سهم الجمعة 5/8/2005 ... لا يفــــــــــــــــوتكم

[aymutlaq]

السلام عليكم

السهم موقع بحث مثل قوقل .. لكن صيني .. وشركة قوقل مهتمة بشراء الشركة .. ويتوقعون دمج السهم مع سهم قوقل .. كل هذا مجرد اخبار .. والمستثمرين .. ينتظرون نزوله فى يوم الجمعة بعد غدا ..

السعر المتوقع للسهم بين 19.00 دولار وبين 21.00 ..

السعر المتوقع فى المستقبل بين 45.00 وبين 50.00 .. مجرد توقع

راس المال سيكون اكثر من 650 مليون دولار ..

طبعا الشركة ستكون عامة . حيث الان خاصة .. وفى محطة التلفزيون .. تحدثوا عن السهم ..وقالوا اكثر من 100 مليون صيني يستخدمون الموقع .. وهو اكثر المواقع الصينية من حيث الشهرة والاستخدام .. .. وسوف يتم تنزيل السهم تحت مؤشر نازدك .. فى يوم الجمعة .. 5/8/2005

بالتوفيق ان شاء الله تعالى للجميع ... دعواتكم .. على شان نحط لكم اسم السهم

.

 

[abuabdulla]

اسم السهم

روح اللة يوفقك في الدنيا والاخرة

 

[circle]

الله يبارك لك بوعمر
شنو رمز السهم

 

[aboyousef]

ابو عمر ماشاء الله عليك موسوعه
الله يزيدك من فضله ويرزقك من حيث لاتحتسب ..........امين.

 

[aymutlaq]

الافاضل ..

abuabdulla
مشاري
ابويوسف ..


الله يجزاكم خير .. والدعاء موصول لكم ... ان شاء الله ..

السهم سوف ياتيكم على الخاص .. لكن جهزوا فلوسكم .. يوم الجمعة فى البري ماركت .. السعر كما اسلفت سيكون بين 19.00 وبين 21.00 ..

اسال الله الكريم التوفيق للجميع

 

[maseela77]

بوعمر جزاك الله خيرا على ما تفعل
لا تنساني وضمني على الخاص ايضا اذا تكرمت

 

[bodalal]

.


يا معود شدعوه ... حط الرمز للشباب خل يستفيدون إذا شايف وراه فايدة .. أو حذرهم إذا في شي مني وإلا مني ..

وساعتها الكل راح يدعيلك ... وعلى العموم ... جزاك الله خير على كل حال .. حتى لو ما حطيت الرمز ..

عسى الله ينفع المسلمين بعلمك ... لا تبخل على الشباب بعلمك ...

ومشكور ... ولا تزعل مني .. ترى مجرد نصيحة .. حب لأخوانك اللي تحبه لنفسك ... والله يرزق الجميع بالحلال ..


.

 

[Brocade]

وين السهم يابوعمر ؟؟ الا اذا كان لناس وناس!!!

اذا كنت ماودك تذكر السهم لاعضاء المنتدئ ليستفيدو منه ... لماذا كتبت

الموضوع اساسا.....؟؟؟!!!!

لاتزعل مني وانا اخوك,,,,,,,, في خاطري وقلتها ,,,,,,,,,,

 

[moood]

شنو رمز السهم يابوعمر
جزاك الله خير

 

[maseela77]

الاخ بودلال
الاخ Brocade
ترى بوعمر مو مقصر وفي اليوم الواحد يضع من اربع اسهم الى خمس اسهم في المنتدى وهو من اكثر الاشخاص الذين نفع بعلمهم اعضاء المنتدى
لذا لا تستعجلوا في الحكم عليه اذ قد يقوم بدراسته قبل وضعه في المنتدى بشكل صريح

 

[assa]

الصراحه انا اشوف ان ابو عمر مايقصر

وانا صراحه اخذ اكثر أرائه وانا مغمض

والصراحه انا اشوف انه ماحط اسم السهم الا لحكمه واعتقد انه للدراسه وعدم الاستعجال من بعض الشباب

والله اعلم

والخبر اليوم بفلوس
بكره .... ببلاش
ومشكور يا بو عمر على كل حال انت والاخوان الطيبين

 

[bodalal]

.

مشكور يا خوي maseela77 على النصيحة الطيبة ... وترى والله ما قصدي شي ..

بس اللي ما يعرفك ما يثمنك .. ونعم والله بأبو عمر والجميع ..

أنا بس اعتقدت السالفة مثل واحد من الشباب هني الله يعطيه العافية .. حاط مشاركة لبرنامج بس اللي يبي الرقم السري لازم يكتب ايميله وبعدين هو يرسله الرقم بالايميل .. عاد ليش هالعبالة .. يا أخي حط الرقم واللي يبيه ياخذه ...

واسمحلي .. وآسف يا بو عمر ترى مو قصدي شي والله ..

.

 

[aymutlaq]

السلام عليكم .. ما بعد هالكلام شي ..

الحكمة اني ما ابي السهم يروح عن منتدى المؤشرنت .. حتى يجي وقته .. تمييز . للمنتدى والاعضاء .. لكن .. ايش نقول ..

ثانيا ابي الذي يبي السهم ويهمه يطلبه .. ومن عيوني .. يبشر .. والسهم ما جى وقته .. الى اللحين ..

تفضلوا هذا الرمز .. وللمعلومية المواقع الامريكية .. يتكلمون عنه كثير .. وايضا شركة قوقل اشترت 2% من الاسهم ..

وانا لم اقصر مع احد .. والله ابذل كثير من الوقت لجعل المعلومة بين يديكم بكل سهولة ..

ومن يدعي لي مرة ادعي له اكثر من مرة والله وحده يعلم ذلك .. واسال الله الكريم ان يوفق الجميع لمايحبه ويرضاه ..


سيكون المضاربة على السهم غدا الساعة الثالثة ظهرا ..

اسم السهم المتوقع
BIDU

http://finance.yahoo.com/q?s=bidu

رابط الموقع الصيني ( محرك البحث )

http://www.baidu.com/

اتمني ان توفقوا فى المضاربة فى السهم ..

للمعلومية السهم سيكون علية تداول مثل سهم قوقل .. فى بدايته ..

لاتنسونا من دعائكم .. ولا يفوتكم السهم فى البري ماركت .. ان شاء الله تعالى .

 

[bodalal]

.


الله يجزاك خير ويرزقك الرزق الطيب الحلال ويجعل هالجهد في ميزان حسناتك .. وينفع المسلمين بعلمك ويبارك لك في صحتك ...

واسمحلي يا بو عمر على كلامي إذا كان جارح ... ترى والله مو قصدي شي ...

مشكور ..

.

 

[aymutlaq]

ولا يهمك اخي bodalal .. الله يعطيك العافية ..

اسال الله الكريم ان يوفق الجميع .. ويزيدنا من فضلة واحسانه جميعا ..

انا بخدمتكم .. ابشروا بالذي اقدر عليه ..

 

[صاعد نازل]

ابو عمر

انا اشهد ان هذا الرجل رايته بيضه وقلبه ابيض ويحب الخير للكل ولا يبخل على احد

 

[bodalal]

.

تعرفون جم سعره هالحين ؟؟؟؟

عندي برنامج معطيني سعره هالحين 72.97 دولار

هل هالكلام صحيح ؟

.

 

[bodalal]

 

[aymutlaq]

الله يعطيكم العافية جميعا .. وتستاهلون كل خير ..

سعر التداول سيفتتح بين 19.00 دولار وبين 21.00 ..

اسال المولى الكريم بان يرزقنا جميعا .. يارب ..

 

[بن سويلم]

الله ايكثر من امثالك يا بوعمر والله لايحرمنا منك وجعلها الله في ميزان اعمالك

اثريت المنتدي انت مع الاخوه الكرام في حب الخير وحب لاخيك ماتحب لنفسك

وتقبل مني فائق الاحترام