لفت نظري المؤتمر الصحفي اللي تكلم فيه وكيل وزارة الماليه عن وضع الميزانيه .. وطبعا ردت فعل جريدة القبس الجميله ولطمها وويلاتها انه الرواتب تأكل اكثر من 85 من الميزانيه ..
عندي جم سؤال .. لمن يهمه الامر .. لاني تعبت الصراحه ..
المعلومات المذكوره في المؤتمر الجميل .. انه الدخل المتوقع 18 مليار .. منهم 16 مليار وكسور من النفط .. و 1 وكسور من المخالفات والتحصيلات والكلام من هالقبيل .. حلو ؟؟ وطبعا النفط بناء على سعر تقديري 70 دولار و انتاج 2.7 مليون برميل يوميا .. حلو ؟؟ ممتاز ؟؟ عيل اسمع !
بداية فيما يخص الدخل المتوقع .. 18 مليار .. ترتكز على النفط والرسوم .. طيب والاستثمارات الخارجيه المقدره ب 371 مليار دولار ؟؟ ما منهم عائد ؟؟ والا هذيل للمساعدات والمنح ؟؟ زين حطهم وديعه واخذ 5% وعطنا معاشات من استثماراتنا بدال ما انت ذالنا بالباب الاول والباب الاول سكر الله بيبان.... والا ماله داعي !!! ماكو غاز ؟؟ ماكو نفط مكرر ؟؟ ماكو شي مفيد .. دوله قائمة على تحصيل رسوم وبيع 2.7 مليون برميل نفط بس !!!!!!! يخررررررررررررب بيييييييييييييتكم
في يناير 2012 صرح وزير النفط آنذاك ( البصيري ) انه الكويت وصل انتاجها النفطي الى 3 مليون برميل في ديسمبر !!! انا بفهم الطياح .. هنياله من يلهمه
زين على الاقل .. اكل ت... والا هم ماله داعي .. ولا تتكلم عن عجز ! احنا كشعب شنبي بالميزانيه كميزانيه .. احنا نبي وضعنا سليم والا مو سليم .. مو معقول كل سنه من عان 2007 تحديدا .. البنك الوطني يقول الكويت عندها فائض زليار دينار .. ووزير الماليه المزيون يقول عندنا عجز !!!!
احترموا مشاعر الناس يا ناس .. الله ... والا هم ماله داعي .. وشكرا