حل للى شارين اسهم بنك بوبيان والقرين والوقود

[Day_trading]

الحل سهل جدا مثلن انت شارى من ولد عمك والا احد اصدقائك قبل الادراج بكم يوم افتحلة حساب فى شركة الاوسط وعطهم شهادة الاسهم عشان يحطونها لك فى حسابك عند الادراج وعند تعبئة البيانات فى الشركة عطهم بطاقة الشخص وكل اللى يطلبونه منك بس لما يطلبون رقم الحساب اللى يتم التحويل له عطهم رقم حسابك يعني تقدر تبيعهم وانت فى البيت وبعد البيع سو تحويل برقى وراح يدش فى حسابك مو خطه شباب

 

[الناسجت]

مساء الخير

مساء الخير

اوكي .. آنه معاك بس الشيك راح يطلع باسم اصحاب الحساب المشترك
يعني اسمك واسم الثاني صاحب الاسهم ..

واهني المشكلة ..

لان البنك راح يطلب منك فتح حساب مشترك حتى يتم صرف الشيك
وعند فتح الحساب المشترك تقدر تحدد لموظف البنك انك انت المخول بالاستلام دون الطرف الثاني

المهم انه صاحبنا لازم يروح البنك وبحضورك ينفتح الحساب امام موظف البنك

ولا زم يوافق على انك انت تستلم المبلغ ...

يعني لازم حضور للبنك .. وما لها طريق ثان ..اللهم الا اذا ضبطت الموضوع
مع الموظف بحيث يفتح الحساب المشترك دون حضور الطرف صاحب الاسهم ..
هذاا شيء ثان ....

دمتم

 

[بو طلال]

الحل الوحيد تروح البنك انت وي ولد عمك او صديقك افتح حساب فى أى بنك خله يسويلك توكيل تسحب وتدخل وبعدين تفتح حساب فى البورصه اذا بعت يطلع الشيك تاخذه ودخله فى البنك عندك توكيل اهني تضمن فلوسك 0 وتقدر تساهم فى اى شركه جديده مدام عندك توكيل لان اذا ساهمت مثلا الف سهم عطوك 500 سهم ويردون باقى الفلوس فى الحساب يعنى صاحبك ماله شغل ولا يدرى عن شئ 0 انا كنت اشترى بطقات وسوى هذا الطريقه

 

[Day_trading]

يالربع انتو شفيكم صعبتوها لاحساب مشترك ولا شي ولا توكيل ولا حاجة روح افتح حساب تداول لصاحبك ولما يطلبون صورة لبطاقة البنك عطهم بطاقة البنك حقك والا افتح لهم حساب عن طريق الانترنت وسلامات

 

[نوط بو 1000]

الحل الوحيد تروح البنك انت وي ولد عمك او صديقك افتح حساب فى أى بنك خله يسويلك توكيل تسحب وتدخل وبعدين تفتح حساب فى البورصه اذا بعت يطلع الشيك تاخذه ودخله فى البنك عندك توكيل اهني تضمن فلوسك 0 وتقدر تساهم فى اى شركه جديده مدام عندك توكيل لان اذا ساهمت مثلا الف سهم عطوك 500 سهم ويردون باقى الفلوس فى الحساب يعنى صاحبك ماله شغل ولا يدرى عن شئ 0 انا كنت اشترى بطقات وسوى هذا الطريقه

بو طلال يالخاين

معاي بالدوام ولا تقول لي عن هالطريقه

طول عمرك شغلك من تحت لي تحت