مال عقاريه تجميع × تجميع عشان زيادة راس مالها 100%

[D_O_L_L_A_R]

قلنا قبل جم اسبوع ان مال عقاريه رايحه 550 والسوق ماساعدها وطلعوا منها مضاربين وصارت فرصه لصندوق استثماري تابع لشركه تملك فيها الحكومه راس مالها كله تقريبا وهذا الصندوق انتهز فرصه الدخول بهدوء ومحد قاعد يحس
المال عقاريه صكرت اليوم مثل ماشفتو على سعر 455 وفي حجي قوي طالع من اهلها ان في توجه لزيادة راس مال الشركه والي ماعرفه هل راح يكون هالخبر بعد العيد او هالجم يوم ؟
يعني السهم متعلق متعلق والتجميع بدا والله اعلم

 

[سهم سهم سهم سهم]

يابوشباب حتى انا وصيت عليها وقلت رايحه 540 او 530 بس مومعناته ان عندهم زيادة راس مال كلها مضاربات ومافي غير هالكلام والسوق اليومين الي طافو مو داير لها بال ويمكن توصل 400 ترى هالشركه ماتسوى الا 300 فلس بس

 

[بايع شاري]

السلام عليكم ورحمته وبركاته

الي قاعد يصير بصراحه بالسوق شي غير مطمن بالمره شركة رعد تبي ترفع راس ماله 100 مليون دينار من 5 مليون والحين شركة المال عقاريه بترفع من 23 مليون 100 % هالشي يذكرني بسوق المناخ بطريقه ثانيه لانه مو معقوله هالزيادة في راس المال ومن غير اي معرفه عن شنو اهي المشاريع الي بتقوم فيها هالشركات يعني رعد شعندها 100 مليون وصناعات وطنيه شعندها تزيد 33 % ومال عقاريه هم شعندهم 100 % والله وحده يستر