الــــــفـــزعه.... تكبدت خساره جسيمه فى بورصه الكويت اليوم

[متداول بلاتيني]

هننننننننننن

 

[circle]

أخواني ارجو مساعدتي حيث خسرت اليوم تقريبا 30% من رأس المال في بورصه الكويت ارجو مساعدتي بأحد الاسهم في البورصه الامريكيه ارجو من عيدان والمطلق والاخوان بدون استثناء
وارجو نصيحتي النصيحه الصادق ولا حول ولا قوة الا بالله العلي العظيم ... الله أما أني راضي بقدري الله أما لاأعتراض

الله يعوض عليك انشاءلله ، والخساره بالصحه
اما الفلوس فانشاءلله تعوضها ، وتذكر دائما انك
ما راح تاخذ اكثر من نصيبك ،
، نصيحتى لك الابتعاد عن البنى رغم ان ارباحها احيانا تكون
مضاعفه لكنها خطره جدا
حاول التعامل بمجموعه ثابته من الاسهم الكبيره مثل
GM - yhoo - appl >>>>>>>>> الخ
هذه الاسهم تتحرك صعودا ونزولا وممكن تربح منها القليل كل اسبوع
، وطبعا ممكن تعمل ارتفاعات والقرار فى البيع لك ساعتها لمنها اقل خطوره
والله يوفقك انشاءلله

 

[متداول بلاتيني]

الشكوى لغير لله مذله......

 

[circle]

والله ياخوي يامشاري شريت المخازن 3900 وبعت اليوم بعد هالاخبار السيئه عنها ( الاربعاء والخميس والجمعه ) والمصيبه بعد بأسعار مختلفه اليوم 2940 اللي قاهرني بعد مابعت جت اخبار مادري يمكن ترتفع وشريت بمبلغ كبير والله المستعان يعني اللحين انا غيرقابل للخساره نهائيا اواروح البنك ارجع قرضهم لهم وما ادري شسوي والمصيبه ان القرض اكثر من نص الراتب على بنك الخليج يقولون مايعطون اكثر من نص الراتب بس كذابين يعطون وراتبي 890 قصدي 600 اشلون ماادري بس هذا اللي صار حطموني بمعنى الكلمه والتسهيلات 214 قسط ادري صعبه تنصدق بس والقران الكريم هذا اللي صار وماجك الا الصج
والـــــلـــــــه يفرجها...... يارب ياكريم

الله يعوض عليك انشاءلله

 

[S500]

لا تحلف بغير الله جزاك الله خير

ومن ناحيتي هذا درس لك لانك من الاساس داخل خطأ 100%

شجاب القرض للبورصه

الجواب

القرادة

 

[تركي2000]

هونها وتهون

انا مادري عن وضعك في التحليل كيف


بس هنا نخبة لله الحمد


فقط اشتر بتوصياتهم والتزم بها كل الالتزام من مده الخ

وصدقني راح تعرف التوصيات الجيدة من الغير جيدة

من الكاتب وطريقة عرضه للموضوع ورسمه للاهداف

عندك نخبة ممتازة

ولا ودي اذكر احد دون الثاني


واليني ستوك انتبه منه كثير والدخول والخروج لازم يكون سريع جدا


وقبل هذي وهذي توكل على الله وربك كريم

 

[بو أفنان]

اصبر على المخازن اضمن من السوق الامريكي

والمخازن لها عقود جديده

وأضن اللي حاصل تخويف صغار المستثمرين لبيع أسهمهم ومن ثم الارتفاع مره اخرى (لا تنسى زيادة راس المال ,, هذا يؤثر على السهم تأثير مؤقت )

وانشاء الله يرجع ( كثير من الناس بنفس هذه الحاله )

 

[aymutlaq]

اخي الفاضل متداول بلاتيني

الله يعوض عليك .. ويرفع ما حل فيك من ضرر .. ويرزقك من اوسع ابوبه .. ومن يقول آمين ..

بالنسبة لوضع السوق الامريكي ..

لا تفكر ابدا انه سهل .. بالعكس صعب جدا .. وفيه من تلاعب الاخبار مالله به عليم ..

وكما يكسب المستثمرين فى هذا السوق الامريكي .. ايضا يخسرون ..

فانا ايضا حصل لى خسارة كبيرة .. فى سهم تعرض الى الافلاس ..
والافلاس ليس موجود فى السوق الخليجي .. بينما هو موجود فى السوق الامريكي .. يعني اذا انت من حامل سهم من الاسهم الامريكة تجد قيمة اسهمك فى اليوم الثاني .. لاتسوى شي .. بسبب خبر الافلاس .. لا سمح الله

بمعنى مهما كانت لديك من المعرفة فى السوق الامريكي ... فانك تضل على حافة طريق الخسارة ..

استخر الله .. وتوكل على الله .. فى تصريف امورك واختيار السوق اللذى تراه ..

تحياتي

 

[متداول بلاتيني]

مشكور وسوف استخير فعلا ........وعسى ان تكرهوا شى وهو خير لكم

 

[wasl]

من الواضح اخي ان نفسيتك متاثره اخي الله يعوض عليك وممكن تتخذ قرارات خاطئه ...

اقتراحي لك الفتره هذي اذا انت مكيش تحطها في صناديق استثماريه في السعودي والكويتي والاماراتي وتريح اعصاب

اللله يعوض عليك وعلينا وكل مسلم

 

[عيدان]

أخي الكريم :

اول شي الله يعوض عليك انشاء الله ..وانشاء الله تكون اخر الخساير
ثاني شي :
مثل ماقالو الاخوان لا تتوقع السوق الامريكي اسهل من اي سوق اخر ... بل اصعبهم واخطرهم
صح ممكن تكون فيه فرص الربح كثيره وقويه ... ولكن هناك ايضا فرص للخساره كثيره جدا وقويه جدا جدا
...
انا في بداية دخولي للسوق الامريكي ... خسرت 75% من محفظتي
لم تكن محفظتي كبيره جدا بس هم تعور القلب كانت الخساره
طبعا الخساره لم تكن في سهم واحد بل في عده خساير ...
لكن احمد الله على كل حال وبفضل من الله من هالخساير تعلمت الكثير .. وماني متحسف على كل فلس راح مني بالبورصه الامريكيه لاني اعتبرها دوره قويه لي واستفدت منها الكثير ...

نصيحتي لك ...ارتاحلك يومين لا تشتغل في الفلوس
وتابع السوق الي يريحك سواء الكويتي او الامريكي
وتابع نصايح الشباب الموجوده ... سواء في هذا المنتدى او غيره او حتى منتدى اجنبي
تعلم منهم
واهم شي لا تغامر في اسهم ابني الا لما تكون مدرك انك فاهم حركتها ..
اشتغل على الاسهم الثقيله واللي لها سمعتها بالسوق حتى لو طاحت راح تعدل
امثال سيسكو وياهو ......الخ
استثمر فلوسك فيهم في نفس الوقت تعلم مع الاسهم الاخرى ...
هذي كانت بدايتي بعد الخساره الي صارتلي والحمدلله تعلمت منها وعوضنا كل شي

ترى الكل هني اخوانك وخسارتك من خسارتهم ... يعني لا تتوقع اذا واحد فينا شاف واحد خسران راح يضحك او يتشمت بالعكس بكون قلبه معاه ويساعده باللي يقدر عليه

هذا ما حبيت اضيفه لك
وتمنياتي لك بالتوفيق

 

[المتداول الطائش]

احذرك يا أخي من السوق الأمريكي فإذا كنت خسرت 30% بالسوق الكويتي فسوف تخسر300%بالسوق الأمريكي حيث السبيلت وألأنظمة التي تجعلك تكره الأسهم عموماً نصيحتي لك السوق الإماراتي شركة أملاك وإعمار وبنك دبي الإسلامي سوف ترد لك خسائرك بإذن الله

 

[زارع الامل]

اشتر سهم ناقلات الغاز القطريه ونام عليها وراح تشوف الي يبيض وجهك باذن المولي سبحانه

 

[المقرود]

أنت حالك كالمستغيث من الرمضاء بالنار

نصيحتي حقك خلك على الكويتي ، ترى الأمريكي خسارته جايدة ،

وإذا عندك سهم اصبر عليه ، وسهم المخازن على العموم ماعليه خوف ، وإن شاء الله راح ترجع رأس مالك وزيادة بس اصبر شوي

 

[alhooot1]

شنو الاسهم ال

شنو الاسهم اللي خسرت فيها