اسماء المناطق على الشيوخ (خربوها)

[haddaq8]

يا اخوان والله امركم عجيب

تركتوا كل شي وتبون حتى يغيرون اسامي المناطق معترضين ليش على اسامي الشيوخ

قولوا الحمدلله ان احنا بالكويت وحكم الصباح وبسكم يالكويتيين تذمر

شوفوا مصر وتونس وليبيا واليمن شنو صار فيهم لأن الحكام دايسين على روسهم الواحد يخاف يتكلم يتلفت صوبه

واحنا الحمدلله نتكلم بكل شي لدرجة ان قمنا نعترض على اسامي المناطق

خلكم عقلانيين الكويت من كبرها ياخي عبدالله مبارك جدام صباح الناصر ومبارك العبدلله صوب مشرف وبيان اتوقع

مو حاطين المنطقتين جدام بعض عشان تتلخبط فيهم

وبعدين شنو السياره الحين اللي مافيها نافيقيشن يعني حتى التلفون فيه

سكروا الموضوع واللي عافيكم

وقوولوا الحمدلله على الكويت وحكامها

شكراً

انت من شاف اسم النيك الي حاطه ، معذور تقول جذي

 

[رواااسي]

انا برايي يسمون منطقه الدايري السابع ابو محمد 63اهو الوحيد اللي مهتم بالموضوع فحرام يروح تعبه

 

[تاجر جملة]

أغلب المناطق اللي مسمينها على اسامي الشيوخ تكون مملوكه للشيخ نفسه أو تاجر من تجار الكويت ، يعني العباسية نسبة لعباس المناور و الحساوي نسبة لوالد فواز الحساوي و كذلك باقي المناطق ، لكن فعلا آنا ما قمت أميز بين المسميات قبل ضاحية عبدالله السالم و صباح السالم و انخربط فيهم فما بالكم الحين

 

[بومحمد63]

انا برايي يسمون منطقه الدايري السابع ابو محمد 63اهو الوحيد اللي مهتم بالموضوع فحرام يروح تعبه

و من قالك مو مسمين علي

مدينة بعد مو منطقة : عريفجان سابقا

شسمها الحين ؟!!!!!

 

[topic_love]

على فكره اسمه نك مو نيك يالفاهم

وانا ماخذيت رايك بالنك نيم ولا سمحت لك تتدخل اساساً

ما بقى الا تعترض على نكات الأعضاء بعد

مادري صاحب المنتدى وانا مادري

ياترد رد محترم وتناقش يا لا ترد احسن

وانا ما وجهت كلامي لك انا وجهته للعموم وتكلمت عن الموضوع

ما تكلمت على الأعضاء

الحمدلله والشكر

 

[FBEye]

اقول روح السعودية الاسماء اللي على كيفك ... احمدوا ربكم.

ابتسم انت بالكويت 

 

[haddaq8]

و الله مشكلة لما تتحجر عقول بعض الناس ، و يدافعون عن الأمور التافهة كتسمية المناطق على الشيوخ العاديين ، و كأن من وراء هذا الدفاع منفعة حقيقية و لكن هي بالفعل شيء سطحي ، أو كأنه يبي يثبت ولاءه للوطن و بالفعل لا ولاء له إلا للمصلحة المادية و الرشوى و الواسطة و البوق ، فهو يصرخ و يدافع في الأمور التافهة ، و لما يكون الموضوع عن بوق و نهب الأموال العامة و ضياع هوية البلد إهني يختفي أهو مع ولاءه الزائف

 

[haddaq8]

و الله الحمد الله و الشكر على نعمة العقل ، يعني السيارة فيها نافيقيشن و خلاص نغير اسماء المناطق الأصلية و نمحي تراثنا؟ شوف المنطق بس !

خلك على موضوعك احسن ، و افتكر لو نترجم نكك يطلع معناه "موضوع الغرام" ، هيهيهيهيهيهيهيهيهي

 

[المميز0012]

- البيت بيت ابونا والغرب ناشبونا - الديرة ديرة بن صباح الي عاجبة اهلا و


وسهلا و الي مو عاجبة يرد باللنج الي جابة او حشى السامع الحمارة


العرجة الي جاي عليها , ناس ما عندها شغل و فاضية الله يلوع كبدكم .

 

[topic_love]

و الله مشكلة لما تتحجر عقول بعض الناس ، و يدافعون عن الأمور التافهة كتسمية المناطق على الشيوخ العاديين ،

مدام شايف انه امر تافه ليش تدخل وتناقش فيه ومتحمس له !!؟
و كأن من وراء هذا الدفاع منفعة حقيقية و لكن هي بالفعل شيء سطحي ، أو كأنه يبي يثبت ولاءه للوطن و بالفعل لا ولاء له إلا للمصلحة المادية و الرشوى و الواسطة و البوق ،

وين دشيت تتهم الناس بالبوق والواسطه والرشوى والمصلحه الماديه !!؟

صار اللي يقول كلمة الحق ويدافع عن امر يشوف انه غلط لازم يكون متنفع !
فهو يصرخ و يدافع في الأمور التافهة ، و لما يكون الموضوع عن بوق و نهب الأموال العامة و ضياع هوية البلد إهني يختفي أهو مع ولاءه الزائف

مو من حقق تتهم احد اخوي وكلن يرى الناس بعين طبعه

و الله الحمد الله و الشكر على نعمة العقل ، يعني السيارة فيها نافيقيشن و خلاص نغير اسماء المناطق الأصلية و نمحي تراثنا؟ شوف المنطق بس !

خلك على موضوعك احسن ، و افتكر لو نترجم نكك يطلع معناه "موضوع الغرام" ، هيهيهيهيهيهيهيهيهي

على فكره الأخوان اعترضوا على الأسامي مو عشان تراث مثل ما تقول وتدعي

الاخوان اعترضوا قالوا نضيع بأسامي المناطق ولأنها متشابهه

انت دشيت الموضوع ودعمت الرصيف وصرت تناقش بالنك نيم اللي انا حاطه

شكلك كبير ( عمر ) وفاضي افتحلك موضوع اخوي وانتقد نكات الأعضاء اذا مو عاجبك بس اول شي انتقد النك مالك اللي ما ينقرا اصلاً

وواضح ان انجليزيتك قوقل وتعرف انجليزي وايد صراحه

على فكره معنى النك عنوان الحب مو مثل ما قلت

وهذا اخر رد عليك صراحه لأن كافي عليك جذي واتوقع النقاش عقيم وياك

لأن احنا نتكلم بالشرق وانت تدخل بالغرب


تحيتي

 

[بــوعبدالله]

تعوذوا من ابليس ياجماعة

 

[haddaq8]

على فكره الأخوان اعترضوا على الأسامي مو عشان تراث مثل ما تقول وتدعي

و الله أخوي شوف مشاركاتهم عدل ، و راح ألخص أهمها للجميع ، و راح تلقى إن الاعتراض على أكثر من شي بس انت الله يهداك مو ذابحك غير إني علقت على نك ، بس لا تحاتي أنا راح أختصر لك أهم المشاركات إهني الي اعترضت على تغيير اسماء المناطق على الشيوخ العاديين و انت احكم بروحك على راحتك لما تهدأ مرة ثانية إذا الناس تعارض هالشي لأسباب أخرى غير التشابه بالأسماء مثل:

طابع النفاق في التسمية (ربما من وراءه مصلحة البعض) ، عدم التمييز (و بالتالي التفضيل) بين الأمراء و الشيوخ العاديين ، قلة التسمية على من قدم الأعمال الجليلة و من له أثر على حضارة البلد ، فقدان الأسماء الأثرية و القديمة

و الأسباب المذكورة اعلاه من الاقتباسات التالية:

موضوع جيد وصراحه الشيوخ ما يبون هالشي لكن البعض ينافقهم

يا اخوان هالكلام مايزعل احد ... الشيوخ اللي تتسمى باسمهم الاسامي للمناطق يجب ان يكونوا امراء الكويت فقط وولي العهد الحالي .. وباجي الشيوخ مع احترامنا لهم تسمى باسمهم مساجد او اعمال خيرية يعني الشيوخ عبدالله المبارك - الشيخ مبارك عبدالله الجابر - الشيخ علي صباح السالم - الشيخ جابر العلي - الشيخ صباح الناصر ..الله يرحمهم جميع ولكنهم ليسوا بامراء الكويت ويجب التمييز بينهم وبين الامراء
وشكرا وكلام الحق مايزعل ... انتو بالكويت قولو اللي تبون

انا ارى ان كثرة التسميه باسماء الشيوخ مو من صالحهم وخصوصا ان احنا دوله مدنيه ولا يميز الشيخ عن غيره الا بما يقوم به من مسؤوليات كل دول العالم تسمى الاماكن باسماء من قدم للبلد الخدمات الجليله وبذلك يثبتون حضارتهم وبان البلد فيها من مواطنيها من نهض بها فلا يقتصر الامر على شيوخنا مع اننا نكن لهم كل محبه وتقدير

ونعم بشيوخنا ...... ولاكن ضاعت معالم كويتنا .. عندنا مناطق اساميها اثريه وقديمه وتتغير هذا هو الغلط .......

و بالنهاية أحب أختم بأكثر رد عجبني و هو ما يؤيد أهم نقطة و هي الحفاظ على تراث و هوية البلد:

والله العظيم شي محير الي قاعد يصير دخنا وتهنا بسبة هالاسامي المتشابهه ولا ندري منو المسؤول عنها !! مجلس الوزراء أو البلديه او المجلس البلدي او منو ؟ مناطق وشوارع ومشاريع اساميها تضيع ومتشابهه صباح السالم وصباح الاحمد وسالم الصباح واحمد الجابر وجابر الاحمد ومبارك العبدالله وعبدالله المبارك وسالم المبارك و و و شالسالفه درينا الاسره الحاكمه بس وبعدين يعني ، ما في دوله بالعالم تسوي جذيه الا الكويت والسعوديه ! تفكير عفى عليه الزمن والاجيال الجديده قامت تستنكره وتشمئز منه لكن العقول المتحجره لازالت لا تفهم هذا الشيء ومصره على اساليب قديمه متخلفه في تسميات المناطق والشوارع والمشاريع ونحن نطالب بالحفاظ على الاسامي القديمه واطلاق اسماء قديمه لها مدلولات جميله وذكريات طيبه لانها تراث ولا يمكن التفريط فيه

و انت على راحتك تقدر تعيش في هوسك على مواضيعك ، و الأجيال القادمة راح تخسر الكثير بينما انت تدافع عن التفاهة (و هي مجاملة بعض الشيوخ بتسمية المناطق) على حساب تراث البلد اللذي هو غالي على كل مواطن أصيل يحب بلده و يخدم أجياله القادمة ولا يرضى على فقدان هوية البلاد و معالمه التاريخية

و صدقني اللي يقولك الشيوخ يستاهلون ، على موضوع تغيير الأسماء القديمة ، مو فاهمين الكويت و ثقافتها و حريتها و هؤلاء يا إنهم حديثي النعمة و مو عارفين شلون يثبتون ولاءهم إلا بالمجاملات و الكلام السطحي ، أو إن لهم مصالح ، أو إنهم مغسولة عقولهم من غيرهم أو تفكيرهم بسيط و مشحون بالعاطفة

الأصيل بين و المرتزق بين

 

[تويجر]

المهم يخلصون البيوت بسرعه ويسمونها اي اسم

 

[سلطان الكاسر]

لالالالالالالالالالالا