الاسهم الامريكية

[متقاعد]

السلام عليكم ورحمة اللة وبركاتة. يجماعة شايب من شيابكم وعندى سؤال ياعيالى عن السوق الامريكى وابى مساعدتكم انا. اشتغل فى السوق الكويتى و%70 من فلوس بيعة المعاش اخذوها البحر والجناعات وابتلشت لا وفوق هذا احراج كثير من الناس الى نصحتهم ياخذون جيزان وبيان يعنى خبيرصرت.واللحين يشباب تنصحونى احول على السوق الامريكى وانا عندى احساس قوى سبحان اللة يقول ان رزقى هناك والرزق على اللة سبحانة ها يشباب تنصحونى ادش السوق الامريكى ولا اخلية على طمام المرحوم وشكرن

 

[Friday]

اذا الاسهم تمشي بدمك وماتبي تهدها ، نوع في المحفظة لا باس


سوقنا الكويتي الحين جيد ، وفي شركات زينة

اشتر الوطنية للاتصالات وبات عليها لا تهدها

واذا تبي الامريكي
شوفلك سهم فيه خير ، ووخر عن الاسهم الصغيرة

اشتر سهمين جيدين من الاسهم فوق عشرة دولار ، ولا تشتري الا بعد ما تاخذ رأي الاخوان الخبراء الموجودين مثل ما تسال الحين
ولا تفكر في البيعة قبل ست شهور على الأقل اذا كانت فيها خير.

بس اكرر
نصيحة ثم نصيحة ثم نصيحة ثم نصيحة
ابتعد عن الاسهم الصغيرة ثم ابتعد عن الاسهم الصغيرة ثم ابتعد عن الاسهم الصغيرة

نصيحتي هذي راح تذكرها باقي العمر

لا يعيشونك في الاحلام


والله يوفقك ويعطيك طولة العمر ويرزقك آمين.

 

[شايب 2000]

حيا الله المتقاعدين

وحنا وراكم ياخوي شكلنا بنتقاعد


لكن الواحد منا تعود على الشغله

انصحك ياخوي بمتابعة الاسهم التى ينزلونها الشباب اهل الخبرة

ومن ثم تعلم التحليل الفني لانه سيساعدك على فهم الاسهم وحالتها اما في

صعود واما في نزول .

واتمنا الا تدخل في اسهم البني لانها تتطلب صبر ومخاطرة كبيرة

واتمنا ان تجرب بنصف المبلغ الموجود في محفظتك حتى تستفيد في حالة

الخسارة وتعوض مافاتك واتمنا من الله ان يرزقك من واسع رزقه .

ولا تنسا انه سوق يعني في خسارة وفي مكسب

اتمنالك الخير ياخوي متقاعد الله يوفقك

 

[ابو رغوده]

طيع شوري يا يبه واترك السوق الامريكي خلك بالكويتي ارباح وشغل عدل وشركات تعرفها وتعرف مدراء الشركات ابرك من الشركات اللي ماتعرف عنها شي حتى الامريكيين مايعرفون عنها شي وشرايكم يالربع بكلامي اذا فيه شي انا اتقبل النقد وانا احد اخوانكم الصغار هنيه واتعلم منكم

 

[assa]

السلام عليكم ...
اما بعد
ياهلا ومرحبا فيك يا اخوي المتقاعد
وانا انصحك مثل نصائح الاخوان
وروح الى الكويتى على الاقل لو تشترى اسهم بيت التمويل الكويتى
وبيت التمويل الخليجي بعد اسبوعين او ثلاثه وتنام على الاسهم صدقنى راح تبيعهم قبل الجمعيه العموميه بيوم بمربح لا يقل عن 30 بالميه
ولا تدش الاسهم عموما الا اذا دشيت دوره عن الاسهم
وفى دوره لشركه الدار تلقا اعلانها فى جريده الوطن دائما
حلوة الدوره هذى يعلمونك كل شي عن الاسهم ويوقفون معاك فى البورصه ويقولون لك شلون تتداول الى ان تعتمد على نفسك كمضارب فى بورصه الكويت ... وهى افضل لك على الاقل مادمت غشيم فلوسك تروح لمسلم
مو تروح ليهودي فى السوق الامريكيه اذا خسرت هاهاهاها
والا الخساره هى الخساره
على العموم الله يوفقك بس اهم شى الطمع وخر عنه ...
واذا تبي الامريكيه هم فيه دوره يسمونها دوره المؤشر نت حلوة على كلام الربع الى هنى فى الموقع هذا
والله ولى التوفيق
ونسال لك خير الرزق والجنه لك وللاخوان اجمعين قولوا امين

 

[khalid592]

انا نصيحتي لك ان تبتعد عن السوق الامريكي لانه يبيله متابعه اول باول وشركاته صاعده نازله يعني ماكو حد اعلى وادني مثلنا

خلك على الكويتي مدامك ماتعرف شي بالسوق الامريكي ..

اما اذا انت حاب الشغله وتبي تدش على راحتك ..

بس ياخوي مدامك خسران شوي .. انا اقول خلك بالكويتي وحاول تعوض ونشالله انه الله يرزقك نشالله ..

حط فلوسك بشهر تسعه بشركه سلطان ولا بيان او المخازن اذا كانت نازله وانطرها لي شهر اربعه ونشالله تدبل فلوسك واهي قدام عينك عشان تعوض اللي راح ...

والله يرزقك ويوفقك نشالله ..

فمان الله ..

اسال عن سهم اسمه عقار سعره يمكن الحين 170 فلس وراح يوصل بعد شهر الى 250 فلس ..
ولا تعتبرها توصيه شراء بس حاول تسال عن السهم في كلام عنه

بالتوفيق نشالله

 

[متقاعد]

جزاكم اللة خير وماقصرتو

 

[meshal]

الله يوفقك إنشاءالله والاخوان ماقصرو بالرد

عندي نقطه اضافيه لو تكرمتلي وهي

يخوي الاسهم حالها حال اي تجاره بالعالم اول شي تحتاجه هي المعرفه

وهي اهم شي بعدها راس المال

انصحك يخوي لله لاتعتمد على غيرك اعتماد كامل ومثل مايقول المثل حلال تودعه بيعه

خل غيرك يزيد معرفتك او ينبهك الا امور قد لاتعرفها بالسهم لكن الاصل عندك وهو المعرفه

لابد من العلم وانت اعرف مني بالدنيا, اي شي بدون علم قد يضيع صاحبه

عسى ربي يوفقك

 

[عيدان]

طيع شوري يا يبه واترك السوق الامريكي خلك بالكويتي ارباح وشغل عدل وشركات تعرفها وتعرف مدراء الشركات ابرك من الشركات اللي ماتعرف عنها شي حتى الامريكيين مايعرفون عنها شي وشرايكم يالربع بكلامي اذا فيه شي انا اتقبل النقد وانا احد اخوانكم الصغار هنيه واتعلم منكم

مع احترامي لاخونا بورغوده ..كلامه مو عدل
نصيحتي انا ...تابع احدى الشركات العظمى بالسوق واسعارها مناسبه ...مثل csco msft intc وغيرها ..خلك متابعها بتواريخ قديمه وتابعها مستقبلا لمده شهر مع دراسه بالقوائم الماليه لها وغيرها (اساسيا يعني )
وتنطرها لما تكون نازله وتشتري ..وتتوكل على الله بس مو كل محفظتك...
الجزء الثاني من المحفظه تلعب فيه مع نفس السهم الي شاري فيه ...
اعطيك مثال : شريت مثلا سيسكو ب10000 دولار وباقي المحفظه مثلا 10000 دولار في حاله صعود السهم اتركه وتابع اخباره من وقت لي وقت لاتعور راسك كل يوم تشوفه ...في حاله نزول قوي للسهم اشتر كميه ثانيه لان مثل هالشركات صعب انها تنهار ..الا اذا في اخبار قويه على امريكا والعالم
والتاريخ يثبتلك كلامي ..راجع الشركات هذي وشوف تارخها ...
اما بالنسبه لكلام اخونا عن الارباح والمنح وغيرها ... من قالك انه السوق الامريكي ما يعطيك او يوزع لك؟....
ونصيحه لاخونا المتقاعد الاخيره ...ابعد عن البروكر المحلي والبنوك (عموله وخدمه غير عن العالم)
من واقع تجارب مريره معاهم ...
هذا ما حبيت اقوله لك باختصار ...لان الكلام كثير عن هذا الموضوع
واذا في اي مساعده انا حاضر