حقق تقريباً 35% .

لكن المشكلة انك لو حطيت بيزاتك في الصناديق عقبها اشراح تسوي
تقعد ساكت و تشعر بالفراغ العاطفي و يصير يوم الخميس و الجمعة مثل يوم السبت والاربعاء .

الافضل انك اول شيئ تحط بيزات في الصندوق كضمان
و اذا صار عندك بيزات بعد روح و اشتر اسهم و ضارب و استثمر على كيفك

 

[Q8_FAHAD]

السلام عليكم ورحمة الله وبركاته

ياجماعه انتو توكم شباب وانا بعتقادي الشخصي ان الصناديق
لشيبان والعجايز الي مايقرون ولا يكتبون يبون اخر السنه فلوس
ولا انتو متعلمين وفاهمين وتقرون وتحللون ماقاصر عليكم شي


ملاحظه:- ارجو ان هذا الكلام لايجرحكم ولايقلل من شأنكم مجرد مشاركه

انا عندي مبداء ان الاسهم الكويتيه لاتربح وان ربحت رديتهم لهلها
دين وترده ولاليش الصناديق والمحافظ بالسوق عشان يعطونكم ربح ولا عشان
اهم يربحون
وان ربحو من على حسابه؟
طبعآ على حسابكم يالمتداولين الصغار اهم الي ينزلون السوق واهم الي يرفعون السوق يعني انت تتبعهم وطالما تبعتهم خلاص يعني يقطون عليك
شويت ربح لما تستانس وتزيد راس مالك بالقروض والسلف وبيع ماتملك
ويقولولك تعال ياحبيبي اكلك لمين اطلع بالربح وراس المال
ولاشفت ولا انت منتف من كل صوب هذا سوق الكويت الكبير ياكل الصغير


واذا عكس كلامي جان قفلو صناديقهم ومحافظهم وان حصل ذالك فالمصيبه اكبر من يشتغل بالسوق ؟
ابو عشر تلاف ولا خمسين الف ولا مية الف شتسويلك والكلام واجد عن البورصه

لابارك الله بسوق يتحكم فيه جم عائله

ولكم مني جزيل الشكر

اخوكم/ابو عبدالله

 

[rahaly]

يا بو عبدالله .. كلامك عدل ..
لكن بنصير شياب ونربح بهدووووووء احسن من ربح الاسهم اللي يشيب الشاب :d

ومع هذا لا بأس بمبلغ معقول اتطقطق في بدون رفع الضغط


تحياتي

رحالي

 

[C'O'B'R'A]

اشكرك اخوي رحالي

 

[alhilo]

اسمحلي يا العجمي اي صندوق اي صندوق اكييييييد احسن من البورصة..

حط فلوسك بالشمس واقعد بالظلال

السلام عليكم
صدقنى انى ساويت بطريقتك وحطيت فلوسى بصندوق التجارى للاسهم الخليجية
هم الصندوق خسران حوالى 20 بالمية من قيمته

 

[Nagooshy]

الله يعطيك العافيه​

 

[rahaly]

اشكرك اخوي رحالي

:d

والله اني نسيت هالموضوع ... مدري منين مطلعه يا الكوبرا ؟؟

عموما ... يا ريتني ملتزم بقصة الصناديق....... وبس

كان محفظتي نازله 10 - 15 % من ذاك الوقت

مو 35% مثل الحين ... وبعد متابعات وتعب وتتبع........... شيلمهن ؟ شيلمهن

:d

الله يوفق اخوانا جميعا