قسيمه بجابر العلي ق6 بطن وظهر ارتداد حلو على الشارع العام

[abuhbib]

السلام عليكم

اخواني

حبيت استفسرمنكم كم تسوى هالقسيمه



قسيمه بجابر العلي ق6 بطن وظهر ارتداد حلو على الشارع العام

دورين فقط

ديوانيات على الشارع العام

تشطيب ديلوكس

طبعا المساحه 400 متر

وجزاكم الله خير

 

[abuhbib]

رايكم يهمني

يا اصحاب الخبره

وكل عام وانتم بخير

 

[ابوو عبدالله]

من 205 الى 220 ألف حسب نظافة البيت

تقبل مروري

 

[abuhbib]

تسلم يابو عبد الله على مرورك

القسيمه نظيفه جدا

 

[فرحان جداً]

وينها هالقسيمه؟ خل اشوفها يمكن اشتريها

اخوي بيوت جابر العلي للأسف اغلبها قديمه واهلها يبون اسعار خياليه...يعني لو تزيد شوي وتشتري بمبارك الكبير والا العدان تحصل بيوت تشفط لبيوت جابر العلي ويكفي انها بنيان حديث وحتى وايرات الستلايت مو معلقه بالبيت من كل صوب وانت كيفك

بس عموماً انا قبل مده شايف بيت على الشارع الرئيسي ب ق6 مطل على ق5....راعيه شبه طماع لان في واحد جاله وعطاه 250 وهذا المبلغ يعتبر مبلغ عالي جداً و بوجهة نظري ان الشراي طمره فوق السما ولا ادري شلون كان يفكر المهم الرجال البايع قال لا ابي زود راح الشراي وشرى بيت بمكان ثاني.......البايع عاد علق على 250 وبعدين لما يأس من ان يجيه بهالسعر حطه ب230 وانا بوجهة نظري عمره ما راح يبيع بيته لان جتله فرصه من واحد دفيع و طارت عليه الفرصه


لكن عموماً اذا بيت نظيف على قولتك بوجهة نظري حده 200..ولو تاخذه ب180 احسن لان حتى سرداب ما فيه

واذا تبي نصيحتي الاخيره: اخذلك ارض لو سد في ابو فطيره ب150 وابنها ب60 او 70 وارتاح ...على الاقل تفصل البيت تفصيل على كيفك...وكل شي بالبيت جديد...يعني فاتحه على ايدك

اذا ما تبي تشتريه يا ليت تدزلي مسج عنوانه وتخلينا نشوفه

99575451

 

[abuhbib]

مشكور فرحان جدا

البيت مجدد الكامل من صحي وكهرباء وحجر سنة 2000

سراميك ورخام


وبعدين اذا الارض سد على قولتك في ابو فطيره ب 150 الف

وين تبني الحين ب 60 او 70 الف

طيب الارض بابو فطيره نفس موقع هذي بطن وظهر وارتداد وعلى الشارع العام

كم تلقاها

من 180 الى 200 اذا مو اكثر

وبنيان دورين بس ومسطح بنيان قليل وتشطيب عادي مو اقل من 100

ومشكور على مرورك

 

[سديم العقار]

السلام عليكم ورحمة الله وبركاته


لا تقارن ابو فطيره في جابر العلى ؟

اولا : منطقه جديدة واي شي ينشي جديد اغلى ليش ما تكلمت على العقيلة ؟

ثانيا: شوارعها عريضة

ثالثا : موقعها احلى من جابر العلى

رابعا : مداخلها ومخارجها احلى من مداخل قطعه 6

خامسا: اذا بيتك نظيييف حيييل حييل حييل ما يتعدى 205 الرغاب ؟



تقبل مررررررورى
"



اذا الكذب ينجى فا الصدق انجى


سبحانه الله وبحمدة سبحان الله العظيم

 

[abuhbib]

تسلم اخوي سديم العقار

شرفني مرورك

من وجهة نظري ان جابر العلي مداخلها ومخارجها نفس العقيله وابو فطيره اذا مو احسن

وبالنسبه لشوارع جابر العلي عريضه

والموقع مشابه لابو فطيره والعقيله

وكل عام وانت بخير

 

[fahed33]

مرحبا وكلعاموانتو بخير
سعر البيت من 190 الى 220 حسب النظافه والاسعار الحاليه
وفيه بيت بنفس المنطقه بطن ضهر وسكه حادينه 220 الف
ولو تبي معلومات اكثر هذا رقمي 99758838

 

[abuhbib]

حياك الله يالغالي

بس هالقسيمه على الشارع العام

وعندها ارتداد طيب

وشكرا على مرورك

 

[فرحان جداً]

أبو حبيب ممكن تخليني اشوف البيت؟ لاني قاعد ادورلي على بيت واكون شاكرلك

دزلي مسج عنوانه
99575451

 

[مقام العز]

البيت الراس اللي عند الاشارة انباع ب300000الف دينار

 

[abuhbib]

البيت الراس اللي عند الاشارة انباع ب300000الف دينار

اخوي تقصد القسيمه اللي على اشارة هديه

االي خلفها شبك وشجر

تقبل تحياتي

 

[فرحان جداً]

البيت الراس اللي عند الاشارة انباع ب300000الف دينار

ودي اصدق بس قويه هههه


ابو حبيب مشكور وما قصرت و عسى الله يوفقك.........بخصوص البيت اللي وراه شبك مستحيل ينباع ب300 الف...واذا اكو واحد شاري بيت بجابر العلي بهالقيمه مع احترامي الشديد له فهو ما يفتهم.........اخلي ابو فطيره المنطقه الجديده والبنيان اللي بتسنعه ال300 الف واخذ بجابر العلي؟ مجنون والا صاحي

البيت اللي وراه شبك انا داش البيت والمره راعية البيت تقول ب210 ابي ابيعه...قلت لها انا لاقي دورين ونص و سرداب ب210 و على 3 شوارع وماشريته...قالت والله انا مرممته وابي هالمبلغ وبوجهة نظري انه البيت يسوى 180 190........وعسى الله يوفق الناس بحلالهم

 

[abuhbib]

العفو

 

[abuhbib]

ودي اصدق بس قويه هههه


ابو حبيب مشكور وما قصرت و عسى الله يوفقك.........بخصوص البيت اللي وراه شبك مستحيل ينباع ب300 الف...واذا اكو واحد شاري بيت بجابر العلي بهالقيمه مع احترامي الشديد له فهو ما يفتهم.........اخلي ابو فطيره المنطقه الجديده والبنيان اللي بتسنعه ال300 الف واخذ بجابر العلي؟ مجنون والا صاحي

البيت اللي وراه شبك انا داش البيت والمره راعية البيت تقول ب210 ابي ابيعه...قلت لها انا لاقي دورين ونص و سرداب ب210 و على 3 شوارع وماشريته...قالت والله انا مرممته وابي هالمبلغ وبوجهة نظري انه البيت يسوى 180 190........وعسى الله يوفق الناس بحلالهم

بس مافي مقارنه بين العنوان اللي عطيتك وهالقسيمه

 

[فرحان جداً]

بس مافي مقارنه بين العنوان اللي عطيتك وهالقسيمه

والله كلامك سليم البيت اللي عطيتني اياه موقعه احلى والبيت اللي وراه شبك ميزته الوحيده ان ارتداده صاد عن الناس و زياده نص دور على البيت اللي عطيتني عنوانه و راعية البيت كل شهرين تزيد سعره وماكو شراي جاد وياها...لان رفيجي داش البيت قبلي بأسبوع قالتله ب205 وانا قالتلي ب210...وانا بتقيمي للبيت ان ذبح عمره 180


قبل شهرين واحد من الربع شاري بقطعه 2 بيت دورين و ربع وسرداب ساقط والبيت انظف من النظيف و جديد و حده حده حلو وعلى الشارع الرئيسي اللي مقابل قطعه 7 خذاه ب220...وانا داش البيت بصراحه روعه بس غالي علي ولا قدرت اخذه....بس بيت صعب صراحه وقمه بالترتيب والنظافه ومايحتاج اي شيء تظيفه عليه..يعني سيده تسكن فيه حتى صبغ ما يحتاج

و واحد ثاني شاري بقطعه 2 بيت على ثلاث شوارع دورين ونص وسرداب ب183

والدنيا فرص و كل واحد ماله الا رزقه و نصيبه

وبشرنا شصار معاك خلنا نقول مبروك

 

[box]

السلام عليكم جميعا وكل عام وانتم بخير ومبارك عليكم العيد المبارك اجمعين

ربنا لا تؤاخذنا ان نسينا او اخطئناربنا ولا تحملنا ما لا طاقة لنا بةواعف عنا واغفر لنا وارحمنا

انت مولانا فنصرنا على القوم الكفرين

اخى الفاضل /قسيمة جابر العلى اذا نظيفة وموقع على الشارع العام ويكون بها ارتداد كبير اهم شيئ الارتداد والنظافة ان شاء اللة يبداء السعر من 200الف الى 250الف واللة اعلى واعلم
ان اصبت فمن اللة وان اسئت فمن الشيطان واللة موفق الجميع
اسمحلى على مرورى

 

[abuhbib]

والله كلامك سليم البيت اللي عطيتني اياه موقعه احلى والبيت اللي وراه شبك ميزته الوحيده ان ارتداده صاد عن الناس و زياده نص دور على البيت اللي عطيتني عنوانه و راعية البيت كل شهرين تزيد سعره وماكو شراي جاد وياها...لان رفيجي داش البيت قبلي بأسبوع قالتله ب205 وانا قالتلي ب210...وانا بتقيمي للبيت ان ذبح عمره 180


قبل شهرين واحد من الربع شاري بقطعه 2 بيت دورين و ربع وسرداب ساقط والبيت انظف من النظيف و جديد و حده حده حلو وعلى الشارع الرئيسي اللي مقابل قطعه 7 خذاه ب220...وانا داش البيت بصراحه روعه بس غالي علي ولا قدرت اخذه....بس بيت صعب صراحه وقمه بالترتيب والنظافه ومايحتاج اي شيء تظيفه عليه..يعني سيده تسكن فيه حتى صبغ ما يحتاج

و واحد ثاني شاري بقطعه 2 بيت على ثلاث شوارع دورين ونص وسرداب ب183

والدنيا فرص و كل واحد ماله الا رزقه و نصيبه

وبشرنا شصار معاك خلنا نقول مبروك

الله يوفقك وتلقى اللي تبيه

وعلى قولتك الدنيا فرص

 

[abuhbib]

السلام عليكم جميعا وكل عام وانتم بخير ومبارك عليكم العيد المبارك اجمعين

ربنا لا تؤاخذنا ان نسينا او اخطئناربنا ولا تحملنا ما لا طاقة لنا بةواعف عنا واغفر لنا وارحمنا

انت مولانا فنصرنا على القوم الكفرين

اخى الفاضل /قسيمة جابر العلى اذا نظيفة وموقع على الشارع العام ويكون بها ارتداد كبير اهم شيئ الارتداد والنظافة ان شاء اللة يبداء السعر من 200الف الى 250الف واللة اعلى واعلم
ان اصبت فمن اللة وان اسئت فمن الشيطان واللة موفق الجميع
اسمحلى على مرورى

شرفني مرورك اخي اشرف