اطلع من السوق تراهم يصرفون...انتبه تري الدعوي تجميع !!!

[فهد محمد]

بصراحه ماعاد ندري وين حنا فيه... حزب المتفائلين يقولون طفره والسوق

يمكن يكسر ال 19000 وخلك معهم وجمع معاهم....وحزب المتشائمين يقولون

سوقك ماراح يرده الا ال 13500 وانتبه اي ارتفاع تراه للتصريف

والمحللين الفنيين كلامهم علي العين والراس بس محد بصراحه ضبطت معاه مره

وش الحل ياجماعه الخير افيدونا افادكم الله..انا وبصراحه اثق بعد الله بكل من

العماري وابو رواف ولا يهون الباقين...بس السوق يخالف الجميع ومثل مانفرح للارتفاع

لازم نتقبل الهبوط بروح رياضيه..والسوق ارتفاع ونزول بس تبون الجد

احس سوقنا احيانا مثل انتظار ضربات الجزاء واحنا بالوقت الاضافي والكل ساكت ومايدري وش راح تصير النتيجه

ما اقول الا الله يوفقك الجميع ولا يخسر مسلم...تحياتي...,,

 

[العمــاري]

الاخ فهد السلام عليك ورحمة الله وبركاته
تبي انتكلم عن السوق من منظور المستثمر راح انتكلم واذا تبي من منظور المضارب راح انتكلم
بالنسبة للمستثمر تراه شراء الشركات بارخص الاسعار واذا يبي يبيع ما يمنعه هالشي واذا تبي تعرف اسعار الاستثمار تقدر تراجع جميع توصيات الاخوان السابقه السوق بخير باذن الله وهذي النزله لابد منها عشان يكمل السوق طلوعه انت تبي سوق يمشي بخطوة متوازنه او تبي سوق عشوائي
هدف السوق نهاية السنه باذن الله هو 16200 هذا هدفي من السوق نهاية هذا العام ولكن ما يمنع انك تستغل مثل هذي الفرص الف نقطة مو شي هين البارحه كانت 400 واكثر الناس قبلها اطلعت وشوف فرق الاسعار بين قبل امس واليوم
مافي داعي للخوف ولكن من واجبنا انا انبهك ونقول ان هناك فرصه لازم ان تستغل والحياه فرص لازم نستغلها ما تبي تبيع بخساره انتظر راح تبيع باعلى من الاسعار اللي شفتها باذن الله

 

[فهد محمد]

بارك الله فيك اخوي العماري..وجزاك الله خير ...ورحم الله والديك.....

انا اخوي كنت الاحظ كتاب المنتديات مابين متشاءم ومتفاءل ومطبل ومرجف

لكن كلامك عين العقل والسوق فرص واللي يستغل الفرص اهو الرابح

والفرص تجي كل يوم مهيب مربوطه بوقت معين ....وانشاء الله يواصل السوق عطاءاته...

شاكر سرعه وتلطفك بالرد...تحياتي............,,,,,,,,,,

 

[ابن بطوطه]

كلام واقعي عزيزي العماري ( اذا كان الهدف نهاية العام ) او مضاربة
يختلف الامر وان كان السوق الان فرصة
حسب رأيي الكهرب واتحاد اتصالات اسعار شراء
فهل ترا فرص افضل ؟
وماهي الاهداف؟

 

[العمــاري]

الفرص توجد في نفس اليوم اسهم اليوم ارتفعت وارتفاعها كان جيد للمضاربه وغدا تخرج لنا اسهم اخرى حسب توجه السيوله الى شركات معينه

 

[فهد محمد]

طيب اخوي العماري شف لنا سهم نطقطق عليه من باكر..يدي تحكني

حتي لو كان استثماري لفتره معينه ..المهم لايفوتنا القطار...واذا السهم ماراح يبين الا باكر

تلقاني مسنتر انتظرك اول مايفتح السوق.... معليه تحملنا شوي ...تحياتي

 

[العمــاري]

طيب اخوي العماري شف لنا سهم نطقطق عليه من باكر..يدي تحكني

حتي لو كان استثماري لفتره معينه ..المهم لايفوتنا القطار...واذا السهم ماراح يبين الا باكر

تلقاني مسنتر انتظرك اول مايفتح السوق.... معليه تحملنا شوي ...تحياتي

اذا الله عطانا عمر بكره راح اكتب ان شاء الله ساعه الشراء وراح اكتب ان شاء الله الاسهم الافضل وقتها ومتى ما جا وقت البيع راح اكتب ان شاء الله وقت البيع اهم شي يكون وسيطك سريع
وما طلبت شي يابوفهد