ما هي الاسباب التي ادت الى زيادة اسعار الاراضي بالخيران السكنية ؟

[جهراوي اصيل]

شنو الاسباب

انا بحثت كثير ووجدت الاسعار كل شهر يزيد سعرها

شئ محير

 

[احمد20]

الخيران السكنى

السلام عليكم اسعارها تتغير لانها ارخص اراضى فى الكويت ومنطقه مقابلها واجهات بحريه ومنتجعات وراح يصير فيها مجمع افن يوز وابراج اقوى من الى فى السالميه وراح يصير فيها خدمات متكامله مجمع وزرات + جميع المعسكرات بجانبها للدوام

 

[جهراوي اصيل]

مشكور احمد على التوضيح تنصحني الشراء بالوقت الحالي لاني فكرت اشتري بالخيران للسكن واسعار الاراضي مرتفع شوي حصلت ارض بزاوية كهرب ب60 الف
وحصلت ثلاثة واجهات 80 وقبل شهر الاسعار باقل فرق 10 الف دينار

 

[haddaq8]

إذا عندك هالمبلغ من غير تعب و قروض تكسر الظهر توكل على الله و امسك عقار حتى لو بس تخليه...لأن الناس ما راح تخلي...و انصحك تاخذ موقع زين و مدخل سهل علشان تبنيه و تأجره على موظفي النفط بسعر حلوا على ما تتحضر المنطقة عدل

و إذا طلبك الاسكاني قديم أحسن تفكر بالموضوع أكثر

 

[صقرالبحر]

خوش دعايه لرفع الاسعار

ننصحكم بتبني الاعلانات التجاريه للمطاعم ايضا

 

[بوو علي]

بصراحه منطقة ما تسوى نشتري فيها

لسبب بسيط اشتري 400 متر ب 50 الف

او اصبر و الحكومه بتوزع خلال 3 سنوات اكثر من 20 الف وحده بمساحه 600 متر

عموما بصراحه منطقة و لاتسوى تبعد عن الحدود اقل من 15 كم.

 

[بوو علي]

خوش دعايه لرفع الاسعار

ننصحكم بتبني الاعلانات التجاريه للمطاعم ايضا

أوافقك الراي يا صقر

اتعرفني دوم متابعك

انت كلامك صريح ومريح

انت كدة 100%

 

[q8ty_azgarty]

خوش دعايه لرفع الاسعار

ننصحكم بتبني الاعلانات التجاريه للمطاعم ايضا

لوووووووووووووول
اتصدق مادري ليش عبالهم المواطن الكويتي مغفل مو عارف شيسوي بفلوسه
صيده الكويتي لوووووووووول احلا اعلانات ابلاش

 

[جهراوي اصيل]

دعاية هههه

خليك متفرج بكرة تدور اراضي بالصومال

 

[فرحان جداً]

ارتفاع الاسعار لان التاجر اللي يملكهم طق بمزاجه وقال زيد 10 الاف.

والحكومه ما تسوي شي


والنواب ماكو مراقبه ولا اكو تشريع ولا اكو اي شيء يفيد المواطن.....يعني مجلس فاشل والله واتمنى الامير يحله واتمنى من الناس عدم اعطاء اي صوت لأي نائب بالمجلس الحالي

 

[صقرالبحر]

دعاية هههه

خليك متفرج بكرة تدور اراضي بالصومال

حتي الاراضي بالصومال معرضه للارتفاع تدري
ليش يابو الاسئله ؟؟

لان السوق عرض وطلب هم اللي يتحكمون بالاسعار

شرايك بهالمعلومه اللي بلاش ؟؟

 

[ليث متواضع]

قانون الضرائب أدى إلى إرتفاع الأسعار
فالتاجر يبي يعوض رسوم الضرائب فيقوم برفع السعر

 

[احمد20]

الخيران السكنى

السلام عليكم المنطقه مقبله على طلب اسكانى وعلى مستثمرين من دول الخليج وخارجها وراح يصير عليها دخول وخروج وحركه قويه وراح يصير فيها منتجعات وخدمات وحركه وراح تعرفون انها فرصه بذات فى الكويت الارض ما تخسر والاسعارهذى راح تتذكرون كلامى لما تدخل اسعارها 100 وفوق كنت تقول كانت عل 50 ورزق للجميع والله هذا افضل واحسن استثمار للربح الامن

 

[نوط بوالف]

شنو الاسباب

انا بحثت كثير ووجدت الاسعار كل شهر يزيد سعرها

شئ محير

لا توجد اي زيادة
وان وجدت تكاد لانذكر

 

[جهراوي اصيل]

جاري عندة 5 قطع بالخيران السكنية اشتراها من زمان ويقولي راح ابيعهم 100 الف دينار انشاء الله وامس يدور بمكاتب العقار يبي اراضي

 

[بوو علي]

دعاية هههه

خليك متفرج بكرة تدور اراضي بالصومال

الحكومه تضمن المسكن للمواطن الكويتي ولله الحمد

 

[بوو علي]

للمره الثانيه اقولها لكم يا شباب

الخيران السكنية الي تنباع الحين مساحتها 400 متر واقل سعر 50 الف

والحكومه بتوزع 600 متر و ابلاش
اشتري ليش؟

وهذا رابط الاراضي الي بتطلع لنا ابلااااااااااااااااااااااااااش الله يعزج يا كويت و لاااااااااا فوقها 70 الف بعد

http://www.khirancity.com/AxCMSwebLive/home_ar.cms

ارجع و اسال ليش اشتري 400 ب 50 الف و الدوله بتعطيني 600 ابلاااااش؟

 

[haddaq8]

والله يالحبيب أنا أقولك ليش سعرها 50 الف ولا تقولي دعاية انت سألت باحترام وأنا أرد عليك باحترام
أولا متى راح تتوزع أراضي ال 600 متر؟ خلهم يخلصون صباح الأحمد أول شي بعدين نقدر نتكلم
ثانيا متى راح يرخصون ال600 للبناء؟ خلهم يرخصون صباح الأحمد و بعدين نتحجى
ثالثا شقدم الطلب الاسكاني علشان تحصل ال600 متر؟
ال400 متر تقدر تاخذها و تبنيها على طول و تملكها تملك حر و هذا
الشي ما تقدر تقارنه مع معمعة الاسكان و الانتظار

 

[عبدالله خالد]

انتم ماتصدقون عن الخيران في عام 2007 و 2008 اسعار الاراضي كانت نار الان تعتبر لاشئ

 

[بوو علي]

ردي لك باللون الاحمر

والله يالحبيب أنا أقولك ليش سعرها 50 الف ولا تقولي دعاية انت سألت باحترام وأنا أرد عليك باحترام

يا حياك الله و الاحترام لك و لرأيك

أولا متى راح تتوزع أراضي ال 600 متر؟

خلال 3 سنوات و ابلااااااااااااش
بتقولي انطر 10 سنوات اقولك ابلااااااااش
واذا ما وزعوا بالخيران و هونت خير و بركه لانها بتوزع بمكان اقرب غير الخيران

خلهم يخلصون صباح الأحمد أول شي بعدين نقدر نتكلم

خلصوها ووزعوها يالغالي و لي صاحب قعد يجهز المخطط بالمكتب الهندسي

ثانيا متى راح يرخصون ال600 للبناء؟ خلهم يرخصون صباح الأحمد و بعدين نتحجى

رخصوها و لو انهم طولوا لكن ابلااااش و 600 متر و اقل ارتداد تدري جم 8 متر

ثالثا شقدم الطلب الاسكاني علشان تحصل ال600 متر؟

اهني ما فهمت قصدك

ال400 متر تقدر تاخذها و تبنيها على طول و تملكها تملك حر و هذا
الشي ما تقدر تقارنه مع معمعة الاسكان و الانتظار

تمام انا افهم قصدك عندك ميزان اختار من احد الخيارين

1- ارض ب 50 الف ب 400 متر شارع واحد الحين تشتريها

2- انتظر 3 سنين و استلم 600 متر+ 8 متر ارتداد * 20 = 760 متر اقل شي اجمالي الارض و الارتداد ابلااااااااااااااش


و بعد 5 سنوات ننتظر الاختيارين

1- ارضك بو 400 متر بتسوى 100 الف و انت دافع 50 الف غير فوايد البنوك يعني مربحك لو افلوسك كاش 50 الف صافي

2- ارضي 600 متر و ارتداد و اكبر من ارضك ببيعها ب 120 و انا ماخذهااااااااا ابلااااااااااااااااااااااااااش يا ولد العم ومربحي 120 الف لاني مو دافع فيها شي

الشخص المنصف مراح يختار الاختيار الاول بيختار الثاني او عالاقل بيقول كلامي صح لكن اسمحلي يالغالي ما مدح الارض الا الي شرى فيها

وتقبل مروري و ارجو ان تعم الفائده يا الغالي و ان لك ارض بالخيران السكني يا رب تبيعها بسحر يرظيك و ان بغييت تسكنها ربي يهنيك

والله خير الرازقيين