استفسار عن اسهم ورث

[مهندس المستقبل]

السلام عليكم ورحمة الله وبركاته وبعد،،،


اخواني انا عندي اسهم ورث من شئون القصر وصارلي الحين سنتين استلمتها ومدري شسوي فيها؟؟؟ لاني مااعرف بسوق الاسهم فمادري شتنصحوني ابيعها احسن ولا الافضل اخليها لاني ماني محتاج افلوس والحمدالله

وهذي الشركات وعدد الاسهم ويا ليت يا اخواني تقولون لي جم تسوا لو ابيعها؟؟


الشركة الاولى للتسويق المحلي للوقود 371 سهم

شركة القرين لصناعة الكيماويات البترولية 2082 سهم

شركة السور لتسويق الوقود 350 سهم

شركة الوطنية للاتصالات المتنقلة 1047 سهم

شركة الاتصالات الكويتية(فيفا) 274 سهم

بنك بوبيان 1975 سهم


وهل تنصحوني ابيعها ولا كل ما اخليها نزيد مع السنين؟؟ وما خاب من استشار وشكرااااا

 

[مجد 91]

السلام عليكم ورحمة الله وبركاته وبعد،،،


اخواني انا عندي اسهم ورث من شئون القصر وصارلي الحين سنتين استلمتها ومدري شسوي فيها؟؟؟ لاني مااعرف بسوق الاسهم فمادري شتنصحوني ابيعها احسن ولا الافضل اخليها لاني ماني محتاج افلوس والحمدالله

وهذي الشركات وعدد الاسهم ويا ليت يا اخواني تقولون لي جم تسوا لو ابيعها؟؟


الشركة الاولى للتسويق المحلي للوقود 371 سهم

شركة القرين لصناعة الكيماويات البترولية 2082 سهم

شركة السور لتسويق الوقود 350 سهم

شركة الوطنية للاتصالات المتنقلة 1047 سهم

شركة الاتصالات الكويتية(فيفا) 274 سهم

بنك بوبيان 1975 سهم


وهل تنصحوني ابيعها ولا كل ما اخليها نزيد مع السنين؟؟ وما خاب من استشار وشكرااااا

اذا انت مانت محتاج لا تبيع ..واذا انت عندك فلوس جمع كثر ما تقدر
لان هالاسعار النازلة ما تلقاها السنوات القادمة
والله يحفظ بلدنا

 

[اياباخ]

خلها لعيالك فقد تكون يوم من الايام ثروة طائلة

او بيعها
الان
الامر متروك لك مع متابعة من بعيد للسوق

 

[al7boob_77]

الشركة الاولى للتسويق المحلي للوقود 371 سهم ضرب 0.300 تساوي 111.3 دينار

شركة القرين لصناعة الكيماويات البترولية 2082 سهم ضرب 0.198 تساوي 412.2 دينار

شركة السور لتسويق الوقود 350 سهم ضرب 0.240 تساوي 84 دينار

شركة الوطنية للاتصالات المتنقلة 1047 سهم ضرب 2.200 تساوي 2303.4 دينار

شركة الاتصالات الكويتية(فيفا) 274 سهم لم تدرج بالسوق فما تقدر تبيعها

بنك بوبيان 1975 سهم ضرب 0.620 تساوي 1224.5 دينار


مجموع قيمة الاسهم ( 111.3 + 412.2 + 84 + 2303.4 + 1224.5 ) = 4135.4 دينار ( اربعة الاف ومائة وخمسة وثلاثون دينار واربعمائة فلس فقط لا غير )

طبعا هالمبالغ تقريبيه لانه كل يوم الاسهم لها سعر تصعد وتنزل بس ما راح يتغير واجد هالمبلغ وطبعا في خصم عموله الدلال بس ماهي مبلغ كبير يعني ممكن تكون بحدود 20 دينار لكل المبلغ المذكور

النصيحه كالتالي ... بما ان المبلغ ماهو كبير وانت مو محتاجه انا اشوف من الافضل تبيع كل الاسهم وتشتري سهم واحد بالفلوس اللى راح تطلع لك وانا انصحك باسهم البنوك وممكن حاليا اشوف بنك برقان افضلهم والمخاطره فيه قليله

او اشتري اي سهم تشغيلي ويزع ارباح سنويه وبنهاية السنه يكون صعد لفوق بس خلك بالبنوك افضل


ان شاء الله اكون قدرت فدتك بمعلومه

 

[النهار]

لا تبيع انتظر لك اربج راجع برج احمد فى شرق الدور الخامس

 

[مهندس المستقبل]

يعطيكم العافيه الي جاوبو بس لحد الان مدري شسوي لاني اساسا ما اعرف للاسهم بتايا فمادري والله هل اخليها مني لي اربع سنين اذا نويت لاني ابيها راح احتاج للمبلغ بعد اربع سنين ولا ابيعها الحين ؟؟ مع العلم انها بسنة 2010 كان سعرها كلها 3546 والحين 4135 زادت ماشاللله شتنصحوني هل استغل الفرضه وابيع الحين واخليه الكاش بجيبي ولا انطر كم سنه وابيعها اذا احتجت وهل ممكن تزيد اكثر مثل الحين ولا يمكن تطيح فجاه والله يجزاه خير الي بينورني بخبرته ويعلمني وشكرااا

 

[بو فلاح]

السلام عليكم ورحمة الله وبركاته اول شي انت كل هل السنوات خذيت ارباح اذا ما خذيت روح برج احمد وشوف اذا لك ارباح قديمه
ثانيا: السوق ماله امان بس الشركات اللي عندك ممتازه بس امر البيع والشراء لك وانت ابخص بضروفك الله يوفقك ويوفقنا وفي السلام ختام