اسماء المناطق على الشيوخ (خربوها)

[دكتورنت]

السلام عليكم ورحمة الله




ياجماعه ملاحظين وصلنا مرحله ماقمنا نعرف المناطق بسبب تشابه الاسامي


مثال عبدالله المبارك ومبارك العبدالله صباح السالم و صباح الناصر الخ


الى المسئولين وشيوخ هذا البلد الحبيب .. كلنا نفتخر بشيوخنا

ولكننا وصلنا مرحلة التذمر .. لدرجة إن البعض قام يقول اسم المنطقه مثال غرب مشرف اكشخ من اسم الشيخ يعني يفتخر بإسم المنطقه ويتجاهل اسم المنطقه الرسمي


وانا سمعت بأن منطقة المسيله سوف يغيرون اسمها الى اسم شيخ .. وممكن يطلعون مظاهرات عشان يوقفون هذا القرار

وممكن بكره ابو فطيره يسمونها بإسم شيخ ومجلس البلدي يصوت بإجماع

عاد ربعنا فالحين بالاجماع والمجاملات على حساب البلد..


يامسئولين هذا البلد ... كفى

 

[barbarian]

يا امعود جان زين يغيرون ابو فطيره والفنيطيس والفنطاس وغيرها من الاسامي اللي تفشل ويحطون اسامي شيوخ احلى واكشخ

فشله تقول ساكن في ابو فطيره ويطلع واحد من الربع ويقولك فطيرة جبنه ولا زعتر شتسوى عليك

 

[فرحان جداً]

اهم يستاهلون صراحه و نعم فيهم...ولكن صراحه المجامله زايده عن الحد المطلوب صراحه غلط... مايصير منطقه اسمها مبارك العبدالله وعبدالله المبارك....يعني احتمال اللخبطه فيها بقوه...يعني اوكي مثلا جابر الاحمد و سعدالعبدالله اوكي...صباح الاحمد اوكي.......بس مو كل ما مات شيخ سمينا منطقه على اسمه لازم يكون الامير وبس...اما غيره على عينا و راسنا بس ماله داعي اسامي تعقد العالم والاجيال القادمه.

بعدين بخصوص الشيخ صباح السالم ...يعني يوجد منطقه صباح السالم...يوجد مستشفى صباح السالم...يوجد جامعة صباح السالم...بصراحه اللي مو كويتي بيضيع ومايدري وين رايح يعني ليش كل مكان اسمه صباح السالم؟ اتمنى من وزارة التخطيط انها تخطط عدل وتفكر عدل...انا اشوفه فشل تخطيطي في انه يسمون اسم منطقه بأسم شخص غير امير الكويت...وتكون منطقه وحده وبس مو ستين مكان نفس الاسم!!!!!!

 

[مقام العز]

معاكم حق فعلا ضعنا المفروض كل منطقه يطلق اسم عليها يحطون صورة الشخص عشان نميز اكثر,, ابشركم بوفطيرة = الدانه,,تم تسميتها بالدانه من قبل ثلاث شهور

 

[(ابوفواز)]

موضوع جيد وصراحه الشيوخ ما يبون هالشي لكن البعض ينافقهم

 

[hbtko]

من ناحيتي ام الهيمان
مدري شسمها

 

[zidantheking]

لو يسوون لنه مناطق سنعة خلي يسمونها كلها على اساميهم و اسامي عيالهم شلمشكلة


لو يسوون منطقة اسمها حمار ناس تسكن فيها للاسف تدور بيت باي طريقة حتى لو كان ضيق و صغير و مزحوم

 

[مهندس وافتخر]

يا اخوان هالكلام مايزعل احد ... الشيوخ اللي تتسمى باسمهم الاسامي للمناطق يجب ان يكونوا امراء الكويت فقط وولي العهد الحالي .. وباجي الشيوخ مع احترامنا لهم تسمى باسمهم مساجد او اعمال خيرية يعني الشيوخ عبدالله المبارك - الشيخ مبارك عبدالله الجابر - الشيخ علي صباح السالم - الشيخ جابر العلي - الشيخ صباح الناصر ..الله يرحمهم جميع ولكنهم ليسوا بامراء الكويت ويجب التمييز بينهم وبين الامراء
وشكرا وكلام الحق مايزعل ... انتو بالكويت قولو اللي تبون

 

[أبو عبد الرحمن]

أنا مؤيد لكلامكم ، وإذا لزم الأمر تتسمى بأسماء أمراء الكويت فقط .

 

[tnvith]

انا ارى ان كثرة التسميه باسماء الشيوخ مو من صالحهم وخصوصا ان احنا دوله مدنيه ولا يميز الشيخ عن غيره الا بما يقوم به من مسؤوليات كل دول العالم تسمى الاماكن باسماء من قدم للبلد الخدمات الجليله وبذلك يثبتون حضارتهم وبان البلد فيها من مواطنيها من نهض بها فلا يقتصر الامر على شيوخنا مع اننا نكن لهم كل محبه وتقدير

 

[مستر راشد]

ياخوفي يسمون منطقة بأسم الشيخ ناصر المحمد ويقومون الاولاد يشطب اسمة بأصباغ الرش .. ساعتها رقع يامرقع حجم الاهانة اللى راح يعرض نفسة لها او يعرضونة لها ..

 

[haddaq8]

كلامكم عدل ، و المشكلة إنه تراث البلد و تاريخه قاعد ينمحي من هالتسميات الجديدة لأن الأسماء الأصيلة للمناطق جزئ من التاريخ الكويتي و حرام علينا يضيع مع الأجيال القادمة

مثال أم الهيمان و الدمنة و الاشدادية و غيرها من الأسماء الأصيلة راح تختفي من تاريخنا و هذا شي حزين ، أنا أشوف إن اسم شخص سواء شيخ أو غيره مايصير يبدل اسم منطقة كما عرفها أجدادنا و تاريخنا

 

[بومحمـد]

تسمية المناطق
المناطق صارت كثيرة

 

[al3muan]

ونعم بشيوخنا ...... ولاكن ضاعت معالم كويتنا .. عندنا مناطق اساميها اثريه وقديمه وتتغير هذا هو الغلط .......

 

[تويجر]

المفروض اسامي الحكام بس واللي لهم بصمه عالبلد نفس الشهيد فهد الاحمد

بس هم ابرك من الظهر والمهبوله وام الهيمان وفنيطيس وفنطاس مابقى الا فنطوس

 

[شوبنق تايم]

والله العظيم شي محير الي قاعد يصير دخنا وتهنا بسبة هالاسامي المتشابهه ولا ندري منو المسؤول عنها !! مجلس الوزراء أو البلديه او المجلس البلدي او منو ؟ مناطق وشوارع ومشاريع اساميها تضيع ومتشابهه صباح السالم وصباح الاحمد وسالم الصباح واحمد الجابر وجابر الاحمد ومبارك العبدالله وعبدالله المبارك وسالم المبارك و و و شالسالفه درينا الاسره الحاكمه بس وبعدين يعني ، ما في دوله بالعالم تسوي جذيه الا الكويت والسعوديه ! تفكير عفى عليه الزمن والاجيال الجديده قامت تستنكره وتشمئز منه لكن العقول المتحجره لازالت لا تفهم هذا الشيء ومصره على اساليب قديمه متخلفه في تسميات المناطق والشوارع والمشاريع ونحن نطالب بالحفاظ على الاسامي القديمه واطلاق اسماء قديمه لها مدلولات جميله وذكريات طيبه لانها تراث ولا يمكن التفريط فيه

 

[zidantheking]

لو كنتم بلسعودية جان اشقلتم كل شيا على اسم الامراء و العائلة الحاكمة

و لو الشيخ ناصر المحمد يسوي منطقة للشعب نفس جنوب السره خلي يسمي كل قطعة على اسمه و عياله و صدقني الناس تبوس راسهم

 

[مقام العز]

كل الاسامي بصوب والسره بصوب ولا قر طبه هذي قووووووووووويه

 

[topic_love]

يا اخوان والله امركم عجيب

تركتوا كل شي وتبون حتى يغيرون اسامي المناطق معترضين ليش على اسامي الشيوخ

قولوا الحمدلله ان احنا بالكويت وحكم الصباح وبسكم يالكويتيين تذمر

شوفوا مصر وتونس وليبيا واليمن شنو صار فيهم لأن الحكام دايسين على روسهم الواحد يخاف يتكلم يتلفت صوبه

واحنا الحمدلله نتكلم بكل شي لدرجة ان قمنا نعترض على اسامي المناطق

خلكم عقلانيين الكويت من كبرها ياخي عبدالله مبارك جدام صباح الناصر ومبارك العبدلله صوب مشرف وبيان اتوقع

مو حاطين المنطقتين جدام بعض عشان تتلخبط فيهم

وبعدين شنو السياره الحين اللي مافيها نافيقيشن يعني حتى التلفون فيه

سكروا الموضوع واللي عافيكم

وقوولوا الحمدلله على الكويت وحكامها

شكراً

 

[سهم استراتيجى]

الاسامي الحلوة واللي ابتكرها الكويتيين وعلى شيوخ مثل السالمية لان السالم كانوا ساكنينها والصباحية = الصباح والاحمدي على الشيخ احمد الجابر لانه مؤسسها بعد اكتشاف النفط والجابرية وهلم جرى