ايهما افضل دورة الاستاذ الصقر او الخلف النصيحه

[راكان 77]

اخواني ارجوا من منكم لديه الخبره في الدورات للتحليل الفني
وقد جربها ابي نصيحه انا ناوي ادش الاسبوع القادم دوره وفيه
ثنتين واحده للاستاذ الصقر والثانيه ابراهيم الخلف ايهما افضل؟

 

[محام]

ما انصح بأي واحد فيهم دشيت شخصيا دورة ابراهيم خلف

كثير من المعلومات مغلوطه غلط فاحش والدوره تجاريه من الطراز الاول

استكانة شاي مايعطيك والمستوى ضعيف

دورة الصقر دخلهه اخوي وما ستفاد المحتويات بسيطه يشرحهه لك واحد بساعتين

الدوره الممتازه اللي يعطيهه سيف العجمي المحلل المحترف

او يحيى كمشاد

 

[MH For Ever]

طيب ودورة المخيزيم اللي في جامعة الكويت؟؟

شنو رأيكم فيها

 

[مباشر]

اخوي راكان 77
بالنسبه لدورة المخيزيم فهي للمتداولين عن طريق الكمبيوتر
اما دورة الصقر فهي الى حدا ما جيده ولكنها للمبتدئين
اما بخصوص دورة الخلف ( ابراهيم عبدالجبار خلف ) فحدث ولا حرج
لان هذا الشخص نصاب ذرب ولا انصح الدخول فيها

 

[Day_trading]

نبي دورة للتحليل الاساسي يعني نبي نعرف هل الشركة تسوي والا ماتسوي ملينا من التحليل الفنى مليون واحد يعطونا تحليل فنى نبي شي جديد نبي نعرف مكرر الارباح القيمة السوقية مقارنة الشركة بالشركات اللى من قطاعها قرائة القوائم المالية للشركة مو كله تحليل فنى ياخوان ملينا من التحليل الفنى نبي نتعلم Fundamental
وياريت اخونا ابو على يكون هو السباق لقيام مثل هذى الدورات بحكم انه رجال ولد سوق وله اول موقع للاسهم عربي وينك يابو على نبي نشوفك من جديد

 

[bo jassem]

أسمع يا الغالي,,,

انا ماخذ سبع دورات بالكويت و اذا تبي أعددهم لك انا حاضر بس تبي نصيحه من أخو,,,؟

اذا تبي للسوق الامريكي عندك صاحب المنتدى م.سيف العجمي
و اذا تبي بتاع كله عندك واحد أسمه ياسر فاروق المصري تابع للمركز الشرقي www.occkw.com
مع احترامي الشديد لباقي الاساتذه,,,
واذا عندك اي استفسار انا حاضر

 

[Semsar]

انحش عن ابراهيم خلف
لانك ماراح تستفيد

 

[حقيبةجوا]

ابراهيم خلف لا يحوووشك ..
الصقر للي مبتدأ جدا ما يعرف شي عن السوووق

 

[meshari22]

التجربه خير برهان

السلام عليكم

اخوي راكان 77

نصيحه اذا انت مبتدا في البورصه وقوانينها فانصحك في دورة
الاستاذ الصقر شرح للمبتدا ممتاز للقوانين وتاسيس دخولك البورصه

اذا انت فاهم القوانين البورصه ولك خبره وتبي اتعرف بالتحليل الفني
فانصحـــــــــــــــــــــــــــــــــــك

الاستاذ : يحيى كمشاد

وهذه من واقع تجربه مني واقول بالاخير هذا رايي الشخصي ومن اخوان
جربوهم معاي وطبعا ما انسى بقية الاساتذه ونعم فيهم وعلى مجهودهم الطيب

 

[Q8_FAHAD]

السلام عليكم ورحمة الله وبركاته

ممكن من الشباب ان يعطونا موقع او تلفون
الاستاذ يحي كمشاد

ولكم جزيل الشكر

 

[meshari22]

السلام عليكم ورحمة الله وبركاته

ممكن من الشباب ان يعطونا موقع او تلفون
الاستاذ يحي كمشاد

ولكم جزيل الشكر

www.alnwady.com الموقع للاستاذ يحيى كمشاد

 

[bo3azoz777]

انا بصراحه اايد الدكتور نزار ملا جمعه

 

[lapetus]

انا بصراحه اايد الدكتور نزار ملا جمعه

وين يعطي دوراته الدكتور
شكرا

 

[bo jassem]

تزار الملا انا ماخذ عنده,,,
ريال يسولف ما يعرف يشرح,,,

الصقر نوعا" ما جيد للمبتدئين (مع العلم الي سمعته انه ماخذ الدوره عند الخلف) و العهده على الراوي,,,

الخلف نفس مستوى الصقر,,,

الباش و المخيزيم للسوق الامريكي و التداول بالانترنت ناس بالتحليل و الا أروع لكن توصيل المعلومه فن مو كل واحد يتقنه,,,

يحي كمشاد صديق و أخ وشهادتي فيه مجروحه لكن الي سمعته من كل شخص خذا عنده يقول أكثر من روعه

و طبعا" عندك صاحب المنتدى للسوق الامريكي و لا أروع ولا أبدع أستاذ بمعنى الكلمه و نعم المحلل,,,

و طبعا" فاروق المصري للتحليل ( أستاذ كبير) وشهادتي فيه مجروحه بس عندك تلميذه يحي كمشاد أتوقع راح يفيدك وايد,,,

هؤلاء الناس الي انا خذيت عندهم دورات,,,

الحلو بالتحليل انه بعيد عن اخبار السوق و الاشاعات و المهاترات التي تحصل,,, كل الي عليك شارت تحلله وبس و مالك شغل بالباقي,,,

و أتمنى لا أحد من المذكورين يزعل مني بس هذه انا أتسائل فيها يوم القيامه,,,

أخوكم محمد,,,

 

[الناسجت]

مساء الخير .. اخواني ممكن أعرف أسعار هذي الدورات اللي ذكرتوها
بالتفصيل ... شاكر لكم

دمتم

 

[bo3azoz777]

حرام عليك اخوى بوجاسم نزار وايد ممتاز اذا اتركز معاه

 

[مستثمر اسلامي]

نصيحه اخذ الدوره عند الصقر

 

[سهم السنه]

السلام عليكم

اخواني الرجاء من الاخوه لا يذكرون انطباعاتهم عن شخص الي يشرح الدوره في الشكل هذا واحد قال نصاب وواحد قال ما يفهم وواحد قال انحش عن الشخص الفلاني يعني من المفترض انك تبدي نصيحه لزم ترتقي في الاسلوب علشان الاخ يقرر بروحه اخوي الكل من المحاظرين يشرح من منظوره الخاص ومنطلق فهمه يعني الصقر يشرح للمبتدئين والناس الي مالهم خبره في بعض الامور الي تنقصهم فقط مو فني ومؤشرات والخلف شويه مني وشويه مني يعني شبه يعلمك اول الطريق والاخوان المحللين الفنين الي مسوين دورات المكتوب باين من العنوان دوره فنيه .
مختصر كلامي انت شنو تبي منهم مو اهم شنو يبون منك اذا انت ما تعرف وين تروح حق منو هذي مشكلتك والاخوان الي دشو عند اى شخص اهم الي فيهم الغلط مو المحاظر والسبب اهم ما عرفو وين يمشون وضيعو مشيتهم وقامو يتذمرون من الاشخاص انا كلمتي للاخوه قبل لا تتذمر من اى محاظر اسأل نفسك سؤالين

1- انت كنت تبي اى دوره ؟
2- هلا سألت عن المحاظر قبل لا تسجل ؟

وتحياتي وبلا مزايدات فلان احسن من فلان جنكم في مدرسه

اللهم اني صايم

 

[bo jassem]

حبيبي بو عزوز,,,

أولا" مبارك عليك الشهر و تقبل الله طاعتك,,,

ثانيا" هذا مو طعن بالشخص بالعكس كفايه انه دكتور و مستشار عند شركه فهد الغنيم, لكن المشكله هذا مو بس انطباعي , هذا انطباع الكل الي كان معاي بالدوره,,, و الا اهو بالعكس جدا" محترم و خلوق لكن بالاخير توصيل المعلومه هذا فن,,, أتمنى ما تفهمني غلط,,,وهذه وجهة نظري لا أكثر و لا أقل

أما بالنسبه للاخ الي يسأل عن الاسعار,,,

الصقر 75

الخلف الدوره الاولى 90 و الثانيه120

الباش و المخيزيم 75

م.سيف العجمي200

ياسر المصري 250

د.نزار ملا جمعه 140 اذا ماني غلطان

يحي كمشاد ؟؟؟ (اسال منتدى النوادي)

 

[الناسجت]

حبيبي بو عزوز,,,

أولا" مبارك عليك الشهر و تقبل الله طاعتك,,,

ثانيا" هذا مو طعن بالشخص بالعكس كفايه انه دكتور و مستشار عند شركه فهد الغنيم, لكن المشكله هذا مو بس انطباعي , هذا انطباع الكل الي كان معاي بالدوره,,, و الا اهو بالعكس جدا" محترم و خلوق لكن بالاخير توصيل المعلومه هذا فن,,, أتمنى ما تفهمني غلط,,,وهذه وجهة نظري لا أكثر و لا أقل

أما بالنسبه للاخ الي يسأل عن الاسعار,,,

الصقر 75

الخلف الدوره الاولى 90 و الثانيه120

الباش و المخيزيم 75

م.سيف العجمي200

ياسر المصري 250

د.نزار ملا جمعه 140 اذا ماني غلطان

يحي كمشاد ؟؟؟ (اسال منتدى النوادي)

مشكور ويعطيك العافية .......

دمتم