وش سبب كره الكثرين لاسهم البني ؟؟؟؟

[هلالي]

بسم الله الرحمن الرحيم

هذا اول موضوع لي بالمنتدى وان شاء الله نقدر نستفيد من بعض والله يوفق ويرزق الجميع ان شاء الله

ودي اعرف سبب الحمله على اسهم البني واللي يقولون لاتشترون وابتعدوا عنها تماما وانها سبب خساير ؟؟
كيف بتكون سبب خساير وهي سعرها بالسنتات يعني لو تاخذ عشرة الاف سهم تشتريها يمكن ب 30 $
فكيف بتكون خساره؟؟؟
صراحه انا ماعندي خبره كثيره بس مااشوف فيها خساره يعني مااقول انك تدخل السوق وتستثمر بس بالبني لكن مايمنع انك تشتري ب 10 شركات وتخليها ومنت بخسران شي صح ولا لأ؟؟؟

اتمنى من اللي عنده خبره بالبني يفيدني انا شريت ب 5 شركات ودي اعرف وش رايكم فيها :
1-rwnw
2-ivoc
3-nnnc
4-insn
5-crgo
ob

ياليت من اللي عنده خبره يفيدني وينصحني باشياء ثانيه

وبعدين في شي محيرني ليش الفوليوم على البني يكون كبير جدا ولكن ترحكها بطئ هل لانها بسنتات ولا لا ؟؟؟؟

والسلام ختام

 

[aboyousef]

اخوي هلالي
ابختصر لك الجواب
لان كثير من اسهم البني خاصه الصغيره جدا ينتهي بها المطاف الى التقسيم العكسي او الانقراض لان اسهمها يكون عددها بالمليارات وبالتالي الخساره شبه مؤكده.
هذا الجواب باختصار شديد.
ممكن بعض اسهم البني تمشي مع الواحد وتتضاعف
لكن تظل مشكله كبرى.
بالتوفيق للجميع.

 

[قلم حر]

السلام عليكم
بالنسبه للاسهم اللي شريت فيها انا اعرف بعضها
وهي ليس بالسنتات وانما اقل.
واستثمار 30 دولار غير مجدي نهائيابشركه بني
مثال :
استثمرت 30 دولار وارتفع السهم الى الضعف وحبيت تبيع
اصبح المبلغ 60 دولار وبعد خصم عمولة الوسيط احتمال
تطلع مطلوب .
وانا خسران كامل راس المال مرتين ونص الثالث بسبب اسهم البني .
زبدة الكلام : يدلك على الخيل الاصيل اثمانها

 

[assa]

العموله فى الاوسط اذا تبي تشترى ياخذون 18 دولار
واذا بعت ياخذون من المبلغ 18دولار
المجموع عند الشراء والبيع 36 دولار
هذا اولا ...
ثانيا : لو فيها خير مانزلت تحت الدولار لانها وقت اكتتاب الاسم فى بدايه الشركه كان السهم بدولار هاهاهاها
وانا اتابع السهم فتره لاتقل عن شهر الى شهرين بعدها اعرف الى اين يصل
وممكن تقدر تضارب فى الستوك بنى اذا عرفت له
هذى مو توصيه شراء لان الستوك خساره فى خساره الا الذى يوفقه الله الى الربح
والله يوفقك الى مافيه الخير

 

[شايب 2000]

الاخ هلال السلام عليكم ورحمة الله

اذا تباغى يكبر راس مالك فبتعد عن البني

وهذه نصيحه ممن جربو البني

ونا واحد منهم

واتمنا ان تجرب اكثر من 5$

والله يرزقك

 

[عيدان]

كلامكم كله على العين والراس واسهم البني سبب خساير كثير من الناس
بس للي يعرفلها بصراحه ما يخسر بس اهم شي يقتنع بالربح القليل ولا يطمع
....
انا ياجماعه صارلي مده معاها واكثر من مره كتبت عن هالنوع من الاسهم ..
خذ نسبه منها من الربح واهرب حتى لو وصلت السماء .. وان لاتزيد مده تحفظك بالسهم اكثر من اسبوعين...اسؤلوني والحمد لله مستمر فيها

بس انك تشتري اسهم بالسنتتات وتتوقعها بتصير دولارات بعد كم يوم او شهر .. هني الخساره بتجيك اكيد..
اقتنع بالربح القليل .. انا بالنسبه لي 8% من اسهم البني الي اتعامل معاها ..
والحمدلله فوق النخل والمبلغ لايزيد عن 2000 دولار في السهم لاسباب كثيره ...
ودمتم سالمين