شرايكم بالانماء العقاريه

[جراح 200]

السلام عليكم ...

اول مره اشارك وفرصه سعيده اني اتعرف عليكم واشارك معكم وهذا يزيدني شرف وفخر لانه منتداكم له مكانه بين منتديات البورصه الكويتيه واعتقد الافضل .. بغيت اسئل عن الانماء العقاريه انا شريت .232 فلس .. شرايكم فيها ابي رايكم .. وشكرا مقدما

 

[الراقي]

حياك الله ياجراح بين اخوانك وابي افيدك عن الانماء تصدق ان في شخص يجمع على الانماء من ست اشهر ماأدري شنويبي يسوي تعرف شلون عرفت المكتب الي اتعامل معاه نفس المكتب الي يشتري لشخص هذا وهم دايم ينصحوني بسهم بس انت اصبر عليه شوي

 

[الخبر]

الانماء العقاريه سهم استثماري جيد....فيه حاصل لي 270 يبيله شوية صبر

 

[ميثاق]

يكفي انه يتبع بيتك

 

[Fayez]

والله جم واحد يوصيني على النماء ومفكر فيه بس احس انه بطيئ وما عليه صفقات كثيرة ... عموما كاستثمار زين وما يخوف ومثل ماقال اخونا يكفي انه تابع لبيتك

 

[zaak]

اضم صوتي الي الاخوان ميثاق و Fayez بانه سهم طيب لكنه يحتاج الي طول بال وخاصه بسعر232 بعتبر جيد والسهم بعين عن التغيير المفاجئ مثل بعض الاسهم تلاقيه اليوم حد اعلي وبعد يوم حد ادنيواللي ما تعرف وين رايح فوق ولا تحت لكن الانماء سهم مستقر اذا اتجه اتجاه يكون واضح وبخطي بطئ وثابته لكن مثل ماقتلق يبيله واحد باله طوييييل

 

[اخطبوط]

الانماء سهم صاعد

الانماء سهم صاعد والتاكيد مع بداية العام بعد اعلان الارباح
والدليل 000000


ان شركه الانماء العقاريه الذراع العقارى لبيت التمويل هذا اولا
وثانيا والاهم ان شركه الانمـــــــــــــــــــــــــــــــــــــــــــــــــــــــــــــــاء
ومنذ بدايه اغسطس الماضى رفعت ايجارات جميع العقارات المملوكه لها بنسبه تتجاوز 30% الى 75 % وهذا بالتاكيد يعود على توزيع الارباح
وقد رفعت على الكثير من المستاجرين قضايا تتداول الان فى المحاكم وسوف تحسم اغلبها مع نهايه العام الحالى ناهيك عن تشغيل مصنعها الجديد
مصنع شركه الانماء العقاريه للخلط الجاهز الكائن فى طريق الصليبيه كبد
مع تمنياتى للجميع بالتوفيق

 

[جراح 200]

بدت تتحرك

اشوف الانماء بدت تتحرك للأعلى وصلت ربع شرايكم شباب شنو اسوي مع العلم اني ابي اعرف مثلا عندي 10000 سهم جم توقعون يجيني ارباح واسهم منحه ... لاتلوموني اول مره اشتري اسهم وماعرف شي ابي اعرف يعطوني ارباح زينه واقعد مابيع لاني مو محتاج للفلوس وماعندي مانع انطر ولا ان وصلت سعر زين ابيع وانسي المنحه والارباح ولكم مني الشكر واسف علي الازعاج

 

[ميثاق]

هلا اخوي جراح تو الناس على الارباح والمنح والله انا براي انك تبيع اذا فايدتك زينة وتقدر تشتريها لي انزلت ولقرار الاول والاخير لك.