ا ستفسار بخصوص فنادق بوكيــت

[موفق خير]

السلام عليكم

بروح بوكيت بالعيد بروحي ان شاء الله وابي فندق زين ومجرب وسعره معقول وقريب من كل شي


شكرا

 

[kwaity1978]

حبيبي جرب اي فندق قريب من بوتنق بيج السطره الاولى على البحر وجريب من شارع البارات او تقدر تجرب الفنادق الي يم المجمع التجاري نسيت اسمه

 

[الدينار]

أخوى اذا بروحك وتحب فندق مرتب ونظيف على شاطئ باتونج بيج
عندك

فندق بين لاماى
http://www.baanlaimai.com/

قريب من المطاعم وكل شئ وفيه غرف مطله على المسبح وغرف مطله على البحر مباشرة وسلامتك

 

[جاسم بوحمود]

جرب فندق باتنق براقون وما راح تندم

 

[موفق خير]

شكرا شباب وعساكم على القوة

 

[kuwait1979]

blue marrine

المرسى الازرق

من اسمه قووووووي
والاطلاله مالته حلوه وشي مرتب
وسعره رخيص
انا ساكن فيه - 100%

.​

 

[LEXUS]

اخوي دش booking.com وشوفهم بنفسك
اذا على الباتونق بيتش عندك bliss و amari و Banthai و Holiday Inn
وذا ماتبي على البحر دايركت عندك The key و R-Mar فنادق ممتازه و رخيصه عن تجربه
وذا تبي شوي بعيد بس عجيييب عندك sea pearl
وذا تبي بعيد حيل بس مووو طبيعي حده يعاملونك جنك مليونير banyan tree
بس الاخير هذا شوي غالي

 

[Bo-SaNaD]

السلام عليكم

اخوي اذا تبي الهيصه والمنطقه الحيه خلك في منطقه الباتونق بيتش لان كلها مطاعم عربيه وكل شي يمك واهي المنطقه السياحيه الاولى في بوكيت

ومن فنادقها :
1- فندق باتونق مارلين
2- الهوليدي ان
3- باتونق بيتش هوتيل
4- هورايزون وفيه مطعم هندي مو طبيعي
5-فلورا
6-بان تاي

هذول طبعا فنادق نظيفه وخمس نجوم وكلهم على البحر في الباتونق بيتش واسعارهم تتراوح مابين ال 25 الى 40 دينار لليله الواحده وتقدر تحجزهم عن طريق موقع بوكينق او اقودا ويسوون عليهم عروض

..........

اذا تبي اقل مستوى واقل سعر عندك الشارع اللي ورا شارع الباتونق بيتش فيه فنادق من 3 الى 4 نجوم واسعارها رخيصه طب وتخير فيهم بس اذا وياك عائله انصحك بالي كتبتهم لك فوق

واذا تبي اساعدك بمكتب سياحه واماكن سياحيه دق علي ولا يصير خاطرك الا طيب
99111981 بوسند

دمت بود

 

[فهد السعدون]

خوش فندق في اسمه الوها فيلا بشارع بنغلا راود فندق هادي ومافيه ازعاج ورخيص تحت 1000 بات وفيه حمام سباحه ويمه مجمع وكل شي وقريب من المطاعم العربيه والتايلانديه