شركة الامتيازات الخليجية القابضة (امتيازات)

[سوق الاوراق]

بتحبله على سعر 178 فلس واذا مانزل الله يوفق الجميع .
وانشالله ماينزل

السلام عليكم

شنو شاري علبة تونة

 

[صقرالبحر]

السلام عليكم

شنو شاري علبة تونة

علب التونه من 230 وفوق
واحنا قلنالك 230 :d

تحياتي

 

[الدغري]

'مدينة الأعمال' تربح 7 ملايين من صفقة بيع عقار مساحته 2000م2

علمت 'القبس' ان شركة مدنية الاعمال التي تتملك فيها غلوبل ومزايا والامتيازات وعراق القابضة حصصا مؤثرة قامت الاسبوع الماضي باتمام صفقة عقارية عبارة عن بيع قطعة ارض مساحتها 2000 متر ب 14 مليون دينار بسعر 7 آلاف دينار للمتر الواحد محققة بذلك ربحية تصل الى 7 ملايين دينار حيث انها كانت قد اشترت المتر الواحد بسعر 2800 دينار.

 

[c200]

يقووووووووولوون امتيااازاات امتياازاات للمتاابعه فيهااا شلعه والله اعلم

 

[سوق الاوراق]

السلام عليكم
انتظار جديد NEW HOLD​

دوجي جديد new Doji ​

خذ من جيسه وعايده .

حركة اليوم مو ارتداد بمعنى الكلمة لوجودج تردد واضح . والكميات واضحة قلة المعروض وقلة الشراء.اوامر شراء وهمية .
شنو اللي بيصير العلم عند الله سبحانة وتعالى .​

معقولة الا متيازات نجم من ضمن نجوم 2007
يقال :- المراْة الحديدية تريد ان تبيع الورق بمعنى ( الشركات الورقية ) وتشتري ورق نوط بمعنى ( تشتري بنك )

عينها على البنك ( التجاري ) سباق مع الزمن لبيع الاصول الضعيفة مثل ( كاظمة ) البيعة تمت . والتخلص من بقية الشركات مثل نبراس والاسكان ... !!!!!!!!

الاهم والمهم عندهم الحين بيعة ( الامتيازات ) الشركة المدللة والحلوة والخفيفة والمحملة ببعض المميزات التي تعتبر افضل من كاظمة بدرجات واذا كاظمة تم بيعها باْكثر من 300 فلس .!!!!!!!
شلون الامتيازات اللي عندها مدينة الاعمال . والوكالات التجارية ونشاطات قائمة فعليا بالسوق وانتشار بمحيط الخليج اكيد السعر فوق فوق فوق الريح
بالعربي الفصيح اذا كانت الاشاعة صحيحة ............!!!!فرصة من فرص العمر التي لن تتكرر الا نادرا .... لذلك اقول معقولة الامتيازات نجم 2007 ...... اكيبد معقولة لان المراْة اْة الحديدية ذكية جدا جدا اصل وفصل حسب ومسب مال وجاه ........ بس ناقصها بنك وانتم عارفين شنو يعني جلوبل تتملك بنك لها اصول وفروع .. الخ .

يعني تريد ان تناطح الكبار وتثبت انها قادرة على فعل المستحيل وتثيت تفوقها اللا محدود بعالم المال والاعمال .......

تحياتي ​

 

[صقرالبحر]

علي طاري جلوبل
شنو توقعاتك عنه هالسنه ياعزيزي سوق الاوراق ؟؟؟


تحياتي

 

[zgombi]

السلام عليكم

شنو شاري علبة تونة

اسف سعر التونه 350 فلس .
اكل الهامور نصها يبقى منها 178
على فكره السهم فيه لقمه بس حق اللي باله طويل .

 

[سوق الاوراق]

السلام عليكم


( امتيازات المضاربة )


صانع السوق يتمتع بنزعة مضاربية بحتة ليس له بالاستثمار ادنى علاقة والادلة كثيرة جدا لاتعد ولاتحصى !!!!!!!!!!! ولكم عبرة باْخوكم سوق الاوراق وبقية الاخوان اللي صدقوا الاشاعة اول مرة .


شمعة اليوم : شمعة بيضاء طويلة لها ظل سفلي والجزاْ العلوي مغلق دون ظل لذلك تسمى ( ماربوزو ابيض مغلق White Closing Marubozu ) حتى الان حوالي اسبوعين والسهم ( بحالة انتظار HOLD) والشمعة التي ظهرت اليوم شمعة ارتدادية قوية Bullish .ولن نستطيع الجزم بحالة الشمعة الا بتداولات الغد لان الشمعة لها اتجاهين . صانع السوق لم يغير كثيرا من طريقته انما الشئ الوحيد اللي تغير الكمية والقيمة وهذا الشئ يعطينا انطباع :-


1- الاشاعة الدائرة حول بيع الشركة !!!!


2- ارباح الربع الاول ممكن ان تكون جيدة جدا ( مثل العادة غير محققة )


3- استغلال الاتجاه العام للسوق . اما للمضاربة او للتصريف او الاشاعة صحيحة .


شركة دايخة واهلها دايخين والاشاعات اكبر من حجم الشركة وتخب عليهم . سمعت مرة يقولون لايريدون دخول المضاربين على السهم !!!!! الصراحة شئ يفطس من الضحك .... قلتله انت مو صجك تقول هالكلام من عقلك بصراحة ما ادري شلون حاطينه عضو بمجلس الادارة . اذا عرف السبب بطل العجب .


المهم الشركة تخرع وعليهم سوالف بطالية وابدا مالهم مصداقية او تمسك لهم طرف لعب بلعب . اعتقد ان الجولة الجديدة من لعبتهم القادمة قد بداْت ( اللي يبي يلعب معاهم يتحمل كافة النتائج بصدر رحب ) لان لكل لعبة بداية ونهاية !!!!!!


من يقراْ يجب ان يفهم شنو اللي اقصده بالضبط والاشاعة سلاح ذو حدين والمجازف لايخاطر بالشراء بالاٍْجل !!!!!!!!!!


قول انا عاوز فلوس و ضارب مع امتيازات المضاربة بدون رحمة او شفقة وخل عنك الاستحواذ والارباح ومدينة الاشباح والكلام الفاضي والدعم والمقاومة .. الخ


بعد كل الحجي شلون
الامتيازات نجم من نجوم 2007 ​

 

[قاروه]

اخي سوق الاوراق السلام عليكم

بالنسبه للتحليل والتداول احيي صانع السهم لما يتمتع به من خبره
والسبب (حيرة المتداولين او المضاربين من ناحية الشموع والتحاليل )

 

[سوق الاوراق]

علي طاري جلوبل
شنو توقعاتك عنه هالسنه ياعزيزي سوق الاوراق ؟؟؟


تحياتي

السلام عليكم

جلوبل ؟

من الواضح جدا ان هناك صعود قوي جدا للسهم نتيجة لاعادة هيكلة الشركة بعد اتمام بيع بعض الاصول .

بس الشركة اصبحت مكشوفة بعد ان كشرن عن انيابها امام الجميع وتلك النوعية من الشركات اكيد تذكرك بشركات اخرى لها نفس الطباع والسلوك
وتعرف نتائج التعامل معاهم .

 

[سوق الاوراق]

اخي سوق الاوراق السلام عليكم

بالنسبه للتحليل والتداول احيي صانع السهم لما يتمتع به من خبره
والسبب (حيرة المتداولين او المضاربين من ناحية الشموع والتحاليل )

السلام عليكم

شئ اكيد لان صانع السوق محترف ومتمكن من ادواته وذكي جدا . بس عيبه ينظر لجهة الناحية الفنية فقط !!!!!!
وقد فشل باْمور كثيرة جدا لا ارغب بتوضيحه حتى لاينتبه ............
لان من مصلحتكم الان الحصول على السهم بالاسعار الحالية !!!!

لاتاْخذ كلامي باْني اقلل من قيمته او امكانياته . كلامي لاهداف معينة ولكن بالحقيقة انه انسان متمكن ومهني لابعد الدرجات .

 

[سوق الاوراق]

السلام عليكم

اقدم اعتذاري للجميع لاني مضطر بالخروج من السهم بالايام القادمة لاسباب شخصية بسبب انتقالي للعمل بالمحطات الخارجية . الله يعوض خسارتنا . لاني ابدا مو متعود الخروج من اي سهم بخسارة وبنفس الوقت دائما اْباشر عملي بنفسي .
وهذا السبب الاساسي . والسبب الثاني وقبل قليل كنت اكلم احد المصادر المهمة جدا . واحسست ان السهم يبيله وقت وصبر لذلك لااحب ان اجازف اكثر لان السوق ماله امان . فقررت الخروج وان شاء من باجر احاول ان ابيع . مو معنى ذلك اتبيعون السهم لان السهم فعلا يستحق الشراء بالوقت الحالي وبالاسعار الحالية والسهم لديه مميزات عديدة وراح اشارككم فرحتكم عندما يرتفع السهم وتحققون ارباح .
انشاءالله ما اكون زعلت احد من ملاك الامتيازات او اخطاْت بحق احد . وبالنسبة لكلامي عن صانع السوق مجرد كلام ولا احمل عليه شئ لانه يقوم بواجبه ولديه خطة وجدول يتبعه وصانع السوق محترف ومتمكن حتى لو كان شديد شوي بشغله . بس امانة لله يكفيه فخرا انه يحترم عمله لانه الصراحة لم يحاول اصطياد صغار المستثمرين اللي عندهم ( الاجل ) وكثير من الاخوان نصحتهم بعدم الدخول بالاجل وكانوا خايفين من نزول السهم . بس الحمد لله صانع السوق لديه بعد نظر ووعي ومتمكن من صنعته .
اقدم اعتذاري لملاك الامتيازات وصانع السوق .
بس عسى يعطينا فرصة بالخروج من السهم الاحد اوالاثنين لاني الثلاثاء اسلم عليكم
تحياتي



ان طاعك الزمن وا لا طيعه يوم لك ويوم عليك ( ​

 

[صقرالبحر]

--------------------------------------------------------------------------------

(( سوق الاوراق كبير مشجعي المساهمين في سهم الامتيازات يخرج من السهم بخساره ))لو احطه مانشيت في الجريده كان السهم حد ادني
شلون ماتبيهم يزعلون ياسوق الاوراق لما تقول انك بتطلع من السهم ؟
اكيد بيخافون عالاخر
دام السهم مافيه شي ماله داعي تقول انا طالع منه باكر عشان ماتربك هالمساكين
اللي علي كف عفريت

مشاركه سابقه تقول صانع السوق للسهم مالقي احد يقط عليه
والظاهر بتصريحك بخروجك من السهم سهلت عليه المهمه

تهانينا لصانع سوق الامتيازات بخروج سوق الاوراق من السهم


تحياتي

 

[سوق الاوراق]

--------------------------------------------------------------------------------

(( سوق الاوراق كبير مشجعي المساهمين في سهم الامتيازات يخرج من السهم بخساره ))لو احطه مانشيت في الجريده كان السهم حد ادني
شلون ماتبيهم يزعلون ياسوق الاوراق لما تقول انك بتطلع من السهم ؟
اكيد بيخافون عالاخر
دام السهم مافيه شي ماله داعي تقول انا طالع منه باكر عشان ماتربك هالمساكين
اللي علي كف عفريت

مشاركه سابقه تقول صانع السوق للسهم مالقي احد يقط عليه
والظاهر بتصريحك بخروجك من السهم سهلت عليه المهمه

تهانينا لصانع سوق الامتيازات بخروج سوق الاوراق من السهم


تحياتي

السلام عليكم

صقر البحر اخوي حبيبي . كدرتني بكلامك بروحي ضايق خلقي حتى ما اكلت شئ اليوم قبل ما اكتب الكلمتين .

مو معنى اني باْطلع من السهم لا زم تطلعون من السهم ترى السهم . سهم سهم لماع !!!!
وراء شئ بس ليش اني راح اطول شوي بالسفر ممكن سنة لذلك قصب طيب لازم اطلع من السهم . ولا زم اعتذر من الجميع لان الدنيا حياة وممات ولا اريد احد يزعل مني من كلمة او تصرف وقت الغضب او حتى لو كانت غشمرة .
وحتى ماقلت لكم راح اشارك او اكتب بالمنتديات لان العملية سهلة وبسيطة .

تقبل تحياتي

 

[c200]

الله ينهاا عنك ولاايبلاااناا يسوق الاوراق
بس ماقلت كم عندك 10 او 20 الف وكم شااريهم
وقبل كم يووم كنت اسولف مع واحد اقسم باالله علي كلاامه يقول مااخذفووق المليون علي 340 ويتداول بلملاااين ويقول سهم امتيازات صاادوني بس العبرة بانهايه واناا مستثمر وراح اتشوف بالاياام الجايه وش يصير قلت الله يخلف عليك زتوة الرياجيل ابحلجك وخلووووك اتردد يليل ماطولك
وقعد يضحك وقاال رااح تشوف وتتذكر كلااامي قلت الوعد جداام والحي ابيشوووف
بس تبون الصج سهم امتياازات ممتااز وفيه خير
بس صاانع السوق الله واعلم ماحط شي ابذمتي

 

[صقرالبحر]

السلام عليكم

صقر البحر اخوي حبيبي . كدرتني بكلامك بروحي ضايق خلقي حتى ما اكلت شئ اليوم قبل ما اكتب الكلمتين .

مو معنى اني باْطلع من السهم لا زم تطلعون من السهم ترى السهم . سهم سهم لماع !!!!
وراء شئ بس ليش اني راح اطول شوي بالسفر ممكن سنة لذلك قصب طيب لازم اطلع من السهم . ولا زم اعتذر من الجميع لان الدنيا حياة وممات ولا اريد احد يزعل مني من كلمة او تصرف وقت الغضب او حتى لو كانت غشمرة .
وحتى ماقلت لكم راح اشارك او اكتب بالمنتديات لان العملية سهلة وبسيطة .

تقبل تحياتي

تبي تروح محطه ؟ اكيد انت في قوة الحمايه للطائرات
تهانينا عالمحطه ولكن هذا مايمنع انك تباشر التداول من هناك
كلنا بالسفر نتابع البورصه ونبيع ونشتري
لكن انا عموما ماعرف ظروفك ونتمني لك كل خير في حلك وترحالك

بس لاتقاطعنا يالطيب وقولنا محطتك وين عشان نزورك بس علي شرط
لازم السكن فري

تحياتي

 

[c200]

تبي تروح محطه ؟ اكيد انت في قوة الحمايه للطائرات
تهانينا عالمحطه ولكن هذا مايمنع انك تباشر التداول من هناك
كلنا بالسفر نتابع البورصه ونبيع ونشتري
لكن انا عموما ماعرف ظروفك ونتمني لك كل خير في حلك وترحالك

بس لاتقاطعنا يالطيب وقولنا محطتك وين عشان نزورك بس علي شرط
لازم السكن فري

تحياتي

اذا كاان في حمايت الطيراان عطني اسم سوق الاوراق ورقمه العسكري وانا (ازلقه واير) عند علي مااضي وانزله من المحطه وانقفه للمنشاات النفطيه عشاان ينشغل بلمنشاات ويبتلش بالرديتي والمتنطحه

 

[صقرالبحر]

اذا كاان في حمايت الطيراان عطني اسم سوق الاوراق ورقمه العسكري وانا (ازلقه واير) عند علي مااضي وانزله من المحطه وانقفه للمنشاات النفطيه عشاان ينشغل بلمنشاات ويبتلش بالرديتي والمتنطحه

ماندري طلع اليوم من السهم ولا لا ؟

اكو 10000 سهم امتيازات مباعه بسوق الكسور انا شاك انها له

مايهون علينا عزيزنا سوق الاوراق ونتمني له كل التوفيق

تحياتي

 

[zgombi]

مااعتقد ان اخونا سوق المناخ يشتغل عسكري يمكن محطات المؤسسه الكويتيه للطيران .
انا مرة كنت قاعد بالدور الاول وقال لي صاحبي تبي تشوف سوق المناخ اللي يكتب عن الامتيازات .
ورانياه قزم اسمر طوله يمكن متر ونص بس باين عليه شقردي لانه يتحرك وايد .
انا اعتقد ان صانع سوق الامتيازات مهدده وقايل له اذا ماتسكت راح انزل السهم تحت ال200 فلس
السؤال اللي يطرح نفسه ان كان السهم زين ليش سوق المناخ طلع وليش قال لنا انه طلع ؟؟؟؟؟؟
احنا شكو يطلع والا مايطلع الا اذا السالفه فيها أن ؟

 

[قاروه]

بوصقر بشر شلون سهمنا اليوم ماشاءالله سحب كميه حلوه جنه