Day_trading
موقوف
السلام عليكم ورحمة الله وبركاتة
الموضوع هذا انا كاتبة سنة 2000 ايام العزوبية صراحة لما رديت قريتة اليوم بالصدفة بغيت ابكي وانا اتذكر الرحلة لان اخوكم مغرم حيل بالسفر وطرى على البيتين هذولا
آه ياوقتى اللى راح ليتة يردي // ليت ماراح من عمرى يعود عليه
احسبن الليالى ثابتة ماتعدي// لين شفت الصحيح وبين الشيب فيه
المهم الحمدالله انا بخير ونعمه ونقدر نسافر ونروح ونجي لاكن انا صراحة ماعاد اقدر اطول اكثر من 15 يوم تقول مبرمج بعد الخمسة عشر يوم اهذرى بعواشة ياخوى البنات والعيال كلهم نعمه ولاكن ترى البنات غير العيال انا صراحة عندى بنتين ولاكن ماعندى عيال الله يجيب الولد انشالله
المهم ابي اسرد لكم رحلتى كما هيه موجودة بالمنتدي
************************************************** *******
شلونكم ياشباب ابي احكيلكم اليوم عن رحلتى بين قطارات وباصات اوربا
وقد استغرقت هذه الرحله 55 يوم بين اوربا بدات الرحله فى تاريخ 14/7 2000
بدايتن من الكويت الى البحرين الى لندن عن طريق طيران الخليج نزلنا لندن فى تاريخ 15/7 /2000 وسكنا فى فندق كمبرلاند وهو فندق جميل وموقعه جميل جدا حيث انه فى اخر اكسفورد فى بدايت ادجوروود مقابيل الهايد بارك عند قوس النصر موقعه ممتاز ها لاتقولى على ثلاث شوارع وعندة ارتداد المهم جلسنا ثلاث ليالي فى هذا الفندق وبينما نحن نتجول فى لندن مرة فى اكسفورد مرة فى متحف الشمع مرة فى البكدلى مرة فى التركديرو مرة فى قهاوى لندن لقينا مكاتب سياحيه تعرض خدماتها ولقينا من بين الرحلات المعروضه رحله الى بلاك بول وهيه تبعد عن لندن 650 كيلو متر وسعرها مناسب ووقتها مناسب ومن الرحله جوله داخل اسكتلندا فى منطقه اسمها وند مير وهيه عبارة عن منطقه تحوطها الجبال من كل جانب وفى وسطها بحيرة جميله جدا جلسنا فى هذه المنطقه وهيه بلاك بول 4 ليالى فى فندق هيلتون بلاك بول وميزة هذا الفندق انه كل غرفه تطل على البحر فعلن فندق ممتاز ويوجد فى هذه المنطقه مدينة ملاهي كبيرة اسمها بلجر بيتش ويوجد بها سيرك ويوجد بها ايضا برج بلاك بول المقتبس منه برج ايفل وبعد الاربع ليالى هذى عدنا الى لندن وجلسنا فى فندق كمبرلاند ليلتين ومن بعدها ذهبنا الى باريس ولنا لقاء مع باريس الى اللقاء فى الحلقه القادم فى جولة باريس بلد الانوار
*************************************************
يالله نكمل وامرنا للله كانت رحلتنا من لندن الى باريس بتاريخ24/7/2000 بدات الرحله فى الصباح تقريبا فى الساعة 9صباحا مشي بنا الباص وكان عبارة عن باص مرسيدس يحمل 44 راكبا كلهم من سكان الخليج ومشينا الى ان وصلنا الى الميناء بينه انجلترا وفرنسا على بحر المنش وادخلنا باصنا فى القطار ودخلنا نحن معه فى نفس الكابينه وجلسنا فيه 35 دقيقه واذا بنا نحن فى ميناء مرسيليا على ما اعتقد المهم انا دخلنا الحدودالفرنسيه تقريبا فى الساعة 12 ضهرا ووصلنا باريس فى الفندق بالتحديد الساعة 3 العصر بتوقيت فرنسا وكان فندقنا اسمة نوفيتيل لادى فانس فى اخر الشانزليزيه موقعه زين وكان فندق*** بس ممتاز طبعا اول مانزلنا اخذنا غرفنا وقلنا المرشد السياحي ترى بعد ساعتين على ماتريحون نبي نوديكم الشانزليزيه طبعا كلنا خلصنا قبل الساعتين وراحو ودونا الشانزليزيه وقعدنا نتمشي فى السوق لمدة ساعتين تقريبا وقلنا خل نجلس فى قهاوى الشانزليزيه لى الساعه 11 مساءا وقلونا ترى بكرة مع النجمة يعني الساعة 8 صباحا العموم جاهز عشان نبي نروح برج ايفل مع جوله فى نهر السين جينا البرج والا تقول مالك امل راح اركب البرج من الزحمة لاتقولى طابور جمعيه مال مصريين زحمة مرة والا صاحبنا طلع واسطه وزرقنا طبعا المصعد الاول عبارة عن 3طوابق يشيل يمكن 120 واحد هذا المصع يوديك للطابق الاول ونروح الطابق الاول والا حنا فى الخضيرة تشوف باريس كلها قلنا يا معود خل نروح الطابق الثانى وكان المصعد اللى يودي للطابق الثاني يشيل تقريبا 8 انفار والا المنضر غير طبيعي بعيد جدا عن الارض قال صاحبي ها شرايك نروح الطابق الاخير قلت يالله نروح والا والله ياشباب وشابات ما اقدر اشوف الارض تحتى من الخوف بعيد مرة ونزلنا مدرى شلون وبعد ماركبنا البرج واستانسنا كان النهر قريب منا رحنا اخذنا رحنا اخذنا جوله داخل نهر السين وشفنا التماثيل الذهب اللى على الجسر وشفنا مسلة الكونكورد وشفنا متحف اللوفر وبعدين نزلونا واخذنا جوله على معالم باريس كلها وشفنا مطعم مكسيم الغالى جدا وشفنا الدوار اللى عند قوس النصر اللى ولا شركة تامين تتحملك اذا سويت حادث فيه وبعدين نزلنا فى الشانزليزيه لين الساعه 11 بالليل وجا الباص واخذنا الى الفندق وقالنا ترى مع النجمة نبي نروح بكرة الى الدزنى لاند ورحنا من الباكريه الى الدزنى لاند وجلسنا فيها الى الساعه 8 مساءا وبعدين رديني الفندق وصلناة فى حدود الساعه عشر ونص قعدنا شوي باللوبي ورحنا نمنا وصحينا الصبح ورحنا متحف اللوفر ودوجنا فيه لين العصر وبعدين رحنا الى الشانز وبعدين رديني الفندق وقالو ترى بكرة نبي نرد لندن ولاكن قبل لا نرد لندن نبي نمر السوق الاوربيه المشتركة اللى على حدود فرنسا طبعا حنا خليناهم يروحون وجلسنا فى باريس انا وصاحبي 4ايام وراهم مابين الشانز والحي اللاتيني والبيجن ستريت وقبل لايروحون جروبنا خلينا المرشد السياحى مالنا يحجزلنا تذكرتين لقطار رحلة الى جنيف وذهبنا الى جنيف عن طريق محطة جاردي ليون بتاريخ 2/8 او 1/8 وكانت المسافه بين باريس وجنيف 750 كيلو متر قصيناها على اليورو ستار فى 3ساعات ونص يالله لنا تكمله مع رحلة جنيف
************************************************** *******
طبعا نزلنا جنيف فى تاريخ 2/8 وكانو الناس يحضرون للكرنفال وحنا مواعدين ربعنا اللى رحنا وياهم للشمال الانجليزي ورحلة باريس انهم يكونون عندنا انشالله فى تاريخ 4/8 راح يجون بالطائرة واسمنا مسجل وياهم بالجروب طبعا سكنا اول يومين فى فندق الوير ويك وهو فندق الجروب بسعر ممتاز اول ليلتين بعدين انضمينا مع الجروب وجلسنا فى جنيف الى تاريخ 8/8 وكرنفال جنيف عبارة عن اطفال وشباب وشابات يضربونك بالعصي المطاطيه والاعيرة الناريه وحفلات الفنانين العرب ويوجد بها ملاهي للاطفال والكبار حولين البحير يعني بصراحة كرنفال معطينه اكثر من حقه بكثير ورحنا مع الجروب ايضا لمنطقه والله انا ناسي اسمها قريبه من جنيف فيها تلفريك وفيها كهوف ثلجيه وهذى جنيف اللى يقولون وبعدين طولله عمركم رحنا حجزنا من محطة القطار الى فينا قالونا ترى الرحلة تقعد 11 ساعه من جنيف الى زيوريخ الى بلجيكا يعني رحلة شكلها متعب وفيها ترانزيت واجد قلنا خل نروح نسال عن الطيارة الى فينا والا سعرها مناسب جد طبعا نزلنا فى فينا على طول رحنا الى محطة القطار اخذنا تذاكرنا الى زل ام سي واستمرت الرحلة5.30 وبعدها نزلنا فى زل ام سي شي فوق الخيال الجو والطبيعه والبراد والخضرة والله انا تعجبنا من قدرة الخالق سبحان الله جنة الله فى ارضه وسكنا فى فندق والله مانى ذاكر اسمة بسعر 80$ لليله وجلسنا فى زل ام سي 5 ليالى مابين زل ام سي وكابرول وصار كل وقتنا بين البحيرة والتلفريك والزحليقيه وهيه روعه وجميله جدا لعشاق المغامرات وبعد الخمس ايام رحنا الى فينا وسكنا فى فندق يورب هوتيل وهو فندق جميل من حيث الموقع والنضافه وجلسنا فى فينا 3 ايام ذهبنا الى مغارة هتلر وهيه مغارة عجيبه جدا جدا وذهبنا الى برتر اكبر مدينة ملاهي فى اوربا وتمشينا فى فينا على نهر الدالوب وبعدين رحنا الى سلوفاكيا ذبحنى صاحبي قال نبي نجلس فى بيشتنى قلتله الله عطاك يومين والباقى نبي ندوج فى الدير قال انشالله طال عمرك وجلسنا فى سلوفاكيا 20 يوم بين مناطقها ترنشين تبليسيا زيلينيا تترا كوسيشيا بروتسلافا مناطق واجد والله وبعدين رجعنا الى فينا وجلسنا الى ان طارت طيارتنا على اولمبيك ايرويز وكان فيها ترانزيت يوم فى اثينا وكانت حارة اثينا حيل
************************************************** ****
المصدر