لديك مبلغ بسيط واريد ان اشتري اسهم

MH For Ever

عضو نشط
التسجيل
11 يونيو 2005
المشاركات
1,453
لدي مبلغ بسيط واريد ان اشتري اسهم

السلام عليكم

اخواني احتاج نصيحتكم لدي مبلغ بسيط حوالي 3000 دينار واريد ان اشتري سهم يكون ولد حلال وابيعه بعد كم يوم بربح ان شاء الله.

فما هي نصيحتكم ويا ليت لا تبخلون علي بالمشورة

مع جزيل الشكر
 

الـشــاهـيـن

عضو نشط
التسجيل
13 أبريل 2004
المشاركات
112
واللة اخوى انا ارشح الاهلية و بنك الخليج والخرسانة
فيهم خير انشاء اللة
 

MH For Ever

عضو نشط
التسجيل
11 يونيو 2005
المشاركات
1,453
مشكور اخي الشاهين وجزاك الله كل خير

ويا ليت باقي الإخوة يفيدوني بآرائهم.

مع جزيل الشكر
 

MH For Ever

عضو نشط
التسجيل
11 يونيو 2005
المشاركات
1,453
وينكم يا جماعة 71 واحد شافوا الموضوع وبس الاخ الشاهين اللي اعطاني النصيحة
 

CHART TRADER

عضو نشط
التسجيل
22 يناير 2004
المشاركات
1,043
الإقامة
الكويت
MH For Ever قال:
وينكم يا جماعة 71 واحد شافوا الموضوع وبس الاخ الشاهين اللي اعطاني النصيحة


أنصحك بالاستثمار ( أي تشتري وتبيع بعد سنه ) بهذا المبلغ وليس


المضاربه ...........


تحياتي لك ...................................................................
 

mercedes_Q8

عضو نشط
التسجيل
29 يونيو 2005
المشاركات
30
الصراحة سؤالك صعب .... نخاف ننصحك بشي ولظروف ما تتغير الحسبة وبدال ما تربح ... تخسر لا قدر الله
 

Q833

عضو نشط
التسجيل
9 نوفمبر 2004
المشاركات
152
الإقامة
كويت
انصحك بأعيان العقاريه سهم اسلامي ورخيص ونازل حيل ومستقبله واعد باذن الله
راي شخصي وقرار الشراء لك
 

الزعيم1

عضو نشط
التسجيل
29 يونيو 2005
المشاركات
8,340
الإقامة
الكويت
أخوى ضارب بالصناعات المتحده اشترها ب290 وبيعها ب310 وهكذا مبلغك مايساعدك للاستثمار.
 

بوحسن

عضو مميز
التسجيل
15 مارس 2004
المشاركات
3,021
القرار قراك اخي العزيز خصوصا اب 3الاف

ولاحظ ان البعض عطاك قرار على السريع بدون ما يقره انت اشكاتب

انت عندك بس 3 الالاف ..معناته يعني السهم الي تقدر تدش عليه فقط :

سهمه لازم يكون بين ال 255 فلس الى 300 فلس فقط بكمية 10000 سهم وهذا انت هني خيارك

او من 102 الى 250 بكمية 20000 سهم ( اتوقع لازم عندك اكثر بشوي من 3000الاف بقليل ولا صعبه تدش على هالسهم )

عزيزي
شوف واقرء كل ما يكتب وشوف التحاليل الي هني ويا كثر التحاليل وفيها الزين وفيها الي نص نص وفيها التخمين وشوف اي سهم يجمع عليه الاغلبيه المميزه ..ترى في نصايح تودي بداهيه

وانت قرر بعدين اي سهم تبي تشتري

...والرزق عند الله
 

osama411

عضو نشط
التسجيل
12 يونيو 2005
المشاركات
132
الصبر مفتاح قال:
القرار قراك اخي العزيز خصوصا اب 3الاف

ولاحظ ان البعض عطاك قرار على السريع بدون ما يقره انت اشكاتب

انت عندك بس 3 الالاف ..معناته يعني السهم الي تقدر تدش عليه فقط :

سهمه لازم يكون بين ال 255 فلس الى 300 فلس فقط بكمية 10000 سهم وهذا انت هني خيارك

او من 102 الى 250 بكمية 20000 سهم ( اتوقع لازم عندك اكثر بشوي من 3000الاف بقليل ولا صعبه تدش على هالسهم )

عزيزي
شوف واقرء كل ما يكتب وشوف التحاليل الي هني ويا كثر التحاليل وفيها الزين وفيها الي نص نص وفيها التخمين وشوف اي سهم يجمع عليه الاغلبيه المميزه ..ترى في نصايح تودي بداهيه

وانت قرر بعدين اي سهم تبي تشتري

...والرزق عند الله[/QU
الى الاخ الصبر مفتاح
أرى انك لم تحدد سهم بعينة
طيب لو المبلغ 4500
ارجو منك انت تحديدا بيان السهم اللى ترشحة ويا ريت تحدد شعر لشراءة وسعر لبيعةوانى اعلم والله ان نيتك خير وتود المساعدة
يعنى مثلا هل تنصح بالاسماك شراء على 390 وبيع على 400
 

بن تركي

عضو نشط
التسجيل
25 يونيو 2005
المشاركات
779
أنا لو مكانك والمبلغ اللي متوفر معاي 3000 د.ك فقط أشتري من سوق الكسور 500 سهم المخازن إذا بديت من يوم السبت أذا إفترضنه أنه يوم السبت حد أعلى يعني بكون سعر السهم 3.680 الخمسميه سهم 1840 د.ك يبقى عند 1160 د.ك أشتر فيه والله صراحة ماني عارف أقولك بباقي المبلغ شنو تشتري لأن المبلغ اللي معاك شوي صعب أن الواحد يحدد شنو ياخذ عموما أنا برأيي عليك تجميع من سوق الكسور وللعلم ترى في بالنسبة لل500 سهم مالت المخازن ترى حلوة لأن إنشاءلله بشهر 9 القادم تكون صارت وحدة كاملة ولك كل التوفيق إنشالله
 

بيل غيتس

عضو نشط
التسجيل
21 فبراير 2005
المشاركات
599
انصحك بسهمين لا ثالث لهم بالنسبه للمبلغ الحالى مع الاسباب

1- الاهليه = السهم لم يحصل له ارتفاع للربع الاول والثاني بهدف التجميع مع كثرة الاشاعات الباطله للهدف نفسه وسيكون له شان اخر فى الربع الثالث مع توقعات بارباح خياليه نهايه الربع الثالث


2- الصناعات المتحده = اقفال السهم نهاية 2004 بسعر 305 واقفال نصف السنه الحاليه 295 كان السهم باجازه مرافق مريض ومن طبيعه السهم التحرك والصعود فى نصف الربع الثالث


وناسف على التاخير بالرد اليكم
 

بوحسن

عضو مميز
التسجيل
15 مارس 2004
المشاركات
3,021
عزيزي اسامه الله يبارك فيك وعلى حسن ظنك فيني

والله كل سهم له وقته على المدى القصير ...وليش لا الاسماك اتوقع فيها رزقه زينه وغلاك ...بس على المدى البعيد انا حاط مقاله بموضوع الاسماك انه يوصل 850 او قريب ال 850 فلس !!
مثل ما مره قلت انه بيوصل 550 خلال عشره ايام ووصل 540 بس :) وتعاتبت عليه اشوي بس كان بوقت كان سعر السهم 420 فلس

عموما ... عزيزي ليش تفكر بالمستوى القريب .. فكر بشي بعيد اشوي رزقته احسن ابوايد والمضاربه يبيلها متابعه والعاده تخسر فيها اذا ما كنت منتبه ولك خبره وتكون متابع ومتفرغ نوعا ما

اشتر على المدى البعيد وتابع الاخبار لان مافي شي مضمون

... مثلا ..العقارات المتحده كانت ماشيه واشحلاتها ..يه قرار مجلس الامه ..عفس السهم ونزله ! يعني شي خارج ارادة الشركه بس المضمون نزل ! ( بالفتره القصيره )

بس يبيلك جم بيزه اكثر

واقولك :

انا انصح بالمخازن ..ان سهم تخشه حق عيالك على الاقل
انصح بسلطان بالارباح ..بالوطنيه ايضا
انصح بالاستثمارات الوطنيه اتوقعلها فوق الدينار ونص قريب
اسهم قطاع البنوك مضمونه على المدى البعيد ..
جرب الانابيب وخلك مثل التامينات :)
جربت سهم ادنك ! ما ادري ليش بس حاس انه بيوصل 255 ..مجرد احساس ( بس طبعا ما اتوقع انك بتشتري على احساس :) ) لا تسويها

- الاهليه .... اتوقع لها الضعف دبل على الاقل اذا مو اكثر ... على المدى البعيد .. كافي انها طالبه اعادة شراء لاسهمها وقاعده تبيع علشان تجمع كاش ..ناس ناويه على نيه

النصيحه صعبه بصراحه ..بس اسمع في واحد ينقاله الجيماز2 بالمنتدى الي يمنا ... يعطيك اسم السهم ... وتضبط مرات معاه بشكل كبير ..شوف نصيحته .. وان ما ضبط معاك عندك ياه

الي يقولك سهم مليون بالميه مضمون بالفتره القصيره ...!
 

osama411

عضو نشط
التسجيل
12 يونيو 2005
المشاركات
132
مشكور يا اخ الصبر مفتاح على الرد
 

bo jassem

عضو نشط
التسجيل
13 أبريل 2005
المشاركات
266
الإقامة
دولة الكويت الحبيبه
السلام قبل الكلام,,,
السلام عليكم يا أخوي المحترم,,,
انا لاحظتك يا العزيز دوم مستعيل على رزقك و تبي الشي حار بحار :) :) :) :)
على العموم الله يرزقك بواسع ابوابه بس نصيحه متواضعه من اخو الى اخوه حط عينك على شركات الاسمنت خصوصا" الخليجيه,,,
وساحمني على صغر النصيحه,,,
أخوك محمد,,,
 

MH For Ever

عضو نشط
التسجيل
11 يونيو 2005
المشاركات
1,453
مشكورين يا اخوان على النصيحة ما قصرتوا ويا ليت باقي الاخوة الكرام يفيدوني بمزيد من الاراء
 

bo rawan

عضو نشط
التسجيل
19 يونيو 2005
المشاركات
72
الإقامة
بلد الخير
السلام عليكم
انا انصحك باسمنت الفجيرة (490 -495 )
وادعيلي بعد 3 شهور باذن الله
 

MH For Ever

عضو نشط
التسجيل
11 يونيو 2005
المشاركات
1,453
مشكور اخي بو روان على ابداء الرأي ولكن انا اخي العزيز المبلغ الذي لدي هو 3000 فقط والسهم الذي اقترحته يحتاج 4900

على العموم جزاك الله كل خير وبانتظار باقي الاخوة
 

saja

عضو نشط
التسجيل
9 أكتوبر 2004
المشاركات
205
بالنسبه للمبلغ 3000 دينار

انا انصح بشراء سهم العربيه العقاريه لانه في ادنى مستوياته و ما كسر 148 فلس من زمان اشتر الحين على 154 او 152 اذا اتحصل و خله انطر كل فتره يصعد يوصل 160 او 162 و اذا فيك شده تنطر ترى راح تشوفه بسعر زين بعد اشهر بس انه اقول اقلب وياهم احسن و اربح و الله اعلم
 
أعلى