العقد الامريكي الذي صعد البورصة الكويتية !!!

[rahaly]

حقيقة انني حديث تداول في البورصة الكويتية(من بعد ازمة المناخ) ..
ولكنني اكملت 17 سنة في السوق الامريكي ..

وحقيقة ندمت على دخول السوق الكويتي ايما ندم(مع عدم تحقيق خسارة مهمة ولله الحمد) .. لاسباب المقارنة مع السوق الامريكي .. الذي تربح انت فيه وتخسر انت فيه وفقا لقراءاتك وفهمك للسوق ..
اما السوق الكويتي .. فهناك من يربحك فيه وهناك من يخسرك فيه مرغما ..!!!

وتبادر لذهني تساؤل .. اذا كان عقد المخازن هو ما رفع بورصة الكويت الى هذا الحد وهو عقد امريكي .. بينما المتابع للسوق الامريكي يجد العشرات من هذا العقد في ذلك السوق الام..اليس اذا من الاجدى الاستثمار في السوق الامريكي؟؟

كم عقدا سيحقق ربحا مثل وامثال عقد المخازن يبرم بين فترة واخرى؟؟
مع ملاحظة ان 14 مليار على 5 سنوات ليست بالامر الخيالي في السوق الامريكي !!!

يا أخي انظر ما فعل خبر صغير بالامس بالسوق !!!

والله اعلم هل ترجع اسهم المجموعة لارتفاعاتها السابقة ام لا !!!

اما في السوق الامريكي فليس الامر هكذا .. فهو سوق مبني على اسس .. وليس فيه محافظ تضغط .. والبحر يموج .. واعيان تدمع و و و ...

وعموما اتمنى للجميع الربح الوفير ..

(وبالمناسبة انظر للقسم الامريكي هنا في المنتدى ستجد الكل .. الكل يتمنى للكل الربح .. اما في السوق الكويتي فلا يمكن ان الكل يربح .. لذلك لا تجد الكل يتمنى للكل ان يربح )


تحياتي


رحالي

 

[بايع شاري]

السلام عليكم ورحمته وبركاته

وهل كل الشركات اخي رحالي هناك شرعيه ؟ وكم هي عدد الشركات التي تحصل على عقود تكون شرعيه ؟ لاظن انها كثيره .

تقبل تحياتي وسلام الله عليكم

 

[بن تركي]

شكرا للأخ رحالي على النصيحة بس عندي سؤال يدور بذهني ودي تجابني عليه بعد أحداث 11سبتمبر ما تغير عليك السوق الأمريكي وبالنسبة للأوضاع الأمنية بأمريكا مو معرضة بأي لحظة لهزة ثانية مثل تلك الأحداث وبالنسبة للإفصاح والشفافية شلون عندهم وبالنسبة لنظم التداول عندهم حسب معلوماتي أنه مافي حد أدنى وحد أعلى يقدر السهم خلال اليوم يطق السما وبنفس اليوم يخفس تحت الأرض ما أدري هل صحيح هالكلام ولا لآ وشلون تكدر تفتح حساب عندهم وتتداول كل هالأسئلة أرجوا أني ما أكون ثقلة عليك فيها وشاكرلك سلفاً.

 

[LONG TERM]

السلام عليكم

اخوي رحالي

السوق الكويتي اضمن 10000 مره من السوق الامريكي

1- ليس هناك حدود سعريه خبر سيئ ينزل السهم 50 % في يوم واحد الكويتي حد ادنى بس

2- اغلب الاسهم الامريكيه ما توزع لا ارباح ولا منح الكويتي الكل

3- عدد الشركات الامريكيه كبير اكثر من 10000 الشركات الكويتيه 140+ بس ( صفحه وحده تشوف كل الاسهم )

4- كم عدد الشركات المريكيه الي فلست ؟؟؟ الكويتي ما سمعت

5- السوق الكويتي صناديق ومحافظ تلعب بالسوق الامريكي اساتذه باللعب

بختصار الامريكي فرص اضرب واهرب الكويتي استثمار امن باذن الله

 

[rahaly]

السلام عليكم ورحمته وبركاته

وهل كل الشركات اخي رحالي هناك شرعيه ؟ وكم هي عدد الشركات التي تحصل على عقود تكون شرعيه ؟ لاظن انها كثيره .

تقبل تحياتي وسلام الله عليكم

ياخوي يوجد شركات شرعية كثر شركات البورصة الكويتية بمائة مرة .. زور قسم الاسهم الامريكية .. وشوف فلتر ابو هاني .. ولا تنسى وجود الداو جونز الاسلامي


تحياتي

رحالي

 

[rahaly]

شكرا للأخ رحالي على النصيحة بس عندي سؤال يدور بذهني ودي تجابني عليه بعد أحداث 11سبتمبر ما تغير عليك السوق الأمريكي وبالنسبة للأوضاع الأمنية بأمريكا مو معرضة بأي لحظة لهزة ثانية مثل تلك الأحداث وبالنسبة للإفصاح والشفافية شلون عندهم وبالنسبة لنظم التداول عندهم حسب معلوماتي أنه مافي حد أدنى وحد أعلى يقدر السهم خلال اليوم يطق السما وبنفس اليوم يخفس تحت الأرض ما أدري هل صحيح هالكلام ولا لآ وشلون تكدر تفتح حساب عندهم وتتداول كل هالأسئلة أرجوا أني ما أكون ثقلة عليك فيها وشاكرلك سلفاً.

اخي العزيز بن تركي

اولا السوق كباقي اسواق العالم يتأثر بالاحداث .. ولم يتغير علي شي بعد احداث سبتمبر بل الكثير من الاخوان استفادوا اكثر ..

الشفافية والمصداقية .. حدث ولا حرج ..
يكفي وجود عشرات المواقع لتحليل السهم والتوقعات والخبرات ....

طبعا المسألة لا تخلو من بعض التلاعب الذي سرعان ما ينكشف لبعض الشركات .. فلا تنسى اننا نتكلم عن مئااااات الشركات المدرجة ..

وعدم وجود حد اعلى وادنى شئ جيد للفاهم في السوق ..
وعموما يحتاج الى خبرة ومراقية ..

اما فتح الحساب فاصبح سهل جدا .. في الكويت .. يوجد البنك الوطني .. والاوسط .. وغيرهم


تحياتي .. وبالتوفيق


رحالي

 

[rahaly]

السلام عليكم

اخوي رحالي

السوق الكويتي اضمن 10000 مره من السوق الامريكي

1- ليس هناك حدود سعريه خبر سيئ ينزل السهم 50 % في يوم واحد الكويتي حد ادنى بس

2- اغلب الاسهم الامريكيه ما توزع لا ارباح ولا منح الكويتي الكل

3- عدد الشركات الامريكيه كبير اكثر من 10000 الشركات الكويتيه 140+ بس ( صفحه وحده تشوف كل الاسهم )

4- كم عدد الشركات المريكيه الي فلست ؟؟؟ الكويتي ما سمعت

5- السوق الكويتي صناديق ومحافظ تلعب بالسوق الامريكي اساتذه باللعب

بختصار الامريكي فرص اضرب واهرب الكويتي استثمار امن باذن الله

أسمحلي ياخوي .. انا كنت في الكويتي ايام المناخ ..

والان للاسف عدت له .. كان هناك هوامير.. أصبحوا محافظ ..
وكان هناك تلاعب .. اصبح التفاف على القانون ..
كان التجار يتداولون في اموال على الورق .. اصبحت المحافظ تتداول باموال المودعين وليست اموال شخصية ..

شركات امريكية افلست ؟؟ طيب حنا سوق بكبره افلس(المناخ)..

والله ياخوي اني اتعامل في الكويتي بشكل مجازفة .. لاني اظن انه ينهار في اي لحظة .. اي لحظة .. كاني ارى الناس تصيح .. يا حكومة لحقي علينا ..

ووجود 10000 شركة شئ جيد وليس سئ ...

وياخوي تعامل مع عشرين شركة ليش عشرة الاف؟؟!!! :d

انا ادليك على عشرة اسهم ومضمون صعودها خلال ثلاثة اشهر 15-20% ..

بالله علمني عن 3 اسهم كويتية بنفس الضمان مع ضمان عدم انهيار السوق..

روح شوف سهم ياهو نازل اليوم من 37 الى 33 دولار .. تداولة 83 مليون سهم !!!!
اسهم الشركة في السوق 47 ملياااااار دولار ...

هذي شركة وحده في سوق فيه عشرة الاف شركة على قولتك!!!

وشوف 14 مليار عقد المخازن تنفيذه في خمس سنوات والله العالم يكمل او لأ.. شسوى في سوقنا !!!!!

اسمحلي على الاطالة .. لكن شوف كم واحد ربح في السوق الامريكي وكم واحد فلسه السوق الكويتي ؟؟!!!!


تحياتي


رحالي

 

[ربحت]

يااااااااااااه رحالى مالك عوايد تناقض روحك...!!!!

أتعرف شركات بالسوق الامريكى مضمون صعودها خلال ثلاثة اشهر وبربح من 15حتى 20%

وتاركها تولى....وداش بالسوق الكويتى ألى راح ينهار بأى وقت...!!!

شنو فلوسك زايده خلاص يبا....بيع الجناعى ألى عندك وأشتر أمريكى بو 20 % ونام وأنت مرتاح وخل الانهيار لنا....!!!!!

(لاسمح الله)

 

[عندك سلف]

انا احد المتداولين بالسوقين الامريكي والكويتي وغيرهما من الاسواق.... لكن المهم هنا المقارنة بين السوق الكويتي والسوق الامريكي
لا شك بان السوق الامريكي سوق عملاق فيه الكثير الكثير من الشركات ( لا تحصى كل يوم شركات داخلة وشركات طالعة وشركات مفلسة وشركات ....)
وان الشفافية موجودة والمعلومة متاحة للجميع وبسهولة ويسر
وان الكميات مفتوحة ممكن تشتري او تبيع سهم واحد فقط او 1000000سهم وبالسعر الذي تريد يعني مافي حد سعري يعني ممكن تشتري بسعر50 دولار وتبيع بسعر 50.01 دولار
و كذلك ممكن يصعد السهم بنفس اليوم الى ثلاث او اربع اضعاف سعره بالامس و ممكن ينخفض الى 10% من سعره بالامس او حتى اقل من ذلك
والكثير من المميزات الاخرى مثل امكانية التداول عن طريق الانترنت من اكثر من وسيط و الخدمات التي يقدمها الوسيط كثيرة ولا تقارن بالخدمات المقدمة من وسطاء السوق الكويتي و مع ذلك تعتبر عمولة الوسيط مقارنة بالسوق الكويتي منخفضة

لكن من ناحية التوقيت...... الوقت الحالي هو وقت اسواق الدول المحيطة بالعراق
(دول الخليج والاردن ومصر.... و كذلك الصين والهند مع انهما بعيدتين لكن اقتصادهما منعش في السنوات القليلة الماضية) منذ سنة 2000 تضاعف مؤشر السوق الكويتي اكثر من ثلاث اضعاف
بينما خسر مؤشر نازداك اكثر من نصف قيمته
والاقتصاد الامريكي يمر بمراحل صعبة بسبب ضعف الاقتصاد والبطالة وارتفاع اسعار النفط والعجز ومنافسة السلع الصينة الرخيصة للسلع الامريكية والتاليف الباهظة للحرب على الارهاب وو الخ
بينما اسواق المنطقة و من بينها الكويت تمر بافضل حالاتها على الاطلاق فاسعار النفط وصلت الى مستويات و الفائض بميزانية الدولة بالمليارات والسيولة انتقلت من الاسواق الاوربية والامريكية الى اسواق المنطقة واضف الى ذلك قرب استقرار المنطقة بعد اسقاط نظام صدام وعودة الثقة الى المستثمرين والعقود الامريكية وووالخ

وبالتالي وانا انصحك اخ رحالي ان تفعل كما فعلت بان نقلت فلوسي من السوق الامريكي الى السوق الكويتي والحمد لله كان القرار صائبا... وهذا لا يعني اني لن اعود الى السوق الامريكي... لكن ليس الان ربما بعد عامين

 

[M$LL$ONA$RE]

أخوى العزيز Rahaly...

تقدر تحلل السوق الكويتى بشكل دقيق...
لازم تحلل السوق من جانب الموجات علشان يطلع دقيق...
بس انا موافق معاك ان السوق المريكى بحر واحلا واحسن!! مو سوق الكويت البحيره...

أخوك...

 

[rahaly]

يااااااااااااه رحالى مالك عوايد تناقض روحك...!!!!

أتعرف شركات بالسوق الامريكى مضمون صعودها خلال ثلاثة اشهر وبربح من 15حتى 20%

وتاركها تولى....وداش بالسوق الكويتى ألى راح ينهار بأى وقت...!!!

شنو فلوسك زايده خلاص يبا....بيع الجناعى ألى عندك وأشتر أمريكى بو 20 % ونام وأنت مرتاح وخل الانهيار لنا....!!!!!

(لاسمح الله)

ياخوي ربحت.. كلامك صحيح بخصوص خطأي بدخول السوق الكويتي ..
واللي خلاني ادخل فيه بعض الشركات اللي قستها بالسوق الامريكي .. وطلعت غلطاااان ..
خذ مثلا الوطنية العقارية .. لو كانت في السوق الامريكي .. كانت اليوم ب 4 دنانير لاسباب تعرفها .. مو شريتها ب 1450 اليوم 1340 !!!!

شوف ebay كان 34 دولار طلع خبر عن تحقيق ارباح 53% اكثر من السنة الماضية .. السهم تداول اليوم 42 !!!

سوق يتفاعل مع الخبر والتحليل والمستقبل .. مو سوقنا !!

وانا ياخوي والله انجرفت ورا السوق الكويتي وشفت نفسي اتوسع شوي شوي وتكبر المحفظة ..

وزادها أحد المحليلين العباقرة .. قعدنا معاه وعطانا ضمانات بصعود اسهم معينة .. اخذنا الطمع .. شريناها ..
النتيجة؟؟

قوووووع

ومثلا ..

الاهلية .. ياني خبر من بطن الشركة وثقة عن توزيع ارباح 70% لعام 2004.. قلت معلومة كنز ..
شريناها ..
النتيجة ؟؟
تتوزع ارباح 70% .. تكلفتنا 415 .. السعر اليوم 300 !!!

الرابطة ..
خبر من قلب الشركة عن امور (ما اقدر اقولها ) .. يتحقق بعضها ..

النتيجة؟؟؟

تكلفتنا دينارين .. وينزل السعر الى 1920 !!! اليوم عساك تسلم على راس المال !!

سنام ..
شوف موضوعي .. انبح صوتي بسبب معلومات عن الصعود منذ كان 385 ..
النتيجة ؟؟
الاخوان في المنتدى شوي ويسبوني ..
والسهم يوصل 435http://www.indexsignal.com/vb/showthread.php?t=26763 !!!


بالذمة هذا سوق اساسه قوي وسليم ؟؟؟

بالذمة هذا سوق ما ينخاف من انهيارة ..

ياخوي لا تنسى انني كويتي .. احب بلدي واحب سوقي ينافس الاسواق .. وودي الكل يربح .. وودي.. وودي .. لكن الحقيقة غير ذلك !!!

وعموما لا تزعل .. اول ما استرجع راس المال(مع شوية ربح.. ضريبة) .. راح اخليلك السوق واطلع

تحياتي وتمنياتي للجميع بالتوفيق

اخوك رحالي

 

[rahaly]

alanb9023 شكرا على ردك الجميل .. وعموما كل شيخ له طريقتة ..
وانا اعتقد السوق الكويتي كان استثماري ممتاز 100% الى نهاية عام 2004 ..
الان اصبح سوق مضاربة غير مدروسة.. ومقامرة .. ولعب محافظ .. واصحاب نفوذ ..
انظر الى مقالات الاخوان لتعرف مدى خطورة هذا السوق ..

تحياتي

الاخ المليونير ...
حبيبي .. هذا السوق صدقني لا ينفع معه تحليل ..
انا لا اعرف بالتحليل الذي تريده..
لكن تابع تحليلات الاخوان جميعهم .. وانت منهم ..
لترى كم نسبة الخطأ بتحليلات السوق الكويتي ..

انا لا اقول ان السوق الكويتي ليس فيه خيرا ..
لكن الخير فيمن يكون له اتصال باصحاب المحافظ والمتلاعبين في السوق..

الم اقل لك في موقع اخر ان ارباح المجموعة 4.5 مليون للنصف الاول؟؟

بالذمة كيف لشخص عادي مثلي تصل له معلومة بهذه الاهمية .. بهذه السهولة؟؟

تخيل اصحاب المحافظ والمتلاعبين .. ما قدر المعلومات التي تصلهم والتي يبنون عليها (تلاعبهم) ..

بالذمة هذا سوق يوثق به؟؟؟

( الامريكي انفع) ..

تحياتي

رحالي