والله العظيم الي قاعد يصير بالاسعار مهزله

[emirates]

السلام عليكم

الي يلاحظ اسعار العقار وخاصه الاراضي راح ينصدم شنو هالاسعار الخياليه والله العظيم الواحد بينجلط من الصدمه شلون بيسكن؟؟

ما عمر شفت ارض سعرها نفس سعر قبل شهر كل شهر يتغير السعر؟؟

انا ودي اعرف منو الي يقدر يشتري اذا في ناس شرت الله يوفقها بس ابيهم يعلموني اشلون شرو؟؟

 

[(ابوفواز)]

والله الشرهه على الحكومه اللي مو هامها احد
الوزرا والمتنفذين بيوت ومزارع وشاليهات وارصده بالملايين
اما انت تحلطم منيه لي بكره محد سائل عنك


الحل بإقالة رئيس الحكومه وغير هذا الكلام ما فيه

 

[فرحان جداً]

المشكله الاسكانيه راح تولد فوضى ومشاكل عارمه بالدوله....اتمنى من الحكومه المتباطئه في انهاء المعاناه وحل بعض الامور قبل ان يتطور الامر ويطيح الفاس بالراس

يعني لي متى حكومتنا تنطر الواحد لما يسوي اضراب على شان تعطيه حقه؟ الظاهر ان هذي حوبة البنقاليه علينا.....قبل ما يعطونهم معاشاتهم الا لما سوو اضراب...الظاهر التاجر حاط فلوس معاشاتهم بوديعه وناطرها على شان ياخذ الفوائد:>>>> الحين كل الدوله بتضرب بسبب فشل الحكومه للأسف

مع العلم اني مو ضد ناصر المحمد كرئيس ولا يهمني من يكون وزير او رئيس ...يهمني ان الدوله تتطور وتتجه الى الاعلى

 

[بوو علي]

خلهم يرفعون و ينقعونها عندهم

 

[ابوفيصل_]

ولو ان عندي ارض ولايهمني الاسعار بالعكس ودي انها تولع اكثر

لاني كنت مثلك بالامس القريب ...ولكن مع هذا كلهـ الا اني

اشفق على نفسي وعلى غيري لما وصلنا اليه .. دولة متاجرة وتجار

والله لو لنا سعر كان باعونا من بدري الا لعنة الله عليهم عبدة الدينار

 

[trackq8]

السلام عليكم

السلام عليكم اخواني فعلا مشكله وتهم كثير من الشباب
وحلها بيد الاسكان وعندي شك في تواطئ الاسكان وتجار
العقار اللي ماعندهم رحمه اهم شي عندهم الماده والمواطن
ماكلها ولابد ان نوصل صوتنا للاعضاء ويشوفون حل
ماشاء الله المال والاراضي موجوده ولاكن نريد الاهتمام
في المحتاجين للسكن وشكرا للاطاله​

 

[قانون 8و9 2008]

ههههههههه ياجماعه هذا الموضوع قديم وايد وتكلموا عنه بمسرحيه ايام الثمانينات والنفيسي اهو اللي تكلم الله يرحمه وماراح ينحل هالموضوع بتاتا ابيكم كلكم تفتحون خريطه الكويت بقوقل وتشوفون المساحه المستغله والفاضيه شي يضحك وكل جم شهر طلعو بالجرايد وقالو لقينا ارض تكفي الفين وحده سكنيه او خمس الاف جن الكويت مسكره علي الاخر
ولاكن هذا اهو الفن اني اخليك تجمع فلوسك وتجمع وتجمع وازيد معاشك وسهل عليك القروض واعصرك وبالنهايه اخذ التعب مالك علي البراد المشكله مو في التجار المشكله بالطمع اللي عند اصحاب المناصب الرفيعه*

 

[deem77]

السلام عليكم

الي يلاحظ اسعار العقار وخاصه الاراضي راح ينصدم شنو هالاسعار الخياليه والله العظيم الواحد بينجلط من الصدمه شلون بيسكن؟؟

ما عمر شفت ارض سعرها نفس سعر قبل شهر كل شهر يتغير السعر؟؟
انا ودي اعرف منو الي يقدر يشتري اذا في ناس شرت الله يوفقها بس ابيهم يعلموني اشلون شرو؟؟

عزيزي

طالما دينوصورات وومندوبي تجار العقار موجودين في الهيئة العامة للرعاية السكنية وعلي راسهم الفوزان ..وفوقهم حكومة الفساد ..!!
لا طبنا ..ولا غدا الشر ...!!​

 

[tnt2000]

الأسعار والله اغلبها وهمية لإيهام الناس ان العقار في ارتفاع
ارض في ابو فطيرة كانت قبل شهرين 135 الف
الحين يقول السوم عليها 185 الف ؟؟ بالله عليكم هذا مؤ نجش بس على مستوى مكاتب
أنا شخصيا متأكد انها وهمية مية مية
ولا اعرف احد من اشترى ارض بهالاسعار
الحل خلوها تطيح بجبدهم وتبور عشان يعرفون ان الله حق

 

[Kaubar]

سؤال صعب الأجابه عليه منو قادر يشتري
لفيت حوالي سألت ربعي والناس اللي تدور تشتري
كلهم قالوا مانقدر نشتري
اعرف شخص باع بيته من ستة شهور واهو موظف كبير
معاشه يطوف 4000 دينار
يشكيلي الحال انه موقادر يشتري
لكن مقيوله هيك ناس بدها هيك زلم
احنا فرطنا بحقنا

 

[nmb2000]

لماذا دائما نضع مشاكلنا ونربطها بسمو رئيس الوزراء ، أولا هو حق أصيل لصاحب السمو بتعيينه أوعزله ، والعيب ليس بالحكومة فقط بل بأعضاء مجلس الأمة فعليهم صياغة قوانين وتعديل قانون 8 - 9 بشأن السكن الخاص وعلاج كل سلبياته ورفع الضريبة علي تجار السكن الخاص وخصوصا المناطق التي تقع داخل محيط الدائري السادس ، وتحديد فترة زمنية لاتقل عن سنتين أو ثلاث قبل اعادة بيع العقار لوقف المضاربة ، منع التأجير في المناطق السكنية بحيث يكون تأجير الفيلا لعائلة واحدة أو عائلتين بحد أقصي . عدم السماح ببيع القسائم والبيوت الحكومية قبل خمس سنوات من التوزيع ، وضع ضريبة علي تجار العقار تختلف عن رسوم التسجيل العقاري حتي يدورون لهم شغلة ثانية وتقوم الحكومة بتوفير مناطق سكنية من هذه الضرائب المحصلة . ومثل ماقال احد الاخوان الخراب في كثير من المسئولين أو القياديين في الرعاية السكنية والبلدية وغيرها وليس فقط الوزراء فكم وزير يتغير بعد الاستجواب ولايتعدل شيئ في وزارته مما يدل ان الخلل في القياديين الي تحته

 

[hbtko]

اعرف واحد توه مشتري ارض بس الموقع مو متاكد بو فطيره وحولها
بسعر ١٧٨ الف ارض مساحه ٥٠٠ متر

والمشكله يتفقر ايعقل هذا ؟؟؟؟؟؟
عيل احنا شنقول

 

[أم محمدالشمري]

و الحل يا جماعة الخير؟
عيالنا ... اشراح يصير عليهم؟ حتى بيت ملك مو قادرين نوفر لهم!!!!! نهاجر؟ بنلاقي نفس المصيبة و زود! لا حول و لا قوة إلا بالله العلي العظيم و إنا لله و إنا إليه راجعون.

 

[bofaisal38]

المصيبة مو بس بأسعار الاراضي والبيوت.... اسعار الأيدي العاملة ولعت نااااااااااااار حتى اللي عنده ارض الحين راح يعاني من اسعار المقاولين والمواد الانشائية .... انا بلشت بنيان قبل سنتين تقريبا ولما اقارن اسعار الايدي العاملة من كهربائي وصحي وسيراميك .... الخ تقريبا اندبلت الضعف بأسعار هاليومين... والله المستعان .

 

[tnvith]

عزيزي

طالما دينوصورات وومندوبي تجار العقار موجودين في الهيئة العامة للرعاية السكنية وعلي راسهم الفوزان ..وفوقهم حكومة الفساد ..!!
لا طبنا ..ولا غدا الشر ...!!​

مو صحيح الرجل الفوزان انا سالته وقال لي بالحرف الواحد خل البلديه تعطينى اراضي من الاراضي التى تم منحها من قبل القطاع النفطى وخلال ثلاث سنوات تبنى اكثر من 100 الف وحده سكنيه

 

[q8_king1]

الحكومة تتحمل جزء كبير من المشكلة الانها ليلحين مااسست شركة تبني الخيران والمطلاع و المشروعين صارلهم اكثر من خمس سنوات والمفروض كانو متاسسين قبل السنة بس التاخير منها لو بلشت في البناء راح نشوف الاسعار مستقرة وثابتة

 

[ليث متواضع]

الأسعار بازدياد خاصه اذا طبق قانون
زيادة القرض الإسكاني من 70 الف الى 100 الف*

 

[Toofi-q8]

منو المستفيد طبعاً التجار وبيت التمويل اللااسلامي اللي لحد الان لم يعلن عن أرباح الربع سنوية وخاصة باقي البنوك والشركات اعلنت عن أرباحها للانه بكل بساطة محتكرين الاراضي والدليل على ذلك للحين ماسددوا الضريبة اللي عليهم ومعاملاتهم واقفة لكن الله يمهل ولا يهملان غداً لناظره لقريب

 

[محمد خليفه]

بسم الله الرحمن الرحيم

التجار مانقدر نلومهم لان هذي لعبتهم ولكن اللوم على الحكومه تخيل الاراضي المسكونه بالكويت بس خمسة بالاميه فيه حين الصحرا فاضيه تخيل الناس ساكنه بشقيق وموزعين اراضي بجبد جواخير ومنتجعات ومزارع وبدل لا يصير فيها رعي الاغنام ومهنة الانبياء لا يصير فيها كل ماحرم ربي
اكيد بتكون الاراضي غاليه بظل دوله غنيه وشعب غني وحكومه تعطي سكن وقرض فاللوم كله على الحكومه والتجار بعد حراميه ومستغلين الوضع والله المستعان ولا معقوله اقدر اشتري احسن بيت بسويسرا ولا النمسا بجنة الله بالارض بسعر ارض في ابو الحصانيه