تحرير و ثيقة البيت و اعادة رهن الوثيقه ؟؟ سؤال

[النائب]

السلام عليكم

ياجماعه

سؤال

انا عندي بيت حكومي و باقي للاسكان 30 الف و علشان ابيع البيت لازم ادفع ال30 و استلم الوثيقه محرره
يعني اجباري اسدد المبلغ قبل البيع ..امنا بالله وسددنا

السؤال

ليش اذا اشتريت بيت ثاني ما يعطوني ال 30 الف
ياجماعه ارهنوا وثيقه البيت الجديد و عطوني ال 30 اللي سددتها تسديد مبكر

بصراحه اختصرت 41 سنه في تسديدي المبكر!!!

لان القسط 60 و المتبقي 30 الف وعليكم الحساب



ابي حل .... كيف اقدر اخذها وهل من حقي المطالبه فيها ؟؟؟؟

لكم كل التقدير

 

[النائب]

ولا رد



سبحان الله العظيم
و
لا حول ولاقوة الا بالله

 

[Packard Bell]

اذا اشتريت بيت ثاني يكون لك حق أنك تحصل على قرض من بنك التسليف ويعادل الفرق ما بين قيمة البيت الممنوح من الرعاية السكنية وسقف الاقراض البالغ 70 ألف دينار.

يعني أنت استلمت بيت حكومة وكان مطلوب 40 ألف دينار ومن ثم بعته وسددت اللي عليه، فاذا حصل ووفقك الله واشتريت بيت آخر بعد ذلك عندها يمكنك الحصول على 30 ألف دينار من بنك التسليف ليكون اجمالي التسهيلات الممنوحة لك من الدولة 70 ألف دينار، وعندها يقوم بنك التسليف برهن الوثيقة وكذلك يقسط عليك القرض شهريا بما يعادل 10% من اجمالي الراتب وذلك بناء على شهادة من التأمينات الاجتماعية وجهة عملك.​

 

[النائب]

يامال العافيه اخوي وبارك الله فيك علي المشاركه

للتوضيح

ال30 او ال25 الباقيه للترميم ماعليها خلاف اقدر اخذها اذا ما اخذتها من قبل

لكن الكلام

علي ال 40 اللي تم تسديدها تسديد مبكر وهو من شروط استخراج الوثيقة( اجباري)

ليش ما ينقلون المديونيه علي البيت الجديد واعادة المبلغ المسدد من قبل

يعني اصحاب القسايم اذا سدد مديونيته ترجع لهويقدر يخذها مره ثانيه
لكن اصحاب البيوت الحكوميه ما ترجع ليش !!!
هل هم عيال البطه السوده مثلا

 

[alfares]

اخوي النائب مساء الخير
فعلا هذا اللي يخليك تبدل بقسيمة او ارض ولا انك تبيع
تقريبا نفس الحالة وكذا مرة سألت الاسكان ومع الاسف كان ردهم سلبي مثل ما تفضلت تسدد في حالة البيع ولا لك شيء عندنا بعد البيع حتى في حالة شراء بيت اخر لأنه يقولون انه ما عندهم اداره للرهن بس كان فيه حلول ايام الشيخ احمد الفهد وكان موجود هالمقترح وكان تحت الدراسة ومشكلتنا الوحيدة هالدراسات التي اصبحت حبيسة ادراج المستشارين وعلى فكرة لو يطبقونه كان العقار تحرك في البيع والشراء وتنزل الاسعار بس هالشيء ما يبونة الجماعه اللي خبرك اللي ماكلين الخضر واليابس
بس اللي سمعته انه في قرار انك اذا بعت تتقدم من جديد بطلب اسكاني هل تم تفعيل هالقرار ام لا اذا تم تفعيله بيكون من مصلحتنا انه نتقدم بطلب شراء لبنك التسليف هذا طبعا اذا كان ما فيه شروط تعجيزية
وتحياتي لك

 

[النائب]

مشكور يالغالي علي الاضافه

زين انا لو اشتري الان قسيمه

ولي عند الاسكان بالاول 25 الف ترميم حق بيتي الاول اللي بعته
لاني ما اخذتها

بعدين بعت القسيمه بطلب !!!

هل راح يكون عندي طلب + قرض الترميم حق بيتي الاول لاني ما اخذته ؟؟؟؟!!!!!

تصدق سالفه
زين منو يقدر يقنعهم بان هذا حق مسلوب
ومن حقي المطالبه فيه