سؤال من ناس مبتدئيين لأهل الخبره

[ام فهد]

السلام عليكم
في البدايه انا يديده على سوق الاسهم وماعندي الخيره الكافيه مثلي مثل غيري
وحابه افهم الاسهم قبل لادش واعتقد ان اغلب الزوار حابين مثلي يتعرفون واتمنى القى إجابات لبعض اسإلتي
مثل اين ممكن ان افتح محفظه مع العلم ان بنكي الوطني
وكيف يمكن ان اتابع الاسهم واشتري وابيع
اتمنى مره اخرى ان يكون صدركم كبير لاستقبال اسإلتي
وانا في انتظار ردودكم الكريمة

 

[الريان]

عندنا الاخ موظف بالبورصه ان شاء الله يفيدج بهالموضيع

بس نصيحة قبل لاتدشين لازم تتعلمين اصول اللعبه او اصول التجاره بمعني اصح

 

[ام فهد]

مشكور اخوي الكريم على ردك
هذا شي اكيد انشالله

 

[المهندس 777]

تداول الاسهم

الاخت ام فهد
بإمكانك ان تتداولي الاسهم بعدة طرق منها
- فتح حساب بشركة الاوسط و بعد ايداع مبلغ معين من المال يمكنك ان تتداولي بالسوق الكويتي او ان احببت بالامريكي
- فتح حساب لدى المقاصة وبعدها تتداولين الاسهم هن طريق الوسطاء في البورصة
وهناك شركات اخرى غير الاوسط
والله يوفقك يا رب

 

[ام فهد]

مشكور اخوي الفاضل
بس انا ابي ادش النت واجابل الاسهم واتداول عن طريق النت

 

[المهندس 777]

مشكور اخوي الفاضل
بس انا ابي ادش النت واجابل الاسهم واتداول عن طريق النت

بالاوسط تقدرين تتداولين بالانترنت

 

[فارس العنزي]

السلام عليكم
في البدايه انا يديده على سوق الاسهم وماعندي الخيره الكافيه مثلي مثل غيري
وحابه افهم الاسهم قبل لادش واعتقد ان اغلب الزوار حابين مثلي يتعرفون واتمنى القى إجابات لبعض اسإلتي
مثل اين ممكن ان افتح محفظه مع العلم ان بنكي الوطني
وكيف يمكن ان اتابع الاسهم واشتري وابيع
اتمنى مره اخرى ان يكون صدركم كبير لاستقبال اسإلتي
وانا في انتظار ردودكم الكريمة

أم فهد حياك الله بالمنتدى وبسوق الأوراق المالية أيضاً
عن طريق النت تقدرين تتداولين وتضعيين أوامر الشراء أو البيع بنفسك عن طريق الأوسط والمتداول أيضاً ، وإليك هذه النصائح :
1 - إعلمي أن التداول بالسوق يحمل الربح والخساره فيجب تقبل الإثنين .
2 - الترييث مطلوب وعدم أخذ قرار الشراء أو البيع لأي سهم إلا بعد دراسته وأن تكوني مقتنعه فيه وإعلمي إن رزقك ستأخذينه فقط وإللي الله مو كاتبه لك لا تتحسفين عليه ( سواء بالربح أو الخساره ) .
3 - أرشح لك سهم بوبيان للبتروكيماويات بالوقت الحالي لأن سعره مناسب ويتراوح مابين دينار و 1020 فلس لأن الربع الأول للشركة مع نهايه شهر 7 يعني قريباً سيتم الإعلان عن أرباح الربع الأول وسينطلق السهم ، وأكيد في شركات كثيره بس إنقرصت من كم شركة وأتخذت قرار ما أشتري إلا كم شركة وما أطلع منهم ولله الحمد ما شيه حلاوه وإليك بعض الشركات الممتازه ( الأنابيب ، بوبيان ، الهواتف ( بس الحين سعرها مرتفع ) ، الإتصالات ( شكلها رايحة 3 دنانير والحين 2360 فلس ) .
4 - أنصحك بعد دراسة سهم معين بالصبر عليه لآخر السنه أو بدايه 2006 شهر 1 أو 2 لأن بهذه الفتره غالباً وأكرر غالباً ما تصل الأسعار ذروتها وهذه الطريقة مضمونه الربح بإذن الله وخلال هذه الفتره تكتسبين مزيد من الخبره .
وأخيراً أتمنى لك التوفيق
بو عبدالله

 

[الشامي2002]

اخذو الاتصالات الوطنيه

السلام عليكم
في البدايه انا يديده على سوق الاسهم وماعندي الخيره الكافيه مثلي مثل غيري
وحابه افهم الاسهم قبل لادش واعتقد ان اغلب الزوار حابين مثلي يتعرفون واتمنى القى إجابات لبعض اسإلتي
مثل اين ممكن ان افتح محفظه مع العلم ان بنكي الوطني
وكيف يمكن ان اتابع الاسهم واشتري وابيع
اتمنى مره اخرى ان يكون صدركم كبير لاستقبال اسإلتي
وانا في انتظار ردودكم الكريمة

اخذو الاتصالات الوطنيه 6شهور أجل وذمني او امدحني

 

[ام فهد]

يعطيك العافيه اخوي الكريم فارس العنزي على معلوماتك القيمه
واشكر اخوي النشامى على رده
بس شنو يعني بالاجل؟؟؟؟

 

[فارس العنزي]

يعطيك العافيه اخوي الكريم فارس العنزي على معلوماتك القيمه
واشكر اخوي النشامى على رده
بس شنو يعني بالاجل؟؟؟؟

الآجل هو أن تشتري أسهم وتدفعي ربع قيمتها على أن تدفعي باقي المبلغ خلال 3 شهور أو 6 شهور أو 9 شهور أو سنه ولكل مده منهم سعر يختلف عن الآخر وفي حال جاء موعد الدفع للأسهم يفترض إما أن تدفعي المبلغ المتبقي أو يصادر ما تم دفعة من قبلك ( ربع المبلغ ) ونصيحة وخري عن الآجل لأن ممكن يوهقك

 

[ام فهد]

بصراحه اخوي الكريم شكلي بتوهق فيها
اذا الاقساد انا ماحبها هالدور السالفه فيها اجل !!!!

 

[bodalal]

أنصحج بقراءة هذي المواضيع .. فيها اجابات لمعظم الأسئلة ... وبالتوفيق

http://www.indexsignal.com/vb/showthread.php?t=27907


http://www.indexsignal.com/vb/showthread.php?t=26812

http://www.indexsignal.com/vb/showthread.php?t=28779



.

 

[Wise]

ام فهد السوق بدون مصادر او تحليل فني مايوكل خبز لئن الانسان داش السوق وحاط حلاله فيه والحلال عديل الروح ... ممكن اي دخول خاطئ على اي سهم تخسرين خساره كبيره لئن عندنا اكثر المتداولين يدش على سهم واهو معطي اشارة خروج .... بعدها يلعب بعصابك السوق نازل صاعد وانت بس مغير اتفرج .. وينطبق عليه المثل اللي يقول اللي على المدرج يتفرج ... ان بعت الا الخساره كبيره وماترقع..وهذى احصلت مع كثير من الناس واتحدا اي متداول فى السوق يقول ما حصلت وياه هذى اللعبه وخاصتن المبتدئين فى السوق وايضاً اللي يزيد الخساره هي الاشاعات اللي يروجها البعض العقد الفلاني توقع والارباح خياليه ... الخ من الامور والفبركه اللي قاعده تحصل ... انا نصيحتي لج لا ادشين السوق من غير توصيات ومن غير تحليل فني واذا بدشين ابتعدي عن شي اسمه اشاعه .. واتمنى انج اتراجعين كلامي وكلام الشباب اللي هدفهم مساعده اخوانهم الاعضاء وفيه نصيحه قالها اخوي الريان اللي يتبعها فى اي سوق فى العالم راح يكون شخص ناجح من وجة نظري اللي هي .. انك اتحكم فى السوق ولا اتخليه يتحكم فيك واللي يطبق هذى النظريه صدقوني يكون شغله سليم .
بالنهاية تقبلي تحياتي ابو فهد ​