تخصيص اسهم الشركة الكويتية الصينية

[فهد الرشيدي_28]

[COLOR=Red]undefinedشنو صار على اسهم الشركة الكويتية الصينية شباب جنهم مصخوووووها
قالولنا بعد اسبوعين والحين احنا ماشين بالاسبوع الثالث
ولا للحين ماستانسوووو بالفلوس الزايده

شباب الي عنده خبر لا يبخل علينا [/COLOR]

 

[AYAM ZAMAN]

اي والله احد عنده خبر ترا زودوها

ومشكورين

 

[Top Gun]

الجماعه مشغولين بالمضاربات

تدري فرصه ماتعوض


الظاهر بعد العيد

 

[المقاطي]

لازم يكون في نظام من البنك المركزي بهذا الشان
ويكون صارم ....!!!
قاعدين يلعبون ويستفيدون من السيولة
حلال خلق الله

 

[محمد2000]

التخصيص بعد 18/10/2005
من 28% الي 31% نسبة الخصيص بعد1000 سهم مضمون من الاكتتاب
وسلامتكم

 

[aloood]

اي والله شباب تكفون ترى قاطين فيها كل الحلال وحاطين ايدنا على خدنا وننطر ما صارت تخصيص

 

[السهم المجهول]

أنا أعتقد سبب التأخير في اعلان التخصيص ان في اختلاف على على طريقة التوزيع ( والله المفروض يعلنون عن طريقة التوزيع مسبقا ) .

 

[Sharp Nero]

روحووا الفروووع وإخذوووو شهايد الأسهم يا شباب ترى الشهايد طالعه منذ مبطي

 

[alqattan]

الظاهر خذو أفلوسنا الصينيين ونحاشووووووووا

 

[مستثمروون]

الظاهر خذو أفلوسنا الصينيين ونحاشووووووووا

عاد.. مشكلة الصينيين وايد ماتدري منهو اللي عنده فلوسنا
لا... واللي أبلى منه ... ان كلهم متشابهين ... شلمهن

 

[adsx]

؟؟؟؟؟؟؟؟؟؟؟؟

روحووا الفروووع وإخذوووو شهايد الأسهم يا شباب ترى الشهايد طالعه منذ مبطي

؟؟؟؟؟

 

[KuwaitSE]

شهادات الاسهم سوف توزع هذا الاسبوع
كعادتنا نحن ككويتين نحب السرعة و اذا ماصار الي احنا نبيه نشيش على الدنيا كلها
رجاء حار من الاشخاص الي مالهم اي خبرة في الاكتتابات ان لا يستبقوا الامور

شركات تحت الاكتتاب تأخذ من عشرة ايام الى ثلاث اسابيع كحد اقصى

اقتضى التنويه

 

[Top Gun]

والله مصخت السالفه

على الاقل المسؤولين يحطون تصريح بالجرايد

ويحددون وقت الاسترداد

فوضى

 

[مستثمر فقير]

شهادات الاسهم سوف توزع هذا الاسبوع
كعادتنا نحن ككويتين نحب السرعة و اذا ماصار الي احنا نبيه نشيش على الدنيا كلها
رجاء حار من الاشخاص الي مالهم اي خبرة في الاكتتابات ان لا يستبقوا الامور

شركات تحت الاكتتاب تأخذ من عشرة ايام الى ثلاث اسابيع كحد اقصى

اقتضى التنويه

اخوي ماكو داعي حق هالكلام ......ومنو عطاك الحق انك تتكلم عن الكويتين
وبعدين الله يهداك شنو ما عندهم خبره بالاكتتاب والله ضحكتني انته تدري انه الخميس20/10 راح يكملون الحد الاقصي ثلاث اسابيع


اخوي تقول الشهادات توزع هذا الاسبوع !؟!؟!؟!؟!؟!؟ يعني راح يعلنون عن التخصيص الاسبوع الي وراه .... وبعدين يرجعون فلوسنه في الاسبوع الي ورا الي وراه...... هذا الي انته تقصده ....

وله قصدك اليوم راح يعلنون عن التخصيص وبكره الاربعاء يرجعون فلوسنه والخميس يوزعون الشهادات

انهل علينه من خبرتك جزاك الله خير

اخوي لاتزعل بس كلامك هجومي وغير منطقي

 

[السهم المجهول]

ياجماعة شي موطبيعي هذا التأخير اكتتاب دانة غاز اكبر واضخم من اكتتاب الصينية واعلنوا عنه مع العلم انه اكتتاب الصينية منتهي قبل اكتتاب دانة غاز ب 5 ايام.

 

[بو مريم]

السلام عليكم

المفروض منتهين من التخصيص لان المكتتبين مو وايد

هذا الاسبوع الثالث ولا في اخبار عن الصينيه

علقونا ماباقي الا يومين علي نهايت الاسبوع الثالث

نشبنا بالصينيين اللي تقول بيوت الظهر كلهم نفس الشبه

تحياتي للجميع

 

[goodluck]

لا من سهمهم ولا من إكتتاباتهم إدارة .... الشفافية !!!

 

[aloood]

ابتلشنا بهالشركة الدايخة لاتخصيص ولافلوس ولااحد يطلع يصرح ويعطي موعد يريح العالم

 

[السهم المجهول]

الظاهر الجماعة قاعد يظاربون بفلوسنا ماتشوفون السوق مرتفع هاليومين.

 

[aloood]

وين الاخ اللي يقول الناس ما تفهم بالاكتتابات اشوف صار ثلاث اسابيع والشركة لاحس ولاخبر ولاعندك كلام ثاني