تحليل فني للأسهم بنظرة أستثمارية متواضعة جدا !!!

[See]

الله يعطيك العافيه اخوي
لو سمحت المستثمر الدولي الله لايهينك

 

[ابو^تركي]

لولوه العقاريه

السلام عليكم

اخوي imate شرايك بسهم لولوه؟نبيع ولا نصبر عليه ؟

 

[imate]

الله يعطيك العافيه أخوي imat على المجهود الطيب في خدمة إخوانك.
إنت ذكرت وحللت بالشارت تقريباً الشركات التابعه للمشاريع مثل كامكو وغيرها
وتركت الشركه الأم المشاريع اللي سهمها من أكثر من شهر وحركته شبه جامده مع إن الاسبوعين اللي طافوا شركات كثيره حققت إرتفاعات جيده لاسهمها.
ياليت تحلل لنا سهم المشاريع واهدافه القريبه والبعيده؟ وهل يسوى الاحتفاظ فيه حتى آخر السنه.؟
ويعطيك العافيه مره ثانيه.

سهم المشاريع

رفع الشارت بتاريخ اليوم

 

[imate]

بنك الخليج المتحد please

بنك الخليج المتحد

الشارت رفع اليوم

 

[بيل غيتس]

مجهود تشكر عليه يااخ اميت والله كل مره اقول حق وليد عرفنى عليه يقولى اهو كان يشتغل عندنا واستقال وان شفته راح تعرفه انشاء الله اشوفك يوم بعد العيد

تحياتى لك

 

[imate]

الله يعطيك العافيه اخوي
لو سمحت المستثمر الدولي الله لايهينك

سهم المستثمر الدولي

الشارت رفع اليوم

 

[imate]

يعطيك العافية أي مييت ,,

واللي يرحم والديك ,,, ممكن تشووف لنا شنو سالفة اسواق ؟؟

حياك الله أخي العزيز,,,


والله أني تعبت من كثر ما أتكلم عن أسواق... لو ترجع جم صفحة تلقاني كاتب قصة عنه... السهم مافيه شي... و سليم... و ممتماسك...و يتحرك بأدب...و محترم دعمه على ال 520 و مقاومته على ال 580-590 و ينتظر الفرج... السهم استثماري و أهدافه أعلى من ال 10 فلوس اللي تشوفها صاعدها كل يوم و نازلها... السهم هدفه فوق ال 750 فلس على ما أذكر

اصبر و شوف الصورة من بعيد.... اللي بصرف على السهم بصرف على السهم وهو بقوته...و ليس بطلبات عرض و شراء ضعيفة...


تحياتي

 

[imate]

السلام عليكم

اخوي imate شرايك بسهم لولوه؟نبيع ولا نصبر عليه ؟

أعتذر منك يا بوتركي... شخصيا لا أوصي بالبيع و الشراء.. و عندي تجارب فاشلة بالتوصيات...السهم استثماري و له أهداف فوق و دعمه القوي على ال 270....تداول اليوم يبشر بأن السهم ممكن يستعد لجولة صعود جديدة قريبة من ال 330

تحياتي

 

[imate]

مجهود تشكر عليه يااخ اميت والله كل مره اقول حق وليد عرفنى عليه يقولى اهو كان يشتغل عندنا واستقال وان شفته راح تعرفه انشاء الله اشوفك يوم بعد العيد

تحياتى لك

حياك الله...و الله وليد قالي قبل جم يوم...واحنا نتشرف بمعرفتك ...و انشاء الله يكون لنا لقاء بعد العيد

 

[sprite]

استاذنا الكريم بوعبدالوهاب

الله لا يحرمنا منك نبي تحليل حق سهم " جلوبل " و لا عليك أمر

نقاط الدعم القويه التي يتمتع بها السهم و يا ليت يكون التحليل للمدى البعيد .. و رأيك بالسهم يهمنا .


و مشكور و عساك على القوة ,,

 

[imate]

استاذنا الكريم بوعبدالوهاب

الله لا يحرمنا منك نبي تحليل حق سهم " جلوبل " و لا عليك أمر

نقاط الدعم القويه التي يتمتع بها السهم و يا ليت يكون التحليل للمدى البعيد .. و رأيك بالسهم يهمنا .


و مشكور و عساك على القوة ,,

حياك الله.. السهم المعني استثماري ممتاز... و هدفه الحالي قريب من ال 3100 و دعمه القوي 2660 و 2580 ..لو الشركة حافظة على نفس النمو في الأرباح لنهاية العام...ممكن نشوفه يلامس ال 4 دنانير .


الشارت مرفق بتاريخ اليوم


تحياتي

 

[sprite]

جلوبل

ما في فجوات سعرية للسهم أو أي شئ من هذا القبيل من خلال الرسم ؟ للإطمئنان

تحياتي لك ,,

 

[ابو ريم]

اخونا العزيز ماعليك امر نبي رايك في شركة الثمار خصوصا بعد ما اعلنو الارباح اليوم 146 فلس للتسعة شهور برايك هل هو الى صعود ام غير ذلك
نبي منك اذا تكرمت توضيح ولك جزيل الشكر

 

[imate]

ما في فجوات سعرية للسهم أو أي شئ من هذا القبيل من خلال الرسم ؟ للإطمئنان

تحياتي لك ,,

انت واحد مو مضبوط (غشمرة)

في فجوة قريبة من ال 2400 و راح يغطيها السهم لما السوق يوصل 12000-12200 و يبدي التصحيح في السوق


مو قلنا استثماري

 

[imate]

اخونا العزيز ماعليك امر نبي رايك في شركة الثمار خصوصا بعد ما اعلنو الارباح اليوم 146 فلس للتسعة شهور برايك هل هو الى صعود ام غير ذلك
نبي منك اذا تكرمت توضيح ولك جزيل الشكر

تحليل سهم الثمار

رفع التحليل قبل يومين

 

[imate]

انت واحد مو مضبوط (غشمرة)

في فجوة قريبة من ال 2400 و راح يغطيها السهم لما السوق يوصل 12000-12200 و يبدي التصحيح في السوق


مو قلنا استثماري

أضافة... ما لاحظت ان البحر أول مرة يستعجل بأعلان أرباح شركاته العادة أسهمه توقف اسبوع

 

[ابو ريم]

الله يعطيك العافيه وبيض الله وجهك بس ترا اخوك عليمي في التحليل لو تجاوب على سؤالي الى اين يتجه السهم خلال الفتره القادمه

ادري راح انتعبك بس رمضان كريم

 

[imate]

الله يعطيك العافيه وبيض الله وجهك بس ترا اخوك عليمي في التحليل لو تجاوب على سؤالي الى اين يتجه السهم خلال الفتره القادمه

ادري راح انتعبك بس رمضان كريم

اذا اقتنع السوق بالربحية.. السهم بتشوفه دبل سعره يعني دينار ... يعني سيناريو سهم رعد... يعني العيد عيدين

 

[ابو ريم]

الله لاايهينك وايوفقنا وياك على مجهودك الواضح لاخوانك

 

[بو أسيل]

مجموعه د وتوابعها

اخوي بو عبدالوهاب
يعطيك العافيه
ممكن من نظرتك الفنيه متى تتوقع ارتداد المجموعه د و توابعها وهل هناك مقاومه امامهم وبالاخص جراند ولوين اهدافهم القريبه ؟؟